കുടിവെള്ള കുടിശ്ശിക റവന്യൂ റിക്കവറി അദാലത്ത്
കണ്ണൂർ:കുടിവെള്ള ചാർജ്ജ് കുടിശ്ശിക വന്ന് കണക്ഷൻ വിച്ചേദിക്കപ്പെട്ട ശേഷം ജപ്തി നടപടികൾ നേരിടുന്ന ഉപഭോക്താക്കൾക്കായി റവന്യൂ റിക്കവറി അദാലത്ത് ഫെബ്രുവരി 17ന് രാവിലെ പത്ത് മുതൽ താലൂക്ക് കോൺഫറൻസ് ഹാളിൽ നടത്തും.കണ്ണൂർ സെക്ഷൻ പരിധിയിൽ വരുന്ന അഴീക്കോട് നോർത്ത്, അഴീക്കോട് സൗത്ത്, എളയാവൂർ, എടക്കാട്, പള്ളിക്കുന്ന്, പുഴാതി, കണ്ണൂർ-1, കണ്ണൂർ-2, വളപട്ടണം, ചിറക്കൽ, പെരളശ്ശേരി സെക്ഷൻ പരിധിയിൽ വരുന്ന അഞ്ചരക്കണ്ടി, മുഴപ്പിലങ്ങാട്, പെരളശ്ശേരി, ചെമ്പിലോട്, കടമ്പൂർ, മട്ടന്നൂർ സെക്ഷൻ പരിധിയിൽ വരുന്ന നാറാത്ത്, മുണ്ടേരി എന്നീ വില്ലേജുകളിലെ ഉപഭോക്താക്കൾക്ക് പങ്കെടുക്കാം. ഫോൺ: 0497270683.
