health

ഏകാന്തത അനുഭവിക്കുന്നവരാണോ? എങ്കിൽ പക്ഷാഘാതസാധ്യത കൂടുതലെന്ന് പഠനം

Published

4 months ago

July 11, 2024

NH newsdesk

Share our post

ഏകാന്തത ഉണ്ടാക്കുന്ന ആരോഗ്യപ്രശ്നങ്ങൾ നിരവധിയാണ്. ദീർഘകാലമായി ഏകാന്തത അനുഭവിക്കുന്നവരിൽ പക്ഷാഘാതസാധ്യത കൂടുതലാണെന്നാണ് പുതിയൊരു പഠനത്തിൽ പറയുന്നത്. മിഷിഗൺ സർവകലാശാലയിലെ ഹെൽത്ത് ആന്റ് റിട്ടയർമെന്റ് സ്റ്റഡിയിൽ നിന്നുള്ള ഡേറ്റ ശേഖരിച്ചാണ് ഗവേഷകർ പഠനം നടത്തിയത്. 2006 മുതൽ 2018 വരെയുള്ള ആരോഗ്യവിവരങ്ങളാണ് ഡേറ്റയിലുണ്ടായിരുന്നത്. അമ്പതു വയസ്സും അതിനുമുകളിലും പ്രായമുള്ള 8,936 പേരുടെ വിവരങ്ങളാണ് ശേഖരിച്ചത്. ഇവരിലാരും മുമ്പ് പക്ഷാഘാതം ഉണ്ടായിട്ടുള്ളവരുമല്ല. ദി ലാൻസെറ്റ്സ് ഇക്ലിനിക്കൽ മെഡിസിനിൽ ഇതുസംബന്ധിച്ച പഠനം പ്രസിദ്ധീകരിച്ചിട്ടുണ്ട്. ബോസ്റ്റണിലെ ഹാർവാർഡ് ടി.എച്ച്. ചാൻ സ്കൂൾ ഓഫ് പബ്ലിക് ഹെൽത്തിലെ ഗവേഷകരാണ് പഠനത്തിനു പിന്നിൽ.

ചോദ്യാവലിയിലൂടെ പഠനത്തിൽ പങ്കാളികളായവരുടെ ഏകാന്തതയേക്കുറിച്ച് പരിശോധിക്കുകയാണ് ചെയ്തത്. രണ്ടുഘട്ടങ്ങളിലായാണ് വിലയിരുത്തൽ നടത്തിയത്. ഇതിന്റെ അടിസ്ഥാനത്തിൽ സ്ഥിരമായി ഏകാന്തത കൂടുതൽ അനുഭവിക്കുന്നവർ, കുറവ് അനുഭവിക്കുന്നവർ, നിയന്ത്രണവിധേയമായ രീതിയിൽ ഏകാന്തത അനുഭവിക്കുന്നവർ, ആദ്യഘട്ടത്തിൽ കുറവും രണ്ടാംഘട്ടത്തിൽ കൂടുതലും ഏകാന്തത അനുഭവിച്ചവർ എന്നിങ്ങനെ നാലുവിഭാഗങ്ങളായി തിരിക്കുകയും ചെയ്തു.

തുടർന്നാണ് ഏകാന്തതയുള്ളവരിൽ അല്ലാത്തവരെ അപേക്ഷിച്ച് പക്ഷാഘാതത്തിനുള്ള സാധ്യത 25 ശതമാനം കൂടുതലാണെന്ന് കണ്ടെത്തിയത്. ഏകാന്തത മൂലം സമ്മർദം വർധിക്കുന്നതും രക്തസമ്മർദത്തിന്റെ തോത് കൂടുന്നതും പക്ഷാഘാതത്തിനു കാരണമാകാം എന്ന് ഗവേഷകർ പറയുന്നു. ഒറ്റയ്ക്കാകുമ്പോൾ ശാരീരിക പ്രവർത്തനങ്ങൾ കുറയുന്നതും ഭക്ഷണം കൂടുതൽ കഴിക്കുന്നതും ലഹരി പദാർഥങ്ങൾക്ക് അടിമപ്പെടുന്നതും ഉറക്കം കുറയുന്നതുമൊക്കെ പക്ഷാഘാതസാധ്യത വർധിപ്പിക്കുന്ന ഘടകങ്ങളാണ്.

സാഹചര്യങ്ങൾക്കനുസരിച്ച് ചിലഘട്ടങ്ങളിൽ‍ ഏകാന്തത അനുഭവിക്കുന്നവരിൽ പക്ഷാഘാതസാധ്യതയില്ലെന്നും മറിച്ച് നീണ്ടുനിൽക്കുന്ന കാലങ്ങളായി ഏകാന്തതയിലൂടെ കടന്നുപോകുന്നവർക്കാണ് ഭീഷണിയുള്ളതെന്നും പഠനത്തിൽ പറയുന്നുണ്ട്.

എന്താണ് സ്ട്രോക്ക്?

മസ്തിഷ്‌കത്തിലേക്കുള്ള രക്തധമനികളില്‍ രക്തം കട്ട പിടിക്കുകയോ (Thrombosis) രക്തസ്രാവം (Haemorrhage) ഉണ്ടാവുകയോ ചെയ്യുന്ന അവസ്ഥയാണ് സ്ട്രോക്ക്. രക്താതിമര്‍ദത്തിന്റെയോ അല്ലെങ്കില്‍ മറ്റ് ജീവിതശൈലീ രോഗങ്ങളുടെയോ പരിണിത ഫലമായിട്ടാണ് സ്ട്രോക്ക് ഉണ്ടാകുന്നത്. ആഗോളതലത്തില്‍ നാല് മുതിര്‍ന്നവരില്‍ ഒരാള്‍ക്ക് പക്ഷാഘാതം വരുന്നതായാണ് കണക്കുകള്‍ സൂചിപ്പിക്കുന്നത്. പക്ഷാഘാതം പ്രധാനമായും രണ്ട് തരമാണ്. തലച്ചോറിലേക്കുള്ള രക്തക്കുഴലുകളില്‍ പ്ലാക്ക് അടിഞ്ഞ് കൂടുകയും ഈ പ്ലാക്കുകള്‍ പൊട്ടി അത് രക്തക്കട്ടയായി തലച്ചോറിലേക്കുള്ള രക്തയോട്ടം ഭാഗികമായോ പൂര്‍ണ്ണമായോ തടസ്സപ്പെടുത്തുന്നു. ഇതിനെ ഇസ്കെമിക് സ്ട്രോക്ക് എന്ന് പറയുന്നു. തലച്ചോറിലെ രക്തക്കുഴലുകള്‍ പൊട്ടി രക്തസ്രാവം ഉണ്ടാവുകയും തന്മൂലം പക്ഷാഘാതം സംഭവിക്കുകയും ചെയ്യുന്നതാണ് രണ്ടാമത്തേത്. ഇതിനെ ഹെമറേജിക് സ്ട്രോക് എന്ന് വിളിക്കുന്നു.

Share our post

health

ശരീരത്തില്‍ ജലാംശം കൂടുതലാണെന്ന് എങ്ങനെ മനസ്സിലാക്കാം

Published

2 weeks ago

November 12, 2024

NH newsdesk

Share our post

ശരീരത്തില്‍ ആവശ്യത്തിലധികം ജലാംശം എത്തിയാല്‍ അത് ആരോഗ്യത്തെ പ്രതികൂലമായി ബാധിക്കാം. ശരീരത്തില്‍ ജലാംശം കൂടുതലാണെന്ന് എങ്ങനെ മനസ്സിലാക്കാം. ജലാംശം അമിതമായാല്‍ ശരീരം ചില സൂചനകള്‍ നല്‍കും. ഇടയ്ക്കിടെ മൂത്രമൊഴിക്കല്‍, വ്യക്തമായ മൂത്രം (അമിത ജലാംശത്തിന്റെ ആദ്യകാല അടയാളം) തലവേദന, ഓക്കാനം, അല്ലെങ്കില്‍ ആശയക്കുഴപ്പം കൈകളിലോ കാലുകളിലോ മുഖത്തോ വീക്കം എന്നിവ പൊതുവെ കണ്ട് വരുന്ന ചില പ്രശ്‌നങ്ങളാണ്. ചിലരില്‍ അപൂര്‍വമായി വെള്ളം കുടിക്കുന്നതില്‍ അഡിക്ഷനും കണ്ടു വരാറുണ്ട്.

ഇലക്ട്രോലൈറ്റ് ബാലന്‍സ് പുനഃസ്ഥാപിക്കുന്നതിന് വെള്ളം കുടിക്കുന്നത് നിര്‍ത്തുകയും അടിയന്തര വൈദ്യസഹായം തേടുകയും ചെയ്യണം. ഗുരുതര സന്ദര്‍ഭങ്ങളില്‍ ശരീരത്തിലെ അധിക ജലം പുറന്തള്ളുന്നതിനായി ഡൈയൂററ്റിക്‌സ് ഉപയോഗിച്ചേക്കാം. സോഡിയം അളവ് ശ്രദ്ധാപൂര്‍വം ശരിയാക്കേണ്ടത് അത്യാവശ്യമാണ്. വളരെ വേഗത്തിലുള്ള തിരുത്തല്‍ സെന്‍ട്രല്‍ പോണ്ടൈന്‍ മൈലിനോലിസിസ് പോലുള്ള അപകടകരമായ സങ്കീര്‍ണതകള്‍ക്ക് ഇവ വഴിവച്ചേക്കാം. കാലാവസ്ഥ, ശാരീരിക പ്രവര്‍ത്തനങ്ങള്‍, മൊത്തത്തിലുള്ള ആരോഗ്യം തുടങ്ങിയ ഘടകങ്ങളെ ആശ്രയിച്ചാണ് ഒരു വ്യക്തി എത്രമാത്രം വെള്ളം കുടിക്കണമെന്ന് വിലയിരുത്തുന്നത്. എന്നാല്‍ പുരുഷന്മാര്‍ പ്രതിദിനം ഏകദേശം 3.7 ലിറ്റര്‍ വെള്ളവും സ്ത്രീകള്‍ പ്രതിദിനം ഏകദേശം 2.7 ലിറ്റര്‍ വെള്ളവും കുടിക്കാന്‍ ശ്രദ്ധിക്കണം.

Share our post

health

മറവിരോഗ ബാധിതരെ കണ്ടെത്താൻ ഇനി ആശാവർക്കർമാരും

Published

1 month ago

October 21, 2024

NH newsdesk

Share our post

സംസ്ഥാനത്തെ ഡിമെൻഷ്യ, അൽഷിമേഴ്സ് ബാധിതരെ കണ്ടെത്തുന്നതിനായി ഇനി ആശാവർക്കർമാരുടെ സേവനവും. സംസ്ഥാനത്തെ വയോമിത്രം യൂണിറ്റുകളിൽ നംവബറിൽ ‘ഓർമ്മത്തോണി’ ക്ലിനിക്കുകൾ ആരംഭിക്കുന്നതിന്റെ ഭാഗമായാണ് ആശാവർക്കർമാരുടെ സേവനം പ്രയോജനപ്പെടുത്തുന്നത്.

ഡിമെൻഷ്യ സൗഹൃദകേരളം പദ്ധതിയുടെ ഭാഗമായി സാമൂഹികനീതി വകുപ്പിനുകീഴിൽ കേരള സാമൂഹികസുരക്ഷാ മിഷൻ വഴിയാണ് സംസ്ഥാനത്തെ വയോമിത്രം യൂണിറ്റുകളിൽ ഓർമ്മത്തോണി ക്ലിനിക്കുകൾ ആരംഭിക്കുന്നത്. തദ്ദേശസ്വയംഭരണ സ്ഥാപനങ്ങളിൽ ആരോഗ്യവകുപ്പിന്റെ സഹകരണത്തോടെ ആരംഭിക്കുന്ന ക്ലിനിക്കുകളിൽ വയോജനങ്ങളെ പരിശോധിക്കും.

മറവിരോഗം സ്ഥിരീകരിക്കുന്നവർക്ക് വിദഗ്ധ ചികിത്സയും മരുന്നും ഉറപ്പാക്കും. ആശാവർക്കർമാർക്ക് പരിശീലനം നൽകുന്നതിനുള്ള കൈപ്പുസ്തകവും പരിചരണ വിവരങ്ങൾ ഉൾപ്പെടുത്തിയ സാമഗ്രികളും പ്രചാരണ ഉപാധികളും തയ്യാറാക്കി രോഗികളെ പരിചരിക്കുന്ന കുടുംബാംഗങ്ങൾക്ക് ഹെൽപ്പ് ലൈൻ സംവിധാനം ഒരുക്കും.

Share our post

health

ടോയ്‌ലറ്റിൽ ഫോൺ കൊണ്ടുപോകുന്നവർ ശ്രദ്ധിക്കുക; രോഗവുമായിട്ടാവാം തിരിച്ചിറങ്ങുന്നത്

Published

1 month ago

October 10, 2024

NH newsdesk

Share our post

പോകുന്നിടത്തെല്ലാം ഫോണ്‍കൊണ്ടുപോവുക എന്നത് നമ്മുടെയെല്ലാം ശീലമായിക്കഴിഞ്ഞു, അതിപ്പോള്‍ ശുചിമുറിയിലായാലും. എത്രനേരം വേണമെങ്കിലും ഫോണുമായി ടോയ്‌ലറ്റ് സീറ്റിലിരിക്കാൻ പലര്‍ക്കും ഒരുമടിയും ഇല്ല. എന്നാല്‍ ഫോണ്‍ കൊണ്ട് ശുചിമുറിയില്‍ പോകുന്നത് അത്ര നല്ല കാര്യമല്ല. ശ്രദ്ധിച്ചോളു, വലിയ ആരോഗ്യ പ്രശ്‌നങ്ങള്‍ നിങ്ങളെ കാത്തിരിക്കുന്നുണ്ട്. ശുചിമുറി എത്രയൊക്കെ വൃത്തിയാക്കിയാലും പൂർണ്ണമായും അണുവിമുക്തമാകില്ല. ഈ അണുക്കള്‍ അപകടകാരികളാണെന്ന് എല്ലാവര്‍ക്കും അറിയുകയും ചെയ്യാം. എന്നിട്ടും ഫോണുമായി ടോയ്‌ലറ്റിലേയ്ക്ക് പോകാൻ ആളുകൾക്ക് മടിയില്ല. ഗെയിം കളിക്കാനും യൂട്യൂബ് വീഡിയോകള്‍ കാണാനും റീല്‍സ് കാണാനും ഒക്കെ ബാത്ത് റും മികച്ച ഇടമായിട്ടാണ് പലരും കാണുന്നത്.

പൈല്‍സും മലബന്ധവും

ബാത്ത്‌റൂമില്‍ ഫോണുമായി ധാരാളം സമയം ചിലവഴിക്കുന്നത് പൈല്‍സും മലബന്ധവും ഉണ്ടാകാന്‍ കാരണമാകുന്നു. വേദനാജനകമായ ഈ പൈല്‍സ് മലമൂത്രവിസര്‍ജ്ജനവും വേദനാജനകമാക്കുന്നു. ടോയ്‌ലറ്റില്‍ ധാരാളം സമയം ഫോണുമായിരിക്കുന്നത് മലായശത്തിനും മലദ്വാരത്തിനും ചുറ്റുമുള്ള രക്തക്കുഴലുകളില്‍ അമിതമായ സമ്മര്‍ദ്ദത്തിന് കാരണമാകുന്നു. കാലക്രമേണ ആവര്‍ത്തിച്ച് ലഭിക്കുന്ന ഈ സമ്മര്‍ദ്ദം ഇത് ഹെമറോയ്ഡ് അല്ലെങ്കില്‍ പൈല്‍സിലേക്ക് വഴിതെളികുന്നു. പൈല്‍സ് ബാധിച്ചിട്ടുള്ള പലരും ടോയ്‌ലറ്റില്‍30-45 മിനിറ്റ് സമയം ചെലവഴിക്കുന്നവരാണെന്ന് ഡോക്ടര്‍മാര്‍ പറയുന്നത്.

മറ്റ് ശാരീരിക പ്രശ്‌നങ്ങള്‍

ഫോണുമായി ടോയ്‌ലറ്റ് സീറ്റില്‍ കുനിഞ്ഞിരിക്കുന്നത് കഴുത്തുവേദനയ്ക്കും പുറംവേദനയ്ക്കും കാരണമാകാറുണ്ട്. ശുചിമുറി വളരെ കുറച്ച് സമയം ചെലവഴിക്കേണ്ടയിടമാണ്. അത് ഡിജിറ്റല്‍ ഇടങ്ങളിൽ ചെലവഴിക്കാനുള്ള സമയമാക്കി മാറ്റുമ്പോള്‍ സ്‌ക്രീന്‍ സമയം കൂട്ടുകയും അത് ഭാവിയില്‍ വിരസതയിലേക്കും മടിയിലേക്കും നയിക്കുകയും, ഉത്കണ്ഠ വര്‍ദ്ധിപ്പിക്കുകയും ചെയ്യും. ഫോണ്‍ മാത്രമല്ല പത്രവും പുസ്തകവും ഒന്നും ശുചിമുറിയില്‍ കൊണ്ടുപോകുന്നതും നല്ലതല്ല.

Share our post