കേളകം: യുണൈറ്റഡ് മർച്ചൻ്റ്സ് ചേംമ്പർ കേളകം യൂണിറ്റ് നാളെ കേളകം പഞ്ചായത്തിലേക്ക്‌ പ്രതിഷേധ സമരം നടത്തും. നിലവിലുണ്ടായിരുന്ന തൊഴിൽ നികുതിയിൽ രണ്ടര ഇരട്ടി വർദ്ധനവു വരുത്തിയ നടപടിയിലുള്ള പ്രതിഷേധവും വിയോജിപ്പും സർക്കാറിനെയും തദ്ദേശസ്വയം ഭരണസ്ഥാപനങ്ങളെയും അറിയിക്കാനാമാണ് സംസ്ഥാന കമ്മറ്റി തീരുമാനപ്രകാരം യൂണിറ്റ് കമ്മറ്റി നാളെ പ്രതിഷേധ സമരം നടത്തുന്നത്. വ്യത്യസ്തമായ കാരണങ്ങളാൽ ദീർഘകാലമായി ചെറുകിട, ഇടത്തരം സംരംഭങ്ങൾ,വ്യാപാര സ്ഥാപനങ്ങൾ തുടർച്ചയായിട്ടുള്ള പ്രതിസന്ധികളെ അതിജീവിക്കാൻ പാടുപ്പെടുകയാണ്.അതിജീവനത്തിനു വേണ്ടിയുള്ള നെട്ടോട്ടത്തിൽ സർക്കാറിനുമുമ്പിൽ നിലവിലുള്ള ലൈസൻസു ഫീസുകളിലും, നികുതികളിലും മറ്റും ഇളവുകൾ ലഭിക്കാൻ നിവേദനങ്ങൾ നൽകി കാത്തിരിക്കുമ്പോഴാണ് തൊഴിൽ നികുതിയിൽ ഗണ്യമായ വർദ്ധനവു വരുത്തിയ നടപടി ഉണ്ടാവുന്നത്. തൊഴിൽ നികുതി വർദ്ധനവ് ഒഴിവാക്കി നിലവിലുള്ള തൊഴിൽ നികുതി തന്നെ തുടരുവാനുള്ള തീരുമാനം കൈകൊള്ളണമെന്നാണ് നേതാക്കളുടെ ആവശ്യം.

കേ​ള​കം: കൃ​ഷി​ഭ​വ​നി​ൽ കൃ​ഷി ഓ​ഫി​സ​ർ ഇ​ല്ലാ​താ​യി​ട്ട് നാ​ല് മാ​സം. നാ​ല് മാ​സം മു​മ്പ് കൃ​ഷി ഓ​ഫി​സ​റാ​യി​രു​ന്ന കെ.​ജി സു​നി​ൽ വ​യ​നാ​ടി​ലേ​ക്ക് സ്ഥ​ലം മാ​റി​പ്പോ​യ​തി​നെ തു​ട​ർ​ന്ന് മ​റ്റൊ​രു ഓ​ഫി​സ​ർ ചാ​ർ​ജെ​ടു​ത്തി​രു​ന്നു.​ ചാ​ർ​ജ് എ​ടു​ത്ത് ദി​വ​സ​ങ്ങ​ൾ​ക്കു​ള്ളി​ൽ ഈ ​ഓ​ഫി​സ​ർ മെ​ഡി​ക്ക​ൽ ലീ​വെ​ടു​ത്ത് പോ​യ​തോ​ടെ കൃ​ഷി ഓ​ഫി​സ​ർ ഇ​ല്ലാ​തെ നാ​ല് മാ​സം.​എ​ന്നാ​ൽ നി​ല​വി​ൽ കൊ​ട്ടി​യൂ​ർ കൃ​ഷി ഓ​ഫി​സ​ർ​ക്കാ​ണ് കേ​ള​ക​ത്തെ അ​ധി​ക ചു​മ​ത​ല ന​ൽ​കി​യി​രി​ക്കു​ന്ന​ത്.​എ​ന്നാ​ൽ ഒ​ട്ടേ​റെ ക​ർ​ഷ​ക​രു​ള്ള പ്ര​ദേ​ശ​ത്ത് കൃ​ഷി ഓ​ഫി​സ​റി​ല്ലാ​താ​യ​തോ​ടെ മു​ഴു​വ​ൻ സേ​വ​ന​ങ്ങ​ളും മു​ട​ങ്ങി​യി​രി​ക്കു​ക​യാ​ണ്. കൃ​ഷി ഓ​ഫി​സ​ർ​ക്ക് പു​റ​മെ കൃ​ഷി​ഭ​വ​നി​ൽ ര​ണ്ട് കൃ​ഷി അ​സി​സ്റ്റ്ന്റ് ത​സ്തി​ക ഉ​ണ്ട്.​എ​ന്നാ​ൽ ആ​റ് മാ​സ​മാ​യി ഒ​രു കൃ​ഷി അ​സി​സ്റ്റ​ന്റ് ത​സ്തി​ക ഒ​ഴി​ഞ്ഞു കി​ട​ക്കു​ക​യാ​ണ്.​ഇ​തോ​ടെ കൃ​ഷി ഭ​വ​ന്റെ പ്ര​വ​ർ​ത്ത​നം പൂ​ർ​ണ്ണ​മാ​യും അ​വ​താ​ള​ത്തി​ലാ​യി.​നി​ല​വി​ൽ ഒ​രു കൃ​ഷി അ​സി​സ്റ്റ​ന്റ് മാ​ത്ര​മാ​ണ് കൃ​ഷി​ഭ​വ​നി​ൽ ഉ​ള്ള​ത്.​കേ​ള​കം പ​ഞ്ചാ​യ​ക​ത്തി​ലെ 13 വാ​ർ​ഡു​ക​ളി​ലെ ക​ർ​ഷ​ക​രു​ടെ പ്ര​ശ്‌​ന​ങ്ങ​ൾ പ​രി​ഹ​രി​ക്കാ​ൻ ഈ ​ഏ​ക കൃ​ഷി അ​സി​സ്റ്റ​ന്റി​നെ കൊ​ണ്ട് സാ​ധി​ക്കാ​ത്ത അ​വ​സ്ഥ​യാ​ണ്. കൃ​ഷി ഓ​ഫി​സ​റെ നി​യ​മി​ച്ച് ക​ർ​ഷ​ക​ർ​ക്ക് ആ​വ​ശ്യ​മാ​യ സേ​വ​ന​ങ്ങ​ൾ ല​ഭ്യ​മാ​ക്ക​ണ​മെ​ന്ന് ക​ർ​ഷ​ക​ർ ആ​വ​ശ്യ​പ്പെ​ടു​ന്നു​ണ്ടെ​ങ്കി​ലും ന​ട​പ​ടി​യി​ല്ല.

കേളകം: അടക്കാത്തോട് ടൗണിന്റെ സൗന്ദര്യവൽക്കരണവും ഹരിത ടൗൺ പ്രഖ്യാപനവും നടന്നു. വ്യാപരികളും ഓട്ടോ തൊഴിലാളികളും നാട്ടുകാരും നൽകിയ പൂച്ചട്ടികൾ ടൗണിന്റെ പലഭാഗത്തായി സ്ഥാപിച്ചാണ് സൗന്ദര്യവൽക്കരിച്ചത്. പാഴ് വസ്തുക്കൾ നിക്ഷേപിക്കാൻ ബിന്നുകൾ, സൂചന ബോർഡുകൾ എന്നിവയും ടൗണിൽ സ്ഥാപിച്ചു.ടൗൺ ജങ്ഷനിൽ നടന്ന ‘ഹരിത ടൗൺ പ്രഖ്യാപനം’ ബ്ലോക്ക് പഞ്ചായത്ത് അംഗം മേരിക്കുട്ടി ജോൺസൺ ഉദ്ഘാടനം ചെയ്തു. വൈസ് പ്രസിഡന്റ് തങ്കമ്മ മേലേകൂറ്റ് അധ്യക്ഷയായി. നിഷാദ് മണത്തണ പദ്ധതി വിശദീകരിച്ചു. സ്ഥിര സമിതി അധ്യക്ഷരായ ടോമി പുളിക്കകണ്ടം, സജീവൻ പാലുമ്മി, അസിസ്റ്റന്റ് സെക്രട്ടറി പി ആർ രാജശേഖരൻ, വി ഐ സൈദ്കുട്ടി, അൻസാദ് അസീസ് ഷേർലി ജോസഫ് തുടങ്ങിയവർ സംസാരിച്ചു.