വാട്‌സ്ആപ്പ് വീഡിയോ കോളുകളില്‍ ജാഗ്രത പാലിക്കുക; കേരള പൊലീസ് മുന്നറിയിപ്പ്
വാട്‌സ്ആപ്പ്, മെസഞ്ചര്‍ തുടങ്ങിയവയിലെ വീഡിയോ കോള്‍ സംവിധാനത്തിലൂടെ കെണി ഒരുക്കി തട്ടിപ്പ് നടത്തുന്ന സംഭവങ്ങള്‍ ധാരാളം റിപ്പോര്‍ട്ട് ചെയ്തിട്ടുണ്ട്. ഫോണ്‍ അറ്റന്‍ഡ് ചെയ്യുന്ന ആളുടെ മുഖം സ്‌ക്രീന്‍ റെക്കോര്‍ഡ് ചെയ്‌ത് എടുത്തതിന് ശേഷം മുഖം കൂടി ഉള്‍പ്പെടുത്തി നഗ്‌ന വീഡിയോ തയ്യാറാക്കി പണം ആവശ്യപ്പെടുക ആണ് ഇവരുടെ രീതി. സുഹൃത്തുക്കള്‍ക്കും ബന്ധുക്കള്‍ക്കും ഈ വീഡിയോ അയച്ച് കൊടുക്കും എന്ന് ഭീഷണിപ്പെടുത്തിയാകും പണം ആവശ്യപ്പെടുക. ചിലര്‍ മാനഹാനി ഭയന്ന് പണം അയച്ച് നല്‍കാറുണ്ട്. ഒരിക്കലും ഇത്തരം ഭീഷണികള്‍ക്ക് വഴങ്ങരുതെന്ന് കേരള പൊലീസ് മുന്നറിയിപ്പ് നല്‍കി.
അപരിചിതമായ നമ്പറുകളില്‍ നിന്നുള്ള വാട്‌സ്ആപ്പ് കോളുകള്‍ പരമാവധി ഒഴിവാക്കുക. ഇത്തരം നമ്പറുകള്‍ ബ്ലോക്ക് ചെയ്യുക. സ്വയം വഞ്ചിതരാകാതിരിക്കാന്‍ പരമാവധി ജാഗ്രത പുലര്‍ത്തണമെന്നും കേരള പൊലീസ് ഫെയ്‌സ്ബുക്കിലൂടെ അറിയിച്ചു.
