കണ്ണൂർ സർക്കാർ മെഡിക്കൽ കോളേജിൽ ഒഴിവ്
കണ്ണൂർ (പരിയാരം) : കണ്ണൂർ ഗവ.മെഡിക്കൽ കോളേജിൽ എമേർജൻസി മെഡിസിൻ , ജനറൽ മെഡിസിൻ എന്നീ ഡിപ്പാർട്ട്മെന്റുകളിൽ അസിസ്റ്റന്റ് പ്രൊഫസർ / സീനിയർ റസിഡന്റ് തസ്തികയിൽ ഒഴിവുണ്ട്. സെപ്തംബർ 15 ന് രാവിലെ 11 മണിക്ക് മെഡിക്കൽ കോളേജ് പ്രിൻസിപ്പാൾ ഓഫീസിൽ നടക്കുന്ന വാക്ക് ഇൻ ഇന്റർവ്യൂ മുഖേനയാണ് നിയമനം. എം.ബി.ബി.എസ് കഴിഞ്ഞ് അതാത് വിഷയത്തിൽ മെഡിക്കൽ പി.ജി ( എം.ഡി എമേർജൻസി മെഡിസിൻ , എം.ഡി ജനറൽ മെഡിസിൻ ) കഴിഞ്ഞിരിക്കണം എന്നതാണ് യോഗ്യത. ടി.സി.എം.സി / കെ.എസ്.എം.സി റജിസ്‌ട്രേഷൻ നിർബന്ധമാണ്. താത്പ്പര്യമുള്ളവർ, യോഗ്യത തെളിയിക്കുന്ന അസ്സൽ സർട്ടിഫിക്കറ്റുകളും ആയതിന്റെ സ്വയം സാക്ഷ്യപ്പെടുത്തിയ പകർപ്പും സഹിതം വാക്ക് ഇൻ ഇന്റർവ്യൂവിന് അരമണിക്കൂർ മുമ്പെങ്കിലും പ്രിൻസിപ്പാൾ ഓഫീസിൽ റിപ്പോർട്ട് ചെയ്യേണ്ടതാ ണ്. നിയമനം കരാർ അടിസ്ഥാനത്തിൽ ആയിരിക്കും വിശദാംശങ്ങൾ, gmckannur.edu.in എന്ന സ്ഥാപനത്തിന്റെ വെബ്‌സൈറ്റിൽ ലഭ്യമാണ്.
