കുടുംബ തർക്കങ്ങൾക്ക് പരിഹാരം: ഹാർമണി ഹബ്ബ്
കണ്ണൂർ: കുടുംബ ബന്ധങ്ങളിൽ ഉണ്ടാകുന്ന തർക്കങ്ങൾ രമ്യമായി പരിഹരിക്കുന്നതിനായി കേരള സംസ്ഥാന നിയമ സേവന അതോറിറ്റി ഹാർമണി ഹബ്ബ് എന്ന പുതിയ പദ്ധതി ആരംഭിച്ചു.മധ്യസ്ഥത, അനുരഞ്ജനം, കൗൺസലിങ്, നിയമ ഉപദേശം, ലോക് അദാലത്തുകൾ തുടങ്ങിയ സേവനങ്ങളുടെ പുതിയ രൂപവും ഭാവവുമാണ് ഈ പദ്ധതി.വ്യവഹാരഘട്ടത്തിന് മുൻപുള്ള ഗാർഹികവും അല്ലാത്തതുമായ തർക്കങ്ങൾ പരിഹരിക്കുക, അതുവഴി ചെലവേറിയതും സമയം എടുക്കുന്നതുമായ വ്യവഹാരങ്ങൾ ഒഴിവാക്കുക എന്നതാണ് ലക്ഷ്യം.സൗജന്യ നിയമ സേവനങ്ങൾ, കൗൺസലിങ്, നിയമോപദേശം, അദാലത്ത് തുടങ്ങിയ സേവനങ്ങൾ ഒരു കുടക്കീഴിൽ നൽകുന്ന ഈ പദ്ധതി പ്രയോജനപ്പെടുന്നതിന് ജില്ലാ ലീഗൽ സർവീസസ് അതോറിറ്റിയുമായി ബന്ധപ്പെടാം.ഫോൺ: 0490 2344666
dlsakannurdistrict @gmail.com
