ചൂട്ടാട് അഴിമുഖത്ത് ഫൈബർ തോണിയിൽ നിന്ന് തെറിച്ച് വീണ് മത്സ്യ തൊഴിലാളിക്ക് ദാരുണാന്ത്യം
പഴയങ്ങാടി: പുതിയങ്ങാടി ചൂട്ടാട് അഴിമുഖത്ത് ഫൈബർ തോണിയിൽ നിന്നു തെറിച്ച് വീണ് മത്സ്യതൊഴിലാളിക്ക് ദാരുണാന്ത്യം. അസം സ്വദേശി റിയാജുൽ ഇസ്ലാം എന്ന അലി (35) ആണ് മരിച്ചത്. ഇന്ന് രാവിലെ 8.45 മണിയോടെയാണ് അപകടം. പുതിയങ്ങാടിയിൽ നിന്നും നെജാസ് എന്ന ഫൈബർ തോണിയിൽ മത്സ്യബന്ധനത്തിന് പോയതായിരുന്നു അബ്ദുൽ ഇസ്ലാം. മണൽതിട്ടയിലിടിച്ചതിനെ തുടർന്ന് ഒരു തൊഴിലാളി കടലിലേക്ക് തെറിച്ചു വീഴുകയായിരുന്നു. മറ്റു തൊഴിലാളികൾ നീന്തി രക്ഷപ്പെട്ടു. ഫയർഫോഴ്സും കോസ്റ്റൽ പോലീസും മത്സ്യ തൊഴിലാളികളും നടത്തിയ തിരച്ചിലിനിടെ മൃതദേഹം 10.30 മണിയോടെ കണ്ടെത്തുകയായിരുന്നു.
