ദുരന്ത നിവാരണ അതോറിറ്റി അറിയിപ്പ്
തിരുവനന്തപുരം: അതിതീവ്ര മഴയില്‍ മലവെള്ള പാച്ചിലിനും മിന്നല്‍ പ്രളയത്തിനും, നഗരങ്ങളില്‍ വെള്ളക്കെട്ടിനും സാധ്യത ഉണ്ടെന്ന് ദുരന്ത നിവാരണ അതോറിറ്റി അറിയിച്ചു.
മിന്നലിനും കാറ്റിനും സാധ്യതയുണ്ട്. വെള്ളച്ചാട്ടങ്ങള്‍, ജലാശയങ്ങള്‍, മലയോര മേഖലകള്‍ തുടങ്ങിയ വിനോദ യാത്രകള്‍ ഒഴിവാക്കണം.
തീരപ്രദേശത്ത് ഉള്ളവര്‍ ജാഗ്രത പാലിക്കണം. കേരള തീരത്ത് നിന്നും മത്സ്യ തൊഴിലാളികള്‍ കടലില്‍ പോകാന്‍ പാടില്ല.
എല്ലാ ജില്ലകളിലും 24 മണിക്കൂര്‍ താലൂക്ക്, ജില്ലാ കണ്‍ട്രോള്‍ റൂമുകള്‍ പ്രവര്‍ത്തനം തുടങ്ങി. സഹായങ്ങൾക്ക് 1077, 1070 എന്നീ ടോള്‍ ഫ്രീ നമ്പറുകളില്‍ ബന്ധപ്പെടാം.
