കണ്ണൂർ: താനൂർ ബോട്ട് അപകടത്തെ തുടർന്ന് നിർത്തിവച്ച കണ്ണൂരിൽ നിന്നുള്ള കെ. എസ്‌.ആർ.ടി.സിയുടെ വാഗമൺ കുമരകം ഉല്ലാസയാത്ര പുനരാരംഭിച്ചു.വേമ്പനാട്ട് കായലിലെ പുരവഞ്ചി സഞ്ചാരം ഉൾപ്പെട്ടിട്ടുള്ള ആദ്യ ഉല്ലാസയാത്ര സംഘം കഴിഞ്ഞ ദിവസം വാഗമണിലേക്ക് യാത്ര തിരിച്ചു. പെൻഷൻകാരുടെ സംഘമായിരുന്നു ഇത്.ഒരുദിവസം വാഗമണിൽ താമസിച്ച് കാഴ്ചകൾ കാണൽ, കായൽപ്പരപ്പിൽ പുരവഞ്ചിയിലുള്ള ഭക്ഷണം എന്നിവ ഉൾപ്പെടെയാണ് പാക്കേജ്.ഈമാസം 28-ന് വീണ്ടും നടത്തുന്ന വാഗമൺ കുമരകം യാത്രയ്ക്കുള്ള ബുക്കിങ്‌ തുടങ്ങി. വിവരങ്ങൾക്ക് 8089463675 എന്ന നമ്പറിൽ വിളിക്കാം.

കണ്ണൂർ: ഏപ്രിൽ രണ്ടിന് കണ്ണൂർ മണ്‌ഡലത്തിൽ ഹർത്താലും ബസ് പണിമുടക്കും നടത്തും. ദേശീയപാത ആറു വരിയാകുന്നതോടെ രൂക്ഷമാകാനിടയുള്ള കണ്ണൂർ തോട്ടട തലശ്ശേരി റൂട്ടിലെ യാത്രാക്ലേശം പരിഹരിക്കാൻ നടപടി സ്വീകരിക്കാത്തതിൽ പ്രതിഷേധിച്ചാണ് ഹർത്താൽ. സംയുക്ത ആക്ഷൻ കമ്മിറ്റി യോഗമാണ് ഹർത്താൽ പ്രഖ്യാപിച്ചത്. ജനകീയ സമര പ്രഖ്യാപന കൺവെൻഷൻ നടാലിൽ മേയർ മുസ്‌ലിഹ് മഠത്തിൽ ഉദ്ഘാടനം ചെയ്തു.ബസ് സർവ്വീസ് അനിശ്ചിത കാലത്തേക്ക് നിർത്തിവെക്കേണ്ട അവസ്‌ഥയെന്ന് ബസുടമസ്ഥ സംഘം പ്രതിനിധി രാജ് കുമാർ കരുവാരത്ത് പറഞ്ഞു. ഹർത്താലിന് ഭരണ പ്രതിപക്ഷ പാർട്ടികളുടെ പിന്തുണയുമുണ്ട്.

കണ്ണൂർ : ജില്ലയിൽ മഴക്കാല രോഗങ്ങളെ പ്രതിരോധിക്കുന്നതിന് മഴക്കാല പൂർവ്വ രോഗ പ്രതിരോധ ജനകീയ കാമ്പയിൻ ആരംഭിക്കാൻ ആരോഗ്യ വകുപ്പ് തീരുമാനിച്ചു. മഴക്കാല പൂർവ്വ രോഗ പ്രതിരോധ നടപടികൾ ഇർജ്ജിതമാക്കുന്നതിനു ജില്ലാ സർവേലൻസ് ഓഫീസർ ഡോ. സച്ചിൻ കെ സി യുടെ നേതൃത്വത്തിൽ വിവിധ പ്രോഗ്രാം ഓഫീസർ മാരുടെ യോഗവും ഐ.ഡി എസ്.പി മീറ്റിങ്ങും ചേർന്നു.
*മഴയെത്തും മുമ്പേ മാറ്റാം.. മാലിന്യം, കാക്കാം.. ആരോഗ്യം എന്നതാണ് ക്യാമ്പയിൻ മുദ്രാവാക്യം. ലക്ഷ്യങ്ങൾ:
* ജില്ലയിൽ പൊതുവിലും ഹോട് സ്പോട്ടുകൾ ആയി പ്രഖ്യാപിച്ച ഇടങ്ങളിൽ വിശേഷിച്ചും ജനകീയ പങ്കാളിത്തത്തോടെ മഴക്കാല പൂർവ്വ മാലിന്യ സംസ്കരണവും ഉപേക്ഷിക്കപ്പെട്ട ജല സംഭരണികളും നീക്കം ചെയ്തു മഴക്കാല രോഗങ്ങളുടെ തോത് കുറക്കുക
* കൊതുക് ജന്യ രോഗമായ ഡെങ്കിപ്പനിയുടെ തോത് കുറക്കുക .
* തദ്ദേശീയ മലമ്പനി കേസുകൾ റിപ്പോർട്ട്‌ ചെയ്യപ്പെടാനുള്ള സാഹചര്യം പൂർണമായും ഒഴിവാക്കുക
* ഫൈലേരിയ പുതിയ കേസുകളിൽ കുറവ് വരുത്തുക.
* ഹെപ്പറ്റൈറ്റിസ് എ പുതിയ ഔട്ട്‌ ബ്രേക്കുകൾ തടയുക
* എലിപ്പനി പുതിയ കേസുകളുടെ തോത് കുറക്കുക,
* എലിപ്പനി മരണ കേസുകൾ ഇല്ലാതാക്കുക,
* ജല സ്രോതസ്സുകൾ ക്ലോറിനേറ്റ് ചെയ്യുക, ഹെൽത്തി കേരള പരിശോധന കാര്യക്ഷമമാക്കുക,
* ശുദ്ധമല്ലാത്ത ജല സ്രോതസ്സുകളിൽ നിന്നും ശേഖരിക്കുന്ന ജലം കുടിവെള്ളത്തിനായി ഉപയോഗിക്കുന്നത് തടയുക.
* കെട്ടിക്കിടക്കുന്ന വെള്ളത്തിൽ മുങ്ങാം കുഴി ഇട്ട് കുളിക്കുക, ഡൈവിങ് ചെയ്യുക തുടങ്ങിയവ വഴി അമീബിക് മസ്തിഷ്ക ജ്വരം പടരാൻ സാധ്യതയുള്ളതിനെപ്പറ്റി ആവശ്യമായ ബോധ വൽക്കരണം നടത്തുക ,
* രോഗ പ്രതിരോധ ബോധ വൽക്കരണ പരിപാടികൾ ശക്തമാക്കുക എന്നതൊക്കെയാണ് ഈ കാമ്പയിൻ കൊണ്ട് ലക്ഷ്യമാക്കുന്നത്.
ആരോഗ്യ വകുപ്പിനോടൊപ്പം തദ്ദേശ സ്വയം ഭരണ സ്ഥാപനങ്ങൾ, ശുചിത്വ മിഷൻ, വനിതാ ശിശു വികസന വകുപ്പ്,ആയുഷ് വകുപ്പ്, കൃഷി വകുപ്പ്, വെറ്റിനറി വകുപ്പ്,കുടുംബശ്രീ, വിദ്യാഭ്യാസ വകുപ്പ്, പോലീസ് വകുപ്പ്,ഹരിത കർമ സേന, യുവജന ക്ഷേമ ബോർഡ്‌, എൻ എസ് എസ്, ജില്ലയിലെ വിവിധ സന്നദ്ധ സംഘടനകൾ, ക്ലബ്ബുകൾ കാമ്പയിനുമായി സഹകരിക്കും.
ഏപ്രിൽ 19 വരെയുള്ള കാലയളവിൽ പരമാവധി മാലിന്യ നിർമാർജ്ജ്‌ന പ്രവർത്തനങ്ങൾ നടത്തി രോഗപ്രതിരോധ നടപടികൾ തീവ്രമാക്കും.