പൂജാ ബമ്പര്‍: 12 കോടിയുടെ ഭാഗ്യശാലിയെ നാളെ അറിയാം
തിരുവനന്തപുരം: ഒന്നാം സമ്മാനമായി 12 കോടി നല്‍കുന്ന പൂജാ ബമ്ബര്‍ നറുക്കെടുപ്പ് നാളെ.ബുധനാഴ്ച ഉച്ചകഴിഞ്ഞ് മൂന്ന് മണിയോടെയാണ് നറുക്കെടുപ്പ് നടക്കുക. തിരുവനന്തപുരത്തെ ഗോര്‍ഖി ഭവനില്‍ വച്ചാകും നറുക്കെടുപ്പ്. കഴിഞ്ഞ വര്‍ഷങ്ങളില്‍ നിന്നും വിപരീതമായി ഇത്തവണത്തെ പൂജാ ബമ്ബര്‍ സമ്മാനഘടനയില്‍ മാറ്റം വന്നിട്ടുണ്ട്.
കഴിഞ്ഞ വര്‍ഷം പത്ത് കോടി ആയിരുന്നു ഒന്നാം സമ്മാനമെങ്കില്‍ ഇത്തവണ അത് 12 കോടിയാണ്. രണ്ടാം സമ്മാനം ഒരു കോടി രൂപ വീതം നാല് പേര്‍ക്ക്. മൂന്നാം സമ്മാനം 10 ലക്ഷം രൂപ(ഒരു സീരീസിന് രണ്ട് സമ്മാനം എന്ന നിലയില്‍ 10 പേര്‍ക്ക്), മൂന്ന് ലക്ഷം വീതം അഞ്ച് പേര്‍ക്കാണ് നാലാം സമ്മാനം(ഒരു പരമ്ബര).
അഞ്ചാം സമ്മാനം 2 ലക്ഷം. കൂടാതെ 5000,1000,500,300 രൂപയുടെ മറ്റ് നിരവധി സമ്മാനങ്ങളും ഭാഗ്യശാലികളെ കാത്തിരിക്കുന്നു.സമ്മാനഘടനയ്ക്ക് ഒപ്പം തന്നെ ടിക്കറ്റ് വിലയിലും മാറ്റം വന്നിട്ടുണ്ട്. 300 രൂപയാണ് ടിക്കറ്റ് വില. കഴിഞ്ഞ വര്‍ഷം ഇത് 250 രൂപ ആയിരുന്നു.
