ഒളിച്ചുകളിയൊന്നും നടക്കില്ലന്നെ! ഡിലീറ്റ് ചെയ്ത വാട്സ്ആപ്പ് മെസേജുകളും വായിക്കാനാകും; ഇതാണ് വഴി
വാട്സ്ആപ്പിലെ ഏറ്റവും പ്രധാനപ്പെട്ട ഫീച്ചറുകളിൽ ഒന്നാണ് മെസേജ് ഡിലീറ്റ് ചെയ്യാനുള്ള ഓപ്‌ഷൻ. നമ്മൾ ഏതെങ്കിലും ഒരാൾക്ക് മെസേജ് തെറ്റി അയച്ചാലോ, അല്ലെങ്കിൽ അയച്ച മെസേജ് മാറിപ്പോയാലോ അവ ഡിലീറ്റ് ചെയ്യാനുള്ള സംവിധാനം. നിരവധി പേർക്ക് പല രീതിയിൽ ഉപകാരപ്രദമായ ഈ ഓപ്‌ഷൻ ലോകമെമ്പാടുമുള്ള വാട്സ്ആപ്പ് ഉപയോക്താക്കൾക്ക് ലഭ്യമാണ്. എന്നാൽ എന്താണ് ഈ ഡിലീറ്റ് ചെയ്ത മെസ്സേജ് എന്നുള്ള ആകാംക്ഷ സ്വാഭാവികമായും നമ്മളില്‍ ഉണ്ടാകില്ലേ? അത് കണ്ടുപിടിക്കാൻ ഒരു വഴിയുണ്ട്. അതെ, ഡിലീറ്റ് ചെയ്യപ്പെട്ട മെസേജുകള്‍ നമുക്ക് വായിക്കാൻ കഴിയും. അതിനായി ചെയ്യേണ്ടത് ഇത്രമാത്രമാണ്. നമ്മുടെ ഫോണ്‍ സെറ്റിങ്സിലെ നോട്ടിഫിക്കേഷൻ എന്ന ഓപ്‌ഷനിലേക്ക് പോകുക. അവയിലെ അഡ്വാൻസ്ഡ് സെറ്റിങ്‌സ് ഓപ്‌ഷൻ തെരഞ്ഞെടുത്ത ശേഷം നോട്ടിഫിക്കേഷൻ ഹിസ്റ്ററി എന്ന ഓപ്‌ഷൻ ഓൺ ആക്കുക. ഒരാൾ അയച്ച ശേഷം ഡിലീറ്റ് ചെയ്ത മെസേജുകൾ നോട്ടിഫിക്കേഷൻ ഹിസ്റ്ററിയിൽ കാണാനായി സാധിക്കും.
