തളിപ്പറമ്പില്‍ എം.ഡി.എം.എയും കഞ്ചാവുമായി രണ്ട് യുവാക്കള്‍ അറസ്റ്റില്‍
തളിപ്പറമ്പ്: എം.ഡി.എം.എയും കഞ്ചാവുമായി രണ്ട് യുവാക്കള്‍ എക്‌സൈസിന്റെ പിടിയില്‍. എക്‌സൈസ് റേന്‍ജ് ഓഫീസിലെ ഇന്‍സ്‌പെക്ടര്‍ പി സുരേഷും സംഘവും തളിപ്പറമ്പ് ടൗണ്‍, മന്ന ഭാഗങ്ങളില്‍ നടത്തിയ പരിശോധനയിലാണ് പ്രതികള്‍ പിടിയിലായത്.
തളിപ്പറമ്പ് മന്നയില്‍ ബൈകില്‍ കടത്തുകയായിരുന്ന 452 മില്ലി ഗ്രാം കഞ്ചാവുമായി കെ. മുഹമ്മദ് അഫ്രീദി(26), സി. അര്‍ശാദ്(30) എന്നിവരെ അറസ്റ്റ് ചെയ്ത് എന്‍.ഡി.പി.എസ് കേസെടുത്തു.
അസിസ്റ്റന്റ് എക്‌സൈസ് ഇന്‍സ്‌പെക്ടര്‍ (ഗ്രേഡ്) പി.കെ രാജീവന്‍, പ്രിവന്റീവ് ഓഫീസര്‍ (ഗ്രേഡ് ) കെ. വി നികേഷ്, സിവില്‍ എക്‌സൈസ് ഓഫീസര്‍മാരായ പി.പി റെനില്‍ കൃഷ്ണന്‍, എ. വി സജിന്‍, വനിത സിവില്‍ എക്‌സൈസ് ഓഫീസര്‍ എം .പി അനു, ഡ്രൈവര്‍ സി. വി അനില്‍ കുമാര്‍ എന്നിവരും സംഘത്തില്‍ ഉണ്ടായിരുന്നു.
