കണ്ണൂർ സർവകലാശാലാ വാർത്തകൾ
പരീക്ഷാഫലം
കണ്ണൂർ സർവ്വകലാശാല പഠനവകുപ്പിലെ നാലാം സെമസ്റ്റർ എം പി ഇ എസ് ( സി ബി സി എസ് എസ് – റഗുലർ ), മെയ് 2024 പരീക്ഷാഫലം വെബ്സൈറ്റിൽ ലഭ്യമാണ്. പുനർമൂല്യനിർണ്ണയം/സൂക്ഷ്മ പരിശോധന/ ഫോട്ടോകോപ്പി എന്നിവയ്ക്ക് 05/03/25ന് വൈകുന്നേരം 5 മണി വരെ അപേക്ഷിക്കാം.
പുനർമൂല്യ നിർണയഫലം
രണ്ടാം സെമസ്റ്റർ ബിരുദ (ഏപ്രിൽ 2024) പരീക്ഷകളുടെ പുനർമൂല്യനിർണയഫലം സർവ്വകലാശാല വെബ്സൈറ്റിൽ പ്രസിദ്ധീകരിച്ചിട്ടുണ്ട്.പൂർണ്ണഫലം പുനർമൂല്യനിർണയം പൂർത്തിയാകുന്ന മുറയ്ക്ക് വെബ്സൈറ്റിൽ അപ്ഡേറ്റ് ചെയ്യുന്നതാണ്.
പ്രൊജക്റ്റ് മൂല്യ നിർണ്ണയം /വൈവ വോസി
ആറാം സെമസ്റ്റർ ബി. എ. ഉറുദു ഡിഗ്രി (ഏപ്രിൽ 2025) / വൈവ വോസി 2025 ഫെബ്രുവരി 27, 28 തീയ്യതികളിലായി ഗവ. ബ്രണ്ണൻ കോളേജിൽ വെച്ച് നടക്കും . വിശദമായ ടൈം ടേബിൾ സർവകലാശാല വെബ്സൈറ്റിൽ ലഭ്യമാണ്.
പരീക്ഷാ വിജ്ഞാപനം
ഒന്ന് , രണ്ട് വർഷ അഫ്സൽ ഉൽ ഉലമ പ്രീലിമിനറി (റെഗുലർ / സപ്ലിമെന്ററി / ഇംപ്രൂവ്മെന്റ്- പ്രൈവറ്റ് രെജിസ്ട്രേഷൻ ഉൾപ്പെടെ) പരീക്ഷകൾക്ക് 18.03.2025 മുതൽ 24.03.2025 വരെ പിഴയില്ലാതെയും 25.03.2025 വരെ പിഴയോടു കൂടിയും അപേക്ഷിക്കാം.
