പുല്‍പ്പള്ളിയില്‍ വീണ്ടും കടുവയിറങ്ങി; പശുക്കിടാവിനെ കടിച്ചുകൊന്നു
വയനാട്: പുല്‍പ്പള്ളിയില്‍ വീണ്ടും കടുവയിറങ്ങി പശുക്കിടാവിനെ കടിച്ചുകൊന്നു. താന്നിത്തെരുവില്‍ തൊഴുത്തിന് സമീപം കെട്ടിയിട്ടിരുന്ന പശുവിനെയാണ് കൊന്നത്.
ഇന്ന് പുലര്‍ച്ചെ നാലരയോടെയാണ് സംഭവം. പശുക്കിടാവിന്‍റെ കരച്ചില്‍ കേട്ടാണ് വീട്ടുകാര്‍ വാതില്‍ തുറന്നത്. ഇവര്‍ ബഹളം വച്ചതോടെ കടുവ പിന്തിരിയുകയായിരുന്നു.
സമീപത്തെ കൃഷിയിടത്തിലേക്ക് കടുവ ഓടിമറഞ്ഞു. മേഖലയില്‍ കടുവയുടെ ശല്യം രൂക്ഷമാണെന്ന് നാട്ടുകാര്‍ പറഞ്ഞു. വനംവകുപ്പ് സംഘം സ്ഥലത്തെത്തി പരിശോധന നടത്തി.
