റേഷൻ കാർഡ്‌ മസ്റ്ററിങ്: ആശങ്ക വേണ്ടെന്ന്‌ ഭക്ഷ്യവകുപ്പ്‌
സംസ്ഥാനത്ത്‌ ആദ്യഘട്ടത്തിൽ ബയോമെട്രിക്ക് മസ്റ്ററിങ് നടത്തുന്നത്‌ മഞ്ഞ കാർഡ്‌ ഉടമകളുടേത് ആയിരിക്കുമെന്ന്‌ ഭക്ഷ്യ വകുപ്പ്‌. മാർച്ച്‌ 15 മുതൽ 17 വരെ സ്‌പെഷ്യൽ ഡ്രൈവ്‌ ഉണ്ടാകും.
കേന്ദ്ര സർക്കാർ ആവശ്യപ്പെട്ട പ്രകാരമാണ്‌ മസ്റ്ററിങ് നടത്തുന്നത്‌. ഇത് സംബന്ധിച്ച്‌ ആശങ്ക വേണ്ടെന്നും ഭക്ഷ്യ വകുപ്പ്‌ അറിയിച്ചു.
കിടപ്പുരോഗികൾ ഉൾപ്പെടെ ഉള്ളവരുടെ വീടുകളിൽ റേഷൻ ഇൻസ്‌പെക്ടർമാർ നേരിട്ട്‌ എത്തി മസ്റ്ററിങ് പൂർത്തീകരിക്കും. മാർച്ച്‌ 31 നകം മസ്റ്ററിങ് നടത്തണമെന്നാണ്‌ കേന്ദ്ര സർക്കാർ ആവശ്യപ്പെട്ടത്‌.
ഇരുവിഭാഗങ്ങളിലുമായി 41.5 ലക്ഷം കാർഡ്‌ ഉടമകളാണ്‌ കേരളത്തിൽ ഉളളത്‌. മസ്റ്ററിങ് നടത്താൻ റേഷൻ കടകളിൽ എത്തുമ്പോൾ കാർഡ്‌ ഉടമയും മറ്റ്‌ അംഗങ്ങളും എത്തണം.
മസ്റ്ററിങ് സൗജന്യമാണ്‌. അതേസമയം സമയപരിധി നീട്ടുമെന്ന്‌ സൂചനയുണ്ട്‌.
