പേരാവൂർ ബ്ലോക്ക് വയോജന സംഗമം ബ്ലോക്ക്‌ പഞ്ചായത്ത്‌ പ്രസിഡന്റ്‌ കെ.സുധാകരൻ ഉദ്ഘാടനം ചെയ്യുന്നു

പേരാവൂർ : ബ്ലോക്ക്‌ പഞ്ചായത്ത് പരിധിയിൽ വയോജന സംഗമം നടത്തി. ബ്ലോക്ക്‌ പഞ്ചായത്ത്‌ പ്രസിഡന്റ്‌ കെ.സുധാകരൻ ഉദ്ഘാടനം ചെയ്തു. പഞ്ചായത്ത്‌ പ്രസിഡന്റ്‌ പി.പി. വേണുഗോപാലൻ അധ്യക്ഷനായി. ബ്ലോക്ക്‌ വൈസ് പ്രസിഡന്റ്‌ പ്രീത ദിനേശൻ,
ശിശു വികസന പദ്ധതി ഓഫീസർ ബിജി തങ്കപ്പൻ, ബ്ലോക്ക്‌ മെമ്പർമാരായ പ്രേമി പ്രേമൻ, മൈഥിലി രമണൻ, ഇന്ദിര ശ്രീധരൻ, മേരിക്കുട്ടി, പ്രീതിലത, ബ്ലോക്ക്‌ സെക്രട്ടറി ആർ.സജീവൻ, ഗീതാകുമാരി, ശ്രീഷ എന്നിവർ സംസാരിച്ചു. വയോജനങ്ങളുടെ വിവിധ കലാ പരിപാടികളും നടന്നു.

യുണൈറ്റഡ് മർച്ചൻറ്സ് ചേംബർ പേരാവൂർ യൂണിറ്റ് സംഘടിപ്പിച്ച സമൂഹ നോമ്പുതുറ മൂസ മൗലവി വയനാട് ഉദ്ഘാടനം ചെയ്യുന്നു

പേരാവൂർ: യുണൈറ്റഡ് മർച്ചൻറ്സ് ചേംബർ പേരാവൂർ യൂണിറ്റ് ടൗണിൽ സമൂഹ നോമ്പുതുറ സംഘടിപ്പിച്ചു. മൂസ മൗലവി വയനാട് ഉദ്ഘാടനവും ഇഫ്ത്താർ സന്ദേശവും നല്കി. യൂണിറ്റ് പ്രസിഡൻറ് ഷിനോജ് നരിതൂക്കിൽ അധ്യക്ഷനായി. ബ്ലോക്ക് പഞ്ചായത്ത് പ്രസിഡൻറ് കെ.സുധാകരൻ, പഞ്ചായത്ത് പ്രസിഡൻ്റ് പി.പി.വേണുഗോപാലൻ, ജില്ലാ പഞ്ചായത്തംഗങ്ങളായ ജൂബിലി ചാക്കോ, വി.ഗീത, പഞ്ചായത്തംഗങ്ങളായ എം.ശൈലജ, റജീന സിറാജ് , പേരാവൂർ ഫൊറോനാ അസി.വികാരി ഫാ.പോൾ മുണ്ടക്കൽ, ശ്രീകൃഷ്ണ ക്ഷേത്രം ട്രസ്റ്റി ബോർഡ് മുൻ ചെയർമാൻ ഡോ.വി.രാമചന്ദ്രൻ, കെ.എം.ബഷീർ, പ്രവീൺ കാറാട്ട് എന്നിവർ സംസാരിച്ചു.വിവിധ വ്യാപാര സംഘടനാ നേതാക്കൾ, ഓട്ടോ- ടാക്സി തൊഴിലാളി ഭാരവാഹികൾ എന്നിവരും സംബന്ധിച്ചു.

പേരാവൂർ : വെളളർവള്ളി ആത്തിലേരി മുത്തപ്പൻ മടപ്പുര പ്രതിഷ്ഠാ വാർഷികവും തിരുവപ്പന മഹോത്സവവും 16, 17, 18 തീയതികളിൽ നടക്കും. 16 ന് കലവറനിറക്കൽ ഘോഷയാത്രയും പ്രാദേശിക കലാപരിപാടികളും. 17ന് ഘോഷയാത്രയും വിവിധ തെയ്യങ്ങളുടെ വെള്ളാട്ടങ്ങളും നടക്കും. 18ന് ഗുളികൻ, നാഗഭഗവതി, തിരുവപ്പന, ശാസ്തപ്പൻ, മണത്തണകാളി തുടങ്ങിയ തെയ്യങ്ങൾ കെട്ടിയാടും.