കെ-​സ്മാ​ര്‍​ട്ട് പ​ദ്ധ​തി​ക്ക് പു​തു​വ​ര്‍​ഷ​ദി​ന​ത്തി​ല്‍ ആ​രം​ഭം; മു​ഖ്യ​മ​ന്ത്രി

തി​രു​വ​ന​ന്ത​പു​രം: സം​സ്ഥാ​ന സ​ര്‍​ക്കാ​രിന്‍റെ അ​ഭി​മാ​ന പ​ദ്ധ​തി​യാ​യ കെ-​സ്മാ​ര്‍​ട്ട് 2024 ജ​നു​വ​രി ഒ​ന്നി​ന് പ്ര​വ​ര്‍​ത്ത​ന​മാ​രം​ഭി​ക്കു​മെ​ന്ന് മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍. കെ ​സ്മാ​ര്‍​ട്ടിന്‍റെ ഔ​ദ്യോ​ഗി​ക ഉ​ദ്ഘാ​ട​നം ഒ​ന്നി​ന് രാ​വി​ലെ 10.30ന് ​കൊ​ച്ചി ഗോ​കു​ലം ക​ണ്‍​വെ​ന്‍​ഷ​ന്‍ സെന്‍ററി​ല്‍ ന​ട​ക്കും.

ഇ​തോ​ടെ ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളി​ല്‍ നി​ന്നു​മു​ള്ള സേ​വ​ന​ങ്ങ​ള്‍ ഓ​ഫീ​സു​ക​ളി​ല്‍ പോ​കാ​തെ ത​ന്നെ സ​മ​യ​ബ​ന്ധി​ത​മാ​യി പൊ​തു​ജ​ന​ങ്ങ​ള്‍​ക്ക് ല​ഭ്യ​മാ​വും. ഫേ​സ്ബു​ക്കി​ലാ​ണ് അ​ദ്ദേ​ഹം ഇ​ക്കാ​ര്യം പ​ങ്കു​വെ​ച്ച​ത്.

കേ​ര​ള​ത്തി​ലെ എ​ല്ലാ കോ​ര്‍​പ്പ​റേ​ഷ​നു​ക​ളി​ലും മു​നി​സി​പ്പാ​ലി​റ്റി​ക​ളി​ലു​മാ​ണ് ആ​ദ്യ ഘ​ട്ട​ത്തി​ല്‍ കെ-​സ്മാ​ര്‍​ട്ട് വി​ന്യ​സി​ക്കു​ന്ന​ത്. ഏ​പ്രി​ല്‍ ഒ​ന്നി​ന് ഗ്രാ​മ​പ​ഞ്ചാ​യ​ത്തു​ക​ളി​ലേ​ക്കും സേ​വ​നം വ്യാ​പി​പ്പി​ക്കു​മെ​ന്നും മു​ഖ്യ​മ​ന്ത്രി കു​റി​പ്പി​ല്‍ വ്യ​ക്ത​മാ​ക്കുന്നു.

രാ​ജ്യ​ത്ത് ആ​ദ്യ​മാ​യി​ട്ടാ​ണ് ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളു​ടെ പൊ​തു സേ​വ​ന​ങ്ങ​ളെ​ല്ലാം ഓ​ണ്‍​ലൈ​നാ​യി ല​ഭി​ക്കു​ന്ന ഇ​ത്ത​ര​മൊ​രു സം​വി​ധാ​നം സ്ഥാ​പി​ത​മാ​കു​ന്ന​ത്. ത​ദ്ദേ​ശ സ്ഥാ​പ​ന​ങ്ങ​ളു​ടെ കാ​ര്യ​ക്ഷ​മ​ത, സു​താ​ര്യ​ത എ​ന്നി​വ​യെ​ല്ലാം വ​ര്‍​ധി​പ്പി​ക്കാ​നും അ​ഴി​മ​തി ഇ​ല്ലാ​താ​ക്കാ​നും പൗ​ര​ന്മാ​ര്‍​ക്ക് സേ​വ​നം അ​തി​വേ​ഗം ല​ഭ്യ​മാ​ക്കാ​നും ഇ​തി​ലൂ​ടെ ക​ഴി​യു​മെ​ന്നും മു​ഖ്യ​മ​ന്ത്രി പറഞ്ഞു.