ഇരിട്ടിയിൽ 60 കിലോ കഞ്ചാവുമായി യുവാവ് പിടിയിൽ 

ഇരിട്ടി : 60 കിലോ കഞ്ചാവുമായി വാഹന സഹിതം ഒരാളെ ഇരിട്ടിയിൽ എക്സൈസ് സംഘം പിടികൂടി. ചൊക്ലി മേനപ്രം കൈതോൽ പീടികയിൽ കെ.പി. ഹക്കീം (46) എന്നയാളെയാണ് എക്‌സൈസ് ഇൻസ്‌പെക്ടർ പ്രജീഷ് കുന്നുമ്മലിന്റെ നേതൃത്വത്തിൽ ഇരിട്ടി ടൗണിൽ വെച്ച് അറസ്റ്റ് ചെയ്തത്.

പാർട്ടിയിൽ അസിസ്റ്റന്റ് എക്‌സൈസ് ഇൻസ്‌പെക്ടർമാരായ ടി.കെ. വിനോദൻ, കെ.പി. പ്രമോദ്, കെ.വി.സുരേഷ്, പ്രിവെന്റീവ് ഓഫീസർ (ഗ്രേഡ്) ഷൈബി കുര്യൻ, വി.കെ. അനിൽകുമാർ, സിവിൽ എക്‌സൈസ് ഓഫീസർമാരായ വി. ശ്രീനിവാസൻ, കെ.രമീഷ്‌, സന്ദീപ് ഗണപതിയാടൻ, വി. ശരണ്യ എന്നിവരും ഉണ്ടായിരുന്നു.