കോടതി നടപടി മൊബൈൽ ഫോണിൽ ചിത്രീകരിച്ച സി.പി.എം വനിതാ നേതാവിന് തടവും പിഴയും

തളിപ്പറമ്പ്: കോടതി നടപടി മൊബൈൽ ഫോണിൽ ചിത്രീകരിച്ച സി.പി.എം നേതാവിന് കോടതി പിരിയും വരെ തടവും 1000 രൂപ പിഴയും. പയ്യന്നൂർ നഗരസഭാ മുൻ വൈസ് ചെയർപേഴ്സൺ കെ.പി ജ്യോതിയെ ആണ് തളിപ്പറമ്പ് അഡീഷണൽ ജില്ലാ സെഷൻസ് കോടതി ജഡ്‌ജ് കെ.എൻ പ്രശാന്ത് ശിക്ഷിച്ചത്. പയ്യന്നൂരിലെ സി.പി.എം നേതാവ് സി.വി ധനരാജിൻ്റെ കൊലപാതകവുമായി ബന്ധപ്പെട്ട് പ്രതികളുടെ തിരിച്ചറിയൽ പരേഡാണ് ജ്യോതി ഫോണിൽ പകർത്തിയത്.