വിവാഹം കഴിഞ്ഞ് 15-ാം ദിവസം യുവതിയുടെ മരണം; ഭര്‍ത്താവ് അറസ്റ്റില്‍
കാട്ടാക്കട(തിരുവനന്തപുരം): നവവധു ആത്മഹത്യചെയ്ത കേസില്‍ ഭര്‍ത്താവിനെ കാട്ടാക്കട പോലീസ് അറസ്റ്റ് ചെയ്തു. പന്നിയോട് തണ്ണിച്ചാംകുഴി സോനാ ഭവനില്‍ സോന(24) തൂങ്ങിമരിച്ച സംഭവത്തിലാണ് പന്നിയോട് കല്ലാമം കല്ലറക്കുഴി ഷിബിന്‍ ഭവനില്‍ ഉണ്ണി എന്ന വിപിന്‍(28) അറസ്റ്റിലായത്.
വിവാഹം നടന്ന് പതിനഞ്ചാം ദിവസമാണ് സോനയെ ഭര്‍തൃഗൃഹത്തില്‍ തൂങ്ങിമരിച്ചനിലയില്‍ കണ്ടെത്തിയത്. സോനയുടെ മരണത്തിന് വിപിന്റെ മാനസികവും ശാരീരികവുമായ പീഡനവും കാരണമായതായി പോലീസ് അന്വേഷണത്തില്‍ വ്യക്തമായതിനാലാണ് അറസ്റ്റ് ചെയ്തതെന്ന് പോലീസ് പറഞ്ഞു.
ആഘോഷങ്ങളുടെ ആഹ്ലാദം തീരുംമുമ്പേ സോനയുടെ
മകളുടെ മരണം അന്വേഷിക്കണമെന്നു മാതാപിതാക്കള്‍ പരാതിനല്‍കിയിരുന്നു. പ്രതിയെ കാട്ടാക്കട കോടതിയില്‍ ഹാജരാക്കി റിമാന്‍ഡ് ചെയ്തു.
(ശ്രദ്ധിക്കുക: ആത്മഹത്യ ഒന്നിനും പരിഹാരമല്ല, മാനസികാരോഗ്യ വിദഗ്ധരുടെ സഹായം തേടുക, അതിജീവിക്കാന്‍ ശ്രമിക്കുക. അത്തരം ചിന്തകളുളളപ്പോള്‍ ‘ദിശ’ ഹെല്‍പ് ലൈനില്‍ വിളിക്കുക. Toll free helpline number: 1056, 0471-2552056).
