തളിപ്പറമ്പ് : 16 കാരിയെ പീഡിപ്പിച്ച കേസിൽ പ്രതിക്ക് മൂന്നുവർഷം തടവും അമ്പതിനായിരം രൂപയും ശിക്ഷ വിധിച്ചു. കണ്ണൂർ പയ്യാവൂർ കാഞ്ഞിരക്കൊല്ലിയിലെ കെ ആർ രാഗേഷ് (35) നെയാണ്. തളിപ്പറമ്പ് പോക്സോ അതിവേഗ കോടതി ജഡ്ജി ആർ. രാജേഷ് ശിക്ഷിച്ചത്. മൊബൈൽ ഫോണിൽ സന്ദേശങ്ങൾ അയച്ചാണ് രാഗേഷ് പെൺകുട്ടിയുമായി സൗഹൃദം സ്ഥാപിച്ചത്. പിന്നീട് ഒരുമിച്ചുള്ള ഫോട്ടോ പ്രചരിപ്പിച്ച് നാണം കെടുത്തുമെന്നും പ്രായപൂർത്തിയെത്തിയാൽ കൂടെ താമസിക്കണമെന്നും മറ്റും പറഞ്ഞ് നിരന്തരം ഭീഷണിപ്പെടുത്തി ലൈംഗീക പീഡനത്തിനിരയാക്കിയെന്നായിരുന്നു പരാതി. അന്നത്തെ പയ്യാവൂർ ഇൻസ്പെക്ടർ പി. ഉഷാദേവിയാണ് കേസ് രജിസ്റ്റർ ചെയ്തത്. തുടർന്ന് എസ്.ഐമാരായ എം.ജെ ബെന്നി, കെ. ഷറഫുദീൻ എന്നിവർ അന്വേഷണം നടത്തി കുറ്റപത്രം സമർപ്പിച്ചു. തുടർന്നാണ് തളിപ്പറമ്പ് പോക്സോ അതിവേഗ കോടതി ജഡ്ജി ആർ. രാജേഷ് പ്രതിയെ 3 വർഷം തടവിനും അമ്പതിനായിരം രൂപ പിഴയടക്കാനും ശിക്ഷിച്ചത്. പ്രോസിക്യൂഷന് വേണ്ടി പ്രോസിക്യൂട്ടർ ഷെറിമോൾ ജോസ് ഹാജരായി.

ക​ണ്ണൂ​ർ: മ​യ്യി​ൽ പ​ഞ്ചാ​യ​ത്തി​ലെ മു​ല്ല​ക്കൊ​ടി യു.​പി. സ്കൂ​ളി​ലെ കു​ട്ടി​ക​ൾ ശേ​ഖ​രി​ച്ച 32,360 എ​ണ്ണം ബ​സ് ടി​ക്ക​റ്റു​ക​ൾ സം​സ്ക​ര​ണ​ത്തി​നാ​യ് ഏ​ജ​ൻ​സി​ക്ക് കൈ​മാ​റാ​നാ​യ് ഹ​രി​ത കേ​ര​ളം മി​ഷ​ന് കൈ​മാ​റി. സം​സ്ഥാ​ന​ത്ത് ഇ​താ​ദ്യ​മാ​യാ​ണ് ബ​സ് ടി​ക്ക​റ്റു​ക​ൾ ശേ​ഖ​രി​ച്ച് കൈ​മാ​റു​ന്ന​ത്. ക​ഴി​ഞ്ഞ 2024 ഒ​ക്ടോ​ബ​ർ മാ​സ​ത്തി​ൽ സ്കൂ​ളി​ൽ ചേ​ർ​ന്ന ച​ട​ങ്ങി​ലാ​ണ് ബ​സ് ടി​ക്ക​റ്റ് ശേ​ഖ​ര​ണം എ​ന്ന ആ​ശ​യം ഉ​യ​ർ​ന്ന​ത്. ക​ഴി​ഞ്ഞ അ​ഞ്ച് മാ​സ​മാ​യി മു​ല്ല​ക്കൊ​ടി. എ.​യു.​പി. സ്കൂ​ളി​ലെ കു​ട്ടി​ക​ളു​ടെ പ്ര​ധാ​ന ശ്ര​മം ബ​സ് ടി​ക്ക​റ്റ് ശേ​ഖ​ര​ണ​മാ​യി​രു​ന്നു. ക​ഴി​യാ​വു​ന്നി​ട​ത്തു നി​ന്നെ​ല്ലാം കു​ട്ടി​ക​ൾ ടി​ക്ക​റ്റു​ക​ൾ ശേ​ഖ​രി​ച്ചു. ഒ​റ്റ​ത്ത​വ​ണ ഉ​പ​യോ​ഗ​ത്തി​ന് ശേ​ഷം വ​ലി​ച്ചെ​റി​യു​ന്ന​വ​യി​ൽ പ്ര​ധാ​ന​മാ​ണ് ബ​സ് ടി​ക്ക​റ്റ്.ഓ​രോ ദി​വ​സ​വും സ്കൂ​ളി​ലേ​ക്കും തി​രി​ച്ചു​മു​ള്ള യാ​ത്ര​യി​ൽ ടി​ക്ക​റ്റു ല​ഭി​ക്കാ​ത്ത അ​വ​ർ സ​ഹ​യാ​ത്രി​ക​രാ​യ മു​തി​ർ​ന്ന​വ​രു​ടെ മു​മ്പി​ൽ കൈ​നീ​ട്ടി​യും അ​ധ്യാ​പ​ക​രോ​ടും ര​ക്ഷി​താ​ക്ക​ളോ​ടും ചോ​ദി​ച്ചു​മാ​ണ് ടി​ക്ക​റ്റു​ക​ൾ ശേ​ഖ​രി​ച്ച​ത്. പ​ഞ്ചാ​യ​ത്ത് പ്ര​സി​ഡ​ന്റ് എം.​വി അ​ജി​ത ടി​ക്ക​റ്റു​ക​ൾ ഏ​റ്റു​വാ​ങ്ങി. ഹെ​ഡ്മാ​സ്റ്റ​ർ സി. ​സു​ധീ​ർ​സ്വാ​ഗ​തം പ​റ​ഞ്ഞു. പ​ഞ്ചാ​യ​ത്ത് അം​ഗം എം. ​അ​സ്സൈ​നാ​ർ അ​ധ്യ​ക്ഷ​ത വ​ഹി​ച്ചു. ഹ​രി​ത കേ​ര​ളം മി​ഷ​ൻ ജി​ല്ല കോ​ഓ​ഡി​നേ​റ്റ​ർ ഇ.​കെ. സോ​മ​ശേ​ഖ​ര​ൻ മു​ഖ്യാ​തി​ഥി​യാ​യി. സു​കു​മാ​ര​ൻ, കെ.​സി. സ​തി, കെ.​വി. സു​ധാ​ക​ര​ൻ, പി. ​ല​ത എ​ന്നി​വ​ർ സം​സാ​രി​ച്ചു. കെ.​പി. അ​ബ്ദു​ൽ​ഷു​ക്കൂ​ർ ന​ന്ദി പ​റ​ഞ്ഞു.

ചക്കരക്കൽ: കുടുംബ സമേതം കാറിൽ പോകുന്നതിനിടെ പ്രകടനം നടത്തുകയായിരുന്ന വിദ്യാർത്ഥികൾ കാർ തകർക്കുകയും യാത്രക്കാരെ ചീത്തവിളിക്കുകയും ഭീഷണിപ്പെടുത്തുകയും മർദ്ദിക്കുകയും ചെയ്തുവെന്ന പരാതിയിൽ 20ഓളം വിദ്യാർത്ഥികൾക്കെതിരെ ചക്കരക്കൽ പോലീസ് കേസെടുത്തു. ഏച്ചൂർ കുടുക്കിമൊട്ട സ്വദേശി സി.പി ഷക്കീറിന്റെ പരാതിയിലാണ് കാഞ്ഞിരോട് നഹർ കോളേജിലെ വിദ്യാർത്ഥികളായ അഫ്രീൻ, ഷമ്മാസ്, സി നാൻ, സിദാൻ എന്നിവർക്കും മറ്റ് കണ്ടാലറിയാവുന്ന 16 പേർക്കുമെതിരെ കേസെടുത്തത്. ഫെബ്രവരി 27ന് വൈകുന്നേരം 3.30ന് പരാതിക്കാരനും കുടുംബവും കാഞ്ഞിരോട് നിന്നും കുടുക്കി മൊട്ടയിലേക്ക് കെ.എൽ. 59.ജെ.5667 നമ്പർ കാറിൽ പോകവെയാണ് സംഭവം. പ്രകടനത്തിനിടെ അരികിലൂടെ കാർ ഓടിച്ചു പോകാൻ ശ്രമിച്ചപ്പോൾ കാർ തടഞ്ഞ വിദ്യാർത്ഥികൾ ആക്രമിച്ച് 75000 രൂപയുടെ നഷ്‌ടം വരുത്തുകയും പരാതിക്കാരനെയും ബന്ധുക്കളേയും ചീത്തവിളിച്ച് കയ്യേറ്റം ചെയ്ത് പരിക്കേൽപ്പിക്കുകയും ചെയ്തു‌വെന്ന പരാതിയിലാണ് കേസെടുത്തത്.