പഴയങ്ങാടിയിൽ മകനെയുമെടുത്ത് പുഴയിൽ ചാടിയ മാതാവിൻ്റെ മൃതദേഹം കണ്ടെത്തി
പഴയങ്ങാടി: ചെമ്പല്ലിക്കുണ്ട് 3 വയസുള്ള കുഞ്ഞുമായി പുഴയിൽ ചാടിയ അമ്മയുടെ മൃതദേഹം ലഭിച്ചു. അടുത്തില ആർ.എം.നിവാസിൽ എം. റീനയുടെ (25) മൃതദേഹമാണ് കണ്ടെത്തിയത്. മകൻ ഋഷിപ്പ് രാജിനെയും (മൂന്ന്) എടുത്ത് റീന പുഴയിലേക്ക് ചാടുകയായിരുന്നു. ഇന്ന് പുലർച്ചെ ഒരു മണിയോടെയാണ് സംഭവമുണ്ടായത്. സ്കൂട്ടറിൽ കുഞ്ഞുമായി വന്ന് പുഴയിലേക്ക് ചാടുകയായിരുന്നു. മത്സ്യബന്ധനത്തിന് എത്തിയ തൊഴിലാളികളാണ് സംഭവം കണ്ടത്. ഇവരാണ് പൊലീസിൽ വിവരമറിയിച്ചത്. നാട്ടുകാരും ഫയർഫോഴ്സും ചേർന്ന് നടത്തിയ തെരച്ചിലിനൊടുവിലാണ് അമ്മയുടെ മൃതദേഹം കണ്ടെത്തിയത്.
