ശ്രീ​ക​ണ്ഠ​പു​രം: വ​ർ​ഷ​ങ്ങ​ളു​ടെ കാ​ത്തി​രി​പ്പി​ന​റു​തി​യാ​യി. ഇ​നി ഈ ​പാ​ലം ക​ട​ക്കാം. അ​ല​ക്‌​സ് ന​ഗ​ർ-​കാ​ഞ്ഞി​ലേ​രി പാ​ല​മാ​ണ് പൂ​ർ​ത്തി​യാ​യ​ത്. ഉ​ദ്ഘാ​ട​നം ഈ ​മാ​സ​ം 20ന് ​മ​ന്ത്രി പി.​എ. മു​ഹ​മ്മ​ദ് റി​യാ​സ് നി​ർ​വ​ഹി​ക്കും.

നി​ര​വ​ധി പ​രാ​തി​ക​ൾ​ക്കും നി​വേ​ദ​ന​ക​ൾ​ക്കും ശേ​ഷ​മാ​ണ് കു​ടി​യേ​റ്റ പ്ര​ദേ​ശ​മാ​യ അ​ല​ക്‌​സ് ന​ഗ​റി​നെയും കാ​ഞ്ഞി​ലേ​രി​യെ​യും ബ​ന്ധി​പ്പി​ക്കു​ന്ന കോ​ൺ​ക്രീ​റ്റ് പാ​ലം നി​ർ​മാ​ണം തു​ട​ങ്ങി​യ​ത്. 2017ൽ ​പ്ര​വൃ​ത്തി ആ​രം​ഭി​ച്ചെ​ങ്കി​ലും അ​ഞ്ചുവ​ർ​ഷം ക​ഴി​ഞ്ഞി​ട്ടും പാ​ല​ത്തി​ന്റെ 50 ശ​ത​മാ​നം പോ​ലും പ്ര​വൃ​ത്തി പൂ​ർ​ത്തീ​ക​രി​ക്കാ​ൻ ക​രാ​റു​കാ​ര​ന് സാ​ധി​ച്ചി​ല്ല. തു​ട​ർ​ന്ന് സ​ജീ​വ് ജോ​സ​ഫ് എം.​എ​ൽ.​എ​യും അ​ല​ക്സ് ന​ഗ​ർ വി​ക​സ​ന സ​മി​തി​യും മു​ൻ​കൈ​യെ​ടു​ത്ത് ക​രാ​റു​കാ​ര​നെ നീ​ക്കി പാ​ലം നി​ർ​മാ​ണം റി ​ടെ​ൻ​ഡ​ർ ചെ​യ്യു​ക​യാ​യി​രു​ന്നു.

10.10 കോ​ടി രൂ​പ​യാ​ണ് നേ​ര​ത്തേ പാ​ല​ത്തി​ന്റെ നി​ർ​മാ​ണ​ത്തി​ന് വ​ക​യി​രു​ത്തി​യ​ത്. ഇ​തി​ൽ ഐ​ച്ചേ​രി-​അ​ല​ക്സ് ന​ഗ​ർ റോ​ഡ് നി​ർ​മാ​ണ​വും ഉ​ൾ​പ്പെ​ടും. 2019ൽ ​പാ​ല​ത്തി​ന്റെ ഉ​യ​രം വ​ർ​ധി​പ്പി​ക്ക​ണ​മെ​ന്ന സ​ർ​ക്കാ​ർ തീ​രു​മാ​ന​ത്തി​ന്റെ അ​ടി​സ്ഥാ​ന​ത്തി​ൽ പു​തി​യ ടെ​ൻ​ഡ​ർ വി​ളി​ക്കു​ക​യും ചെ​യ്തു. പു​തി​യ ടെ​ൻ​ഡ​റി​ൽ റോ​ഡ് നി​ർ​മാ​ണം ഒ​ഴി​വാ​ക്കി 5.84 കോ​ടി രൂ​പ​യാ​ണ് പാ​ല​ത്തി​ന് വ​ക​യി​രു​ത്തി​യ​ത്. റോ​ഡ് നി​ർ​മാ​ണം ടെ​ൻ​ഡ​റി​ൽ നി​ന്നൊ​ഴി​വാ​ക്കി​യ​ത് വ​ൻ പ്ര​തി​ഷേ​ധ​ങ്ങ​ൾ​ക്കി​ട​യാ​ക്കി​യി​രു​ന്നു. റീ ​ടെ​ൻ​ഡ​റി​ൽ കെ.​കെ. ബി​ൽ​ഡേ​ഴ്‌​സാ​ണ് അ​ല​ക്‌​സ് ന​ഗ​ർ പാ​ല​ത്തി​ന്റെ നി​ർ​മാ​ണ​ച്ചു​മ​ത​ല ഏ​റ്റെ​ടു​ത്ത​ത്.

113.75 മീ​റ്റ​ർ നീ​ള​വും 11.05 മീ​റ്റ​ർ വീ​തി​യു​മു​ള്ള പാ​ല​മാ​ണ് നി​ർ​മി​ച്ച​ത്. ഇ​തി​ൽ 1.5 മീ​റ്റ​ർ വീ​തി​യി​ൽ ഇ​രു​വ​ശ​ത്തു​മാ​യി ന​ട​പ്പാ​ത​യും ഒ​രു​ക്കി. നി​ല​വി​ൽ സ​മീ​പ​ത്തു​ള്ള തൂ​ക്കു​പാ​ല​മാ​ണ് ഇ​വി​ട​ത്തെ ജ​ന​ങ്ങ​ളു​ടെ ഏ​ക യാ​ത്രാ​മാ​ർ​ഗം. അ​ല​ക്‌​സ് ന​ഗ​ർ പാ​ലം യാ​ഥാ​ർ​ഥ്യ​മാ​യ​തോ​ടെ കാ​ഞ്ഞി​ലേ​രി, മൈ​ക്കി​ൾ​ഗി​രി, ഇ​രൂ​ഡ് ഭാ​ഗ​ങ്ങ​ളി​ലു​ള്ള​വ​ർ​ക്ക് ഐ​ച്ചേ​രി, പ​യ്യാ​വൂ​ർ, ശ്രീ​ക​ണ്ഠ​പു​രം ഭാ​ഗ​ങ്ങ​ളി​ലെ​ത്താ​ൻ എ​ളു​പ്പ​മാ​ർ​ഗ​മാ​യി. ക​ണി​യാ​ർ വ​യ​ൽ- കാ​ഞ്ഞി​ലേ​രി – ഉ​ളി​ക്ക​ൽ റോ​ഡ് നി​ർ​മാ​ണം പൂ​ർ​ത്തി​യാ​യ​തോ​ടെ അ​ല​ക്‌​സ് ന​ഗ​ർ ഭാ​ഗ​ത്തു​ള്ള​വ​ർ​ക്ക് എ​ളു​പ്പ​ത്തി​ൽ ഉ​ളി​ക്ക​ലി​ലേ​ക്കും ക​ണി​യാ​ർ വ​യ​ലി​ലേ​ക്കും എ​ത്താ​നാ​കും.

അ​ല​ക്‌​സ് ന​ഗ​ർ- ഐ​ച്ചേ​രി റോ​ഡ്

പാ​ലം പ​ണി ഏ​റെ​ക്കാ​ലം നി​ല​ച്ച​തോ​ടെ ഇ​തോ​ടൊ​പ്പം പൂ​ർ​ത്തി​യാ​ക്കേ​ണ്ട സ​മീ​പ​ന റോ​ഡാ​യ അ​ല​ക്‌​സ് ന​ഗ​ർ – ചെ​രി​ക്കോ​ട്- ഐ​ച്ചേ​രി റോ​ഡി​ന്റെ വി​ക​സ​ന പ്ര​വൃ​ത്തി​ക​ളും ആ​രം​ഭി​ക്കാ​നാ​യി​ല്ല. നി​ല​വി​ലെ ടെ​ൻ​ഡ​റി​ൽ ഈ ​റോ​ഡ് ഒ​ഴി​വാ​ക്കി​യാ​ണ് തു​ക വ​ക​യി​രു​ത്തി​യ​ത്. ന​ന്നേ വീ​തി കു​റ​ഞ്ഞ റോ​ഡ് ത​ക​ർ​ന്ന് കു​ഴി​ക​ൾ നി​റ​ഞ്ഞ​തോ​ടെ ഒ​രു വാ​ഹ​ന​ങ്ങ​ൾ​ക്കും സ​ഞ്ച​രി​ക്കാ​ൻ പ​റ്റാ​ത്ത സ്ഥി​തി​യാ​ണ്. പാ​ലം തു​റ​ക്കു​ന്ന​തോ​ടെ ഈ ​വ​ഴി​യി​ലു​ള്ള വാ​ഹ​ന​ങ്ങ​ളു​ടെ എ​ണ്ണ​വും വ​ർ​ധി​ക്കും. അ​റ്റ​ക്കു​റ്റ പ​ണി ന​ട​ത്തി​യി​ട്ട് എ​ട്ടു​വ​ർ​ഷം ക​ഴി​ഞ്ഞ ഈ ​റോ​ഡ് ഉ​ട​നെ ന​വീ​ക​രി​ക്ക​ണ​മെ​ന്നാ​ണ് പ്ര​ദേ​ശ​വാ​സി​ക​ളു​ടെ ആ​വ​ശ്യം.