കേരളാ ബാങ്കിലെ പണയ സ്വര്‍ണ മോഷണം;മുന്‍ ഏരിയാ മാനേജര്‍ അറസ്റ്റിൽ
ചേര്‍ത്തല: കേരള ബാങ്കിലെ പണയ സ്വര്‍ണം മോഷണം പോയ സംഭവത്തില്‍ ബാങ്കിന്റെ മുന്‍ ഏരിയാ മനേജര്‍ ചേര്‍ത്തല സ്വദേശി മീരാമാത്യു അറസ്റ്റില്‍.കേസില്‍ ഒളിവില്‍ കഴിഞ്ഞിരുന്ന ഇവരെ പട്ടണക്കാട് പോലീസാണ് അറസ്റ്റു ചെയ്തത്. ചേര്‍ത്തലയില്‍ രണ്ടും പട്ടണക്കാട്,അര്‍ത്തുങ്കല്‍ പോലീസ് സ്റ്റേഷനുകളിലായി നാലു സ്വര്‍ണ പണയ സ്വര്‍ണം മോഷണകേസുകളാണ് ഇവര്‍ക്കെതിരെ എടുത്തിരിുന്നത്.
കേരളാ ബാങ്കിന്റെ നാലു ശാഖകളില്‍ നിന്നായി് 335.08 ഗ്രാം സ്വര്‍ണം നഷ്ടപ്പെട്ടതായാണ് പോലീസ് റിപ്പോര്‍ട്ട്.ബാങ്കുകളുടെ ശാഖാമാനേജര്‍മാര്‍ ചേര്‍ത്തല,പട്ടണക്കാട്,അര്‍ത്തുങ്കല്‍ പോലീസ് സ്‌റ്റേഷനുകളില്‍ നല്‍കിയ പരാതിയിലാണ് കേസ്,2023 ജൂണ്‍ ഏഴിന് മീരാമാത്യുവിനെ സര്‍വീസില്‍ നിന്ന് സസ്പെന്റ് ചെയ്തിരുന്നു.തുടര്‍ന്നാണ് ശാഖകളില്‍ നിന്നു പോലീസില്‍ പരാതി നല്‍കിയത്.
12-ന് പോലീസ് മൊഴിയെടുത്ത് കേസ് രജിസ്റ്റര്‍ ചെയ്തു.ചേര്‍ത്തല നടക്കാവ് ശാഖയില്‍ നിന്നാണ് ഏറ്റവും കൂടുതല്‍ സ്വര്‍ണം നഷ്ടപെട്ടത്, 171.300 ഗ്രാം. ചേര്‍ത്തല പ്രധാന ശാഖയില്‍ നിന്ന് 55.480 ഗ്രാമും പട്ടണക്കാട് ശാഖയില്‍ നിന്ന് 102.300ഗ്രാമും അര്‍ത്തുങ്കല്‍ ആറുഗ്രാമും സ്വര്‍ണമാണ് മോഷ്ടിക്കപ്പെട്ടത്. ബാങ്കുകളിലെ പണയസ്വര്‍ണ പരിശോധനക്കായി ചുമതലപ്പെടുത്തിയിട്ടുള്ള ഏരിയാ മാനേജരായിരുന്നു മീര മാത്യു.
