കയറിയ പോലെ തിരിച്ചിറങ്ങി സ്വർണ വില

കണ്ണൂർ: ഇന്നലെ പുത്തൻ ഉയരത്തിലേക്ക് കുതിച്ച് കയറിയ കേരളത്തിലെ സ്വർണ വില ഇന്ന് അതേപടി താഴേക്കിറങ്ങി. ഇന്നലെ ഗ്രാമിന് 275 രൂപ ഉയർന്ന് 9,290 രൂപയും പവന് 2,200 രൂപ ഉയർന്ന് 74,320 രൂപയുമായിരുന്നു വില. ഇന്ന് പക്ഷേ, ഇന്നലത്തെ വർധന അതേ പോലെ തുടച്ച് നീക്കി ഗ്രാമിന് വില 9,015 രൂപയും പവന് 72,120 രൂപയുമായി. 18 കാരറ്റ് സ്വർണത്തിൻ്റെ വില ഒഗ്രാമിന് 7,465 രൂപയും വെള്ളി വില ഗ്രാമിന് 109 രൂപയുമാണ്.