Kerala
കാത്തിരിപ്പ് അവസാനിക്കുന്നു; ഥാര്‍ ഫൈവ് ഡോര്‍ മോഡലിന്റെ വരവിന് സമയം കുറിച്ച് മഹീന്ദ്ര
എല്ലാ സ്വാതന്ത്ര്യ ദിനത്തിലും ഇന്ത്യയിലെ വാഹനപ്രേമികളെ സന്തോഷിപ്പിക്കുന്ന പ്രഖ്യാപനങ്ങള്‍ മഹീന്ദ്രയില്‍ നിന്ന് ഉണ്ടാകാറുണ്ട്. 2020-ല്‍ ഥാര്‍ എന്ന ലൈഫ് സ്റ്റൈല്‍ എസ്.യു.വി. മഹീന്ദ്ര ആരാധകരില്‍ ഉണ്ടാക്കിയ ആവേശം ഒരിക്കല്‍ കൂടി ആവര്‍ത്തിനാക്കുള്ള ഒരുക്കത്തിലാണ് കമ്പനി. 2024-ലെ സ്വാതന്ത്ര്യ ദിനത്തില്‍ വര്‍ഷങ്ങളായി കാത്തിരിക്കുന്ന ഥാറിന്റെ അഞ്ച് ഡോര്‍ മോഡല്‍ എത്തിക്കാനാണ് ഇന്ത്യയിലെ ഏറ്റവും വലിയ എസ്.യു.വി. നിര്‍മാതാക്കളായ മഹീന്ദ്ര ഒരുങ്ങുന്നതെന്നാണ് റിപ്പോര്‍ട്ട്.
മഹീന്ദ്രയില്‍ നിന്നുള്ള സുപ്രധാന പ്രഖ്യാപനങ്ങളും ലോഞ്ചുകളും സാധാരണയായി സ്വാതന്ത്ര്യദിനത്തിലാണ് ഉണ്ടാകാറുള്ളത്. 2023 ഓഗസ്റ്റ് 15-ന് ഥാറിന്റെ ഇലക്ട്രിക് പതിപ്പ്, സ്‌കോര്‍പിയോ എന്‍ മോഡലിനെ അടിസ്ഥാനമാക്കിയുള്ള ലൈഫ്‌സ്റ്റൈല്‍ പിക്ക്അപ്പ് എന്നിവയുടെ കണ്‍സെപ്റ്റ് മോഡലായിരുന്നു പ്രദര്‍ശിപ്പിച്ചത്. ഥാറിന്റെ ഫൈവ് ഡോര്‍ മോഡല്‍ ഈ വര്‍ഷമെത്തുന്ന മുമ്പുതന്നെ സൂചനകളുണ്ടായിരുന്നു. ഈ വാഹനത്തിനായി മഹീന്ദ്ര ചില പേരുകളുടെ പകര്‍പ്പ് അവകാശവും നേടിയിട്ടുണ്ട്.
നിലവിലെ ഥാറിന്റെ ലോങ്ങ് വീല്‍ ബേസ് പതിപ്പായായിരിക്കും ഥാര്‍ ഫൈവ് ഡോര്‍ മോഡല്‍ എത്തുന്നത്. നിലവിലെ മോഡലിലേതിനെക്കാള്‍ 300 എം.എം. അധിക വീല്‍ബേസാണ് ഈ വാഹനത്തില്‍ പ്രതീക്ഷിക്കുന്നത്. വശങ്ങളില്‍ രണ്ട് ഡോറുകള്‍ അധികമായി നല്‍കുന്നതിനൊപ്പം ഇന്റീരിയറില്‍ കൂടുതല്‍ സ്പേസും ഈ വാഹനം ഉറപ്പാക്കുമെന്നാണ് വിവരം. എക്സ്റ്റീരിയറിലെ ഡിസൈനിലും ഇന്റീരിയറിലെ ലേഔട്ടുമെല്ലാം നിലവിലെ ത്രീ ഡോര്‍ ഥാറിന് സമാനമായിരിക്കുമെന്നാണ് വിലയിരുത്തലുകള്‍.
നിലവില്‍ ഉള്ള ഥാറിനെക്കാള്‍ ഏതാനും അധിക ഫീച്ചറുകള്‍ ഈ വാഹനത്തില്‍ പ്രതീക്ഷിക്കാം. സണ്‍റൂഫ്, കൂടുതല്‍ മെച്ചപ്പെടുത്തിയിട്ടുള്ള ആന്‍ഡ്രോയിഡ് ഓട്ടോ, ആപ്പിള്‍ കാര്‍പ്ലേ സംവിധാനങ്ങളുള്ള ടച്ച് സ്‌ക്രീന്‍ ഇന്‍ഫോടെയ്ന്‍മെന്റ് സിസ്റ്റം, സെന്റര്‍ ആം റെസ്റ്റ്, എന്നിവയായിരിക്കും അധികമായി നല്‍കുക. വാഹനത്തില്‍ ഉപയോഗിച്ചിട്ടുള്ള മെറ്റീരിയലുകളും ഫിറ്റ് ആന്‍ഡ് ഫിനീഷിങ്ങും നിലവിലെ ഥാറിനെ അപേക്ഷിച്ച് ഏറെ മുന്നിലായിരിക്കുമെന്നാണ് വിലയിരുത്തലുകള്‍.
3985 എം.എം. നീളം, 1820 എം.എം വീതി, 1844 എം.എം. ഉയരം എന്നിങ്ങനെയായിരിക്കും ഈ വാഹനത്തിന്റെ വലിപ്പം. മെക്കാനിക്കല്‍ ഫീച്ചറുകള്‍ ത്രീ ഡോര്‍ ഥാറിന് സമാനമായിരിക്കുമെന്നാണ് പ്രതീക്ഷിക്കുന്നത്. 2.0 ലിറ്റര്‍ എംസ്റ്റാലിന്‍ പെട്രോള്‍, 1.5 ലിറ്റര്‍ പെട്രോള്‍ എന്നീ രണ്ട് എന്‍ജിനുകളിലായിരിക്കും ഫൈവ് ഡോര്‍ ഥാര്‍ എത്തുന്നത്. പെട്രോള്‍ എന്‍ജിന്‍ 150 ബി.എച്ച്പി പവറും 320 എന്‍.എം. ടോര്‍ക്കും, ഡീസല്‍ എന്‍ജിന്‍ 130 ബി.എച്ച്പി പവറും 300 എന്‍എം ടോര്‍ക്കുമേകും. ഓട്ടോമാറ്റിക്-മാനുവല്‍ ട്രാന്‍സ്മിഷനുകളിലെത്തും.
Breaking News
ഇനി പെരുമഴക്കാലം; കേരളത്തില്‍ കാലവര്‍ഷമെത്തി; ഇത്ര നേരത്തെയെത്തുന്നത് 16 കൊല്ലത്തിനുശേഷം
തിരുവനന്തപുരം: കേരളത്തില്‍ ശനിയാഴ്ച (മേയ് 24) തെക്കുപടിഞ്ഞാറന്‍ കാലവര്‍ഷമെത്തിയതായി കേന്ദ്രകാലാവസ്ഥാ നിരീക്ഷണ വകുപ്പ് അറിയിച്ചു. 16 കൊല്ലത്തിനിടെ ഇതാദ്യമായാണ് കാലവര്‍ഷം ഇത്ര നേരത്തെയെത്തുന്നത്. മുൻപ് 2009-ല്‍ മേയ് 23-നായിരുന്നു സംസ്ഥാനത്ത് കാലവര്‍ഷമെത്തിയത്.
സാധാരണയായി ജൂണ്‍ ഒന്നാം തീയതിയോടെയാണ് സംസ്ഥാനത്ത് കാലവര്‍ഷമെത്താറ്. എന്നാല്‍ ഇതില്‍നിന്ന് വ്യത്യസ്തമായി എട്ടുദിവസം മുന്‍പേയാണ് ഇക്കുറി എത്തിയിരിക്കുന്നത്. 1990 (മെയ് 19) ആയിരുന്നു 1975-ന് ശേഷം കേരളത്തില്‍ ഏറ്റവും നേരത്തെ കാലവര്‍ഷം എത്തിയത്. അതിതീവ്ര മഴയ്ക്ക് സാധ്യതയുള്ളതിനാൽ കണ്ണൂർ, കാസർകോട് ജില്ലകളിൽ ഇന്ന് റെഡ് അലർട്ടാണ്.
കൊച്ചി: റോഡിന് കുറുകെ ഒടിഞ്ഞുവീണുകിടന്ന ഇലക്ട്രിക്‌പോസ്റ്റില്‍ തട്ടി ബൈക്ക് യാത്രികനായ ഉസ്താദിന് ദാരുണാന്ത്യം. കുമ്പളം പള്ളിയിലെ ഉസ്താദും അരൂര്‍ സ്വദേശിയുമായ അബ്ദുള്‍ ഗഫൂറാണ് (54) മരിച്ചത്. രണ്ട് ദിവസങ്ങള്‍ക്ക് മുമ്പ് വൈദ്യുതി കണക്ഷന്‍ നല്‍കുന്നതിനായി സ്ഥാപിച്ച പോസ്റ്റാണ് കനത്ത മഴയില്‍ റോഡിന് കുറുകെ വീണ് അപകടത്തിനിടയാക്കിയത്. അതേസമയം പോസ്റ്റ് ഒടിഞ്ഞുവീണ വിവരം കെഎസ്ഇബിയേയും പോലീസിനേയും അറിയിച്ചിരുന്നെങ്കിലും ഒരുവിധ നടപടിയും സ്വീകരിച്ചില്ലെന്നാണ് നാട്ടുകാരുടെ ആരോപണം
കുമ്പളം സെയ്ന്റ്‌മേരീസ് പള്ളിക്കു സമീപം ശനിയാഴ്ച്ച പുലര്‍ച്ചെ 4.30 ഓടെയായിരുന്നു അപകടം. രാത്രിയാണ് പോസ്റ്റ് ഒടിഞ്ഞു വീണത്. പിന്നാലെ ഇക്കാര്യം പോലീസിനേയും കെഎസ്ഇബിയേയും വിവരമറിയിച്ചു. തുടര്‍ന്ന് രാത്രി മൂന്നുമണിവരെ ഈ സ്ഥലത്ത് പോലീസ് ഉണ്ടായിരുന്നെങ്കിലും പോസ്റ്റ് നീക്കം ചെയ്യുന്നതിന് ഒരുവിധ നടപടിയും സ്വീകരിക്കാതെ മടങ്ങുകയായിരുന്നു.
പോലീസ് സ്ഥലത്തുനിന്ന് പോയതിന് പിന്നാലെയാണ് അബ്ദുള്‍ ഗഫൂര്‍ ഇതുവഴി കടന്നുപോയത്. ഇദ്ദേഹം അപകടത്തില്‍പ്പെടുകയും ആശുപത്രിയില്‍ എത്തിച്ചെങ്കിലും മരണം സംഭവിക്കുകയുമായിരുന്നു. ഇതിന് പിന്നാലെ ബൈക്കിലെത്തിയ ക്ഷേത്രം മേല്‍ശാന്തിക്കും അപകടത്തില്‍ ഗുരുതര പരുക്കേറ്റിട്ടുണ്ട്. നെട്ടൂര്‍ കല്ലാത്ത് ശ്രീകൃഷ്ണസ്വാമി ക്ഷേത്രത്തിലെ മേല്‍ശാന്തി സുരേഷിനാണ് ഗുരുതരമായി പരിക്കേറ്റിട്ടുള്ളത്. അപകടത്തില്‍ പരിക്കേറ്റ സുരേഷിനെ അതുവഴി സഞ്ചരിക്കുകയായിരുന്ന യാത്രക്കാരും നാട്ടുകാരും ചേര്‍ന്ന് ആശുപത്രിയില്‍ എത്തിക്കുകയായിരുന്നു. അതേസമയം പോസ്റ്റ് റോഡിന് കുറുകെ വീണ് മണിക്കൂറുകള്‍ കഴിഞ്ഞിട്ടും ഇതുവരെ ഒരു നടപടിയും സ്വീകരിച്ചിട്ടില്ല.
തിരുവനന്തപുരം: അടുത്ത രണ്ടു ദിവസത്തിനുള്ളില്‍ കേരളത്തില്‍ കാലവര്‍ഷം എത്തിച്ചേരാന്‍ സാധ്യതയെന്ന് കേന്ദ്ര കാലാവസ്ഥാ വകുപ്പ്. അടുത്ത ഏഴു ദിവസം പടിഞ്ഞാറന്‍/വടക്കു പടിഞ്ഞാറന്‍ കാറ്റ് കേരളത്തിന് മുകളില്‍ ശക്തമാകാന്‍ സാധ്യതയുണ്ട്. മധ്യ കിഴക്കന്‍ അറബിക്കടലില്‍ വടക്കന്‍ കര്‍ണാട-ഗോവ തീരത്തിന് മുകളിലായി രൂപപ്പെട്ട ന്യൂനമര്‍ദ്ദം ശക്തികൂടിയ ന്യൂനമര്‍ദ്ദമായി മാറി. തുടര്‍ന്ന് വടക്കോട്ടു നീങ്ങുന്ന ന്യൂനമര്‍ദ്ദം അടുത്ത 24 മണിക്കൂറിനുള്ളില്‍ തീവ്ര ന്യൂനമര്‍ദ്ദമായി ശക്തിപ്രാപിക്കാന്‍ സാധ്യതയെന്നും കേന്ദ്ര കാലാവസ്ഥ വകുപ്പ് അറിയിച്ചു. മെയ് 27-ഓടെ മധ്യ പടിഞ്ഞാറന്‍-വടക്കന്‍ ബംഗാള്‍ ഉള്‍ക്കടലിനു മുകളിലായി മറ്റൊരു ന്യൂനമര്‍ദ്ദംകൂടി രൂപപ്പെടാന്‍ സാധ്യതയുണ്ട്. കേരളത്തില്‍ അടുത്ത ഏഴു ദിവസം വ്യാപകമായ മഴയ്ക്ക് സാധ്യത. മെയ് 24 മുതല്‍ 26 വരെ തീയതികളില്‍ ഒറ്റപ്പെട്ട അതിതീവ്രമായ മഴയ്ക്കും മെയ് 23 മുതല്‍ 27 വരെ അതിശക്തമായ മഴയ്ക്കും സാധ്യതയുണ്ട്.
-
Local News2 years agoപേരാവൂർ സ്വദേശിനിയായ അധ്യാപിക തീപ്പൊള്ളലേറ്റ് മരിച്ച നിലയിൽ
-
Breaking News2 years ago
ലാപ്ടോപ്പിൽ 80 സ്ത്രീകളുടെ അശ്ലീല ദൃശ്യങ്ങൾ; വയനാട്ടിൽ നിന്ന് മടങ്ങും വഴി പള്ളി വികാരി പിടിയിൽ,
-
PERAVOOR2 years ago
പേരാവൂർ സ്വദേശിനിയായ യുവതി സെർബിയയിൽ അന്തരിച്ചു
-
KOLAYAD2 years ago
കോളയാട് മേനച്ചോടിയിൽ അമ്മയ്ക്കും രണ്ട് മക്കൾക്കും വെട്ടേറ്റ് ഗുരുതര പരിക്ക്
-
Kannur2 years ago
പേരാവൂരിലെ ട്രസ്റ്റിന്റെ ഫാമിൽ വൻ വ്യാജവാറ്റ്; 1200 ലിറ്റർ വാഷും 40 ലിറ്റർ ചാരായവും പിടികൂടി
-
Kannur2 years ago
വിദ്യാർത്ഥികളെ പ്രകൃതി വിരുദ്ധ പീഡനത്തിനിരയാക്കിയ മദ്രസ അധ്യാപകനെതിരെ കണ്ണവം പോലീസ് കേസെടുത്തു
-
Breaking News1 year ago
പേരാവൂരിൽ ഭാര്യയെ ഭർത്താവ് വെട്ടിക്കൊന്നു
-
Breaking News2 years ago
പേരാവൂര് കുനിത്തലയില് പടക്കവില്പന ശാലക്ക് സമീപത്തെ സംഘര്ഷം;നാലു പേര്ക്കെതിരെ കേസ്
