പട്ടുവം എംആര്‍എസില്‍ നിന്ന് സഹോദരങ്ങളായ രണ്ട് കുട്ടികളെ കാണാതായി
തളിപ്പറമ്പ്: പട്ടുവം മോഡല്‍ റസിഡന്‍ഷ്യല്‍ സ്‌ക്കൂളിലെ സഹോദരങ്ങളായ രണ്ട് വിദ്യാര്‍ത്ഥികളെ കാണാതായി. കോഴിക്കോട് സ്വദേശികളായ 16, 13 വയസുകാരായ വിദ്യാര്‍ത്ഥികലെയാണ് ഇന്നലെ രാവിലെ ഒന്‍പതര മുതല്‍ കാണാതായത്. മോഡല്‍ റസിഡന്‍ഷ്യല്‍ സ്‌കൂളിൽ പഠനം നടത്തിവരികയായിരുന്നു ഇരുവരും. സ്‌കൂൾ മാനേജര്‍ പട്ടുവം അരിയില്‍ സ്വദേശി ആനന്ദ് നിവാസില്‍ സി.ആനന്ദ്കുമാറിന്റെ പരാതിയില്‍ തളിപ്പറമ്പ് പോലീസ് കേസെടുത്തു. എസ്.എച്ച്.ഒ പി.ബാബുമോന്റെ നേതൃത്വത്തിലാണ് അന്വേഷണം.
