പേരാവൂരിൽ മിലാദ് ഫെസ്റ്റ് വ്യാഴാഴ്ച തുടങ്ങും
പേരാവൂർ: മുനീറുൽ ഇസ്ലാം സഭ കമ്മിറ്റിയുടെ നേതൃത്വത്തിൽ പേരാവൂർ മഹല്ലിൽ മീലാദ് ഫെസ്റ്റ് (നബിദിനാഘോഷം) വ്യാഴാഴ്ച മുതൽ തിങ്കളാഴ്ച വരെ നടക്കും.വ്യാഴാഴ്ച രാവിലെ എട്ടിന് സ്വാഗതസംഘം ചെയർമാൻ യു.വി.റഹീം പതാകയുയർത്തും. ഒൻപതിന് മദ്രസ വിദ്യാർഥിനികളുടെ കലാപരിപാടികൾ. വെള്ളിയാഴ്ച രാത്രി എട്ടിന് സ്വലാത്ത് വാർഷികവും പ്രാർഥനാ സദസും. ശനിയാഴ്ച രാവിലെ ഒൻപതിന് നബിദിന സ്‌നേഹസന്ദേശറാലി, 10.30ന് അന്നദാനം, രാത്രി 7.30ന് പൂർവ വിദ്യാർഥികളുടെ കലാപരിപാടികൾ,ബുർദ മജ്‌ലിസ്. ഞായറാഴ്ച രാവിലെ ഒൻപതിന് മദ്രസ വിദ്യാർഥികളുടെ കലാപരിപാടികൾ. തിങ്കളാഴ്ച രാത്രി ഏഴിന് സമാപന സമ്മേളനം മഹല്ല് ഖത്തീബ് മൂസ മൗലവി ഉദ്ഘാടനം ചെയ്യും. ദഫ് മുട്ട് പ്രദർശനം, അവാർഡ് ദാനം എന്നിവയുണ്ടാവും.മഹല്ല് പ്രസിഡന്റ് യു.വി.റഹീം, ജനറൽ സെക്രട്ടറി കെ.പി.അബ്ദുൾ റഷീദ്, ഖജാഞ്ചി നാസർ വട്ടൻ പുരയിൽ, സ്വാഗതസംഘം കൺവീനർ റഫീഖ് വാണിയക്കണ്ടി, സാദിഖ് വാണിയക്കണ്ടി എന്നിവർ പരിപാടികൾ വിശദീകരിച്ചു.
