ഓണത്തിരക്ക് പരിഹരിക്കാൻ പ്രത്യേക ട്രെയിൻ സര്‍വീസുകള്‍
ഓണക്കാലത്ത് യാത്രക്കാരുടെ തിരക്ക് ഒഴിവാക്കാൻ പ്രത്യേക ട്രെയ്‌നുകള്‍ സർവീസ് നടത്തും. ട്രെയിൻ നമ്ബർ 06009, 06125, 06126 എന്നീ സ്പെഷല്‍ ട്രെയ്നുകളാണ് സർവീസ് നടത്തുക. ട്രെയിൻ നമ്ബർ 06009 ഡോ. എംജിആർ ചെന്നൈ സെൻട്രല്‍ -കണ്ണൂർ വണ്‍വേ എക്സ്പ്രസ് സ്പെഷല്‍ 28ന് രാത്രി 11.55ന് ഡോ. എംജിആർ ചെന്നൈ സെൻട്രലില്‍നിന്ന് പുറപ്പെട്ട് അടുത്ത ദിവസം ഉച്ചയ്ക്ക് രണ്ടിന് കണ്ണൂരില്‍ എത്തും. ട്രെയിൻ നമ്ബർ 06125 കണ്ണൂർ -ബംഗളൂരു എക്സ്പ്രസ് സ്പെഷല്‍ 29ന് രാത്രി 9.30ന് കണ്ണൂരില്‍നിന്ന് പുറപ്പെട്ട് അടുത്ത ദിവസം രാവിലെ 11ന് ബംഗളൂരുവില്‍ എത്തും. ട്രെയിൻ നമ്ബർ 06126 ബെംഗളൂരു – കണ്ണൂർ എക്സ്പ്രസ് സ്പെഷല്‍ 30ന് രാത്രി ഏഴിന് ബംഗളൂരുവില്‍നിന്ന് പുറപ്പെട്ട് അടുത്ത ദിവസം രാവിലെ 7.15 ന് കണ്ണൂരില്‍ എത്തും.
