കണ്ണീർ കടലായി വയനാട്; മരിച്ചവരുടെ എണ്ണം 247 ആയി

കല്പ്പറ്റ: വയനാട്ടിലെ മേപ്പാടി മുണ്ടക്കൈയിലും ചൂരല്മലയിലും ഉണ്ടായ ഉരുള്പൊട്ടലില് 247 പേര് മരിച്ചതായി സ്ഥിരീകരിച്ചു. മരിച്ചവരില് നിരവധി കുട്ടികളും ഉള്പ്പെടും. ഇരുന്നൂറിലധികം പേരെ കാണാതായി. മുണ്ടക്കൈയിൽ മാത്രം 400ഓളം കുടുംബങ്ങളെയാണ് ദുരന്തം ബാധിച്ചിരിക്കുന്നത്. പ്രദേശത്ത് സൈനികരുടെയും സന്നദ്ധ പ്രവർത്തകരുടെയും നേതൃത്വത്തിൽ രക്ഷാപ്രവർത്തനം നടന്നുകൊണ്ടിരിക്കുകയാണ്.