പേരാവൂർ : പോലീസ് സബ് ഡിവിഷനിലെ പട്ടികവർഗ ക്ഷേമ പ്രവർത്തനങ്ങൾക്കു വേണ്ടി ആവിഷ്‌കരിച്ചതുടിതാളം ആദിവാസി യുവജനോത്സവം മണത്തണയിൽ റിട്ട. പൊലീസ് സൂപ്രണ്ട് പ്രിൻസ് ഏബ്രഹാം ഉദ്ഘാടനം ചെയ്തു. പേരാവൂർ ഡി.വൈ.എസ്.പി കെ.വി.പ്രമോദൻ അധ്യക്ഷനായി. പേരാവൂർ പഞ്ചായത്ത് പ്രസിഡന്റ് പി.പി.വേണുഗോപാലൻ, കോളയാട് പഞ്ചായത്ത് പ്രസിഡന്റ് എം.റിജി, പഞ്ചായത്തംഗങ്ങളായ നൂറുദ്ദീൻ മുള്ളേരിക്കൽ, ബേബി സോജ, വി.എം.രഞ്ജുഷ, എസ്.എച്ച്.ഒമാരായ എ.വി.ദിനേശൻ, ഇതിഹാസ് താഹ, പി.സജിത്ത് എന്നിവർ പ്രസംഗിച്ചു. പേരാവൂർ സബ് ഡിവിഷനു കീഴിലെ 300-ലധികം ഉന്നതി കലാകാരൻമാർ പങ്കെടുത്തു. പേരാവൂർ സബ്ഡിവിഷനു കീഴിലെ എസ്.ടി പ്രമോട്ടർമാരുടെ സഹകരണത്തോടെയാണ് പരിപാടി സംഘടിച്ചത്.

പേരാവൂർ: ചെങ്കൽ തൊഴിലാളി ഡ്രൈവേഴ്‌സ് ആൻഡ് ക്ലീനേഴ്‌സ് വെൽ ഫയർ ട്രസ്റ്റ് സംഘടിപ്പിച്ച മണത്തണ ഗ്രാമോത്സവത്തിന്റെ ഭാഗമായ സി.ടി.ഡി.സി വോളി സമാപിച്ചു. മേജർ വോളിയിൽ സെയ്ന്റ് തോമസ് പാലയെ പരാജയപ്പെടുത്തി ക്രൈസ്റ്റ് കോളേജ് ഇരിങ്ങാലക്കുട ജേതാക്കളായി. വനിതാ വോളിയിൽ സെയ്ന്റ് മേരീസ് കോളേജ് സുൽത്താൻ ബത്തേരിയെ പരാജയപ്പെടുത്തി ഐ.പി.എം.സ്‌പോർട്‌സ് അക്കാദമി വടകരയും അണ്ടർ 19 വോളിയിൽജിമ്മി ജോർജ് സ്‌പോർട്‌സ് അക്കാദമി പേരാവൂരിനെ പരാജയപ്പെടുത്തി റെഡ് ലാൻഡ്‌സ് വോളീബോൾ അക്കാദമി തൃശ്ശൂരും ജേതാക്കളായി.സി. ടി. ഡി. സി ഭാരവാഹികളായ പി.വി.വിനോദൻ, ടി.ദിപിൻ, വി.പി.സമദ്, സി.സായൂജ്, സുനിൽ കുമാർ നാമത്ത്, സംഘാടക സമിതി ചെയർമാൻ കെ.ജെ.സെബാസ്റ്റ്യൻ തുടങ്ങിയവർ മത്സരങ്ങൾക്ക് നേതൃത്വം നല്കി.

പേരാവൂർ: വേക്കളം എ.യു.പി സ്കൂൾ പ്ലാറ്റിനം ജൂബിലിയാഘോഷവും പുതിയ സ്കൂൾ കെട്ടിടത്തിന്റെ ഉദ്ഘാടനവും ഫെബ്രുവരി 14,15 തീയതികളിൽ നടക്കും. വാർഷികാഘോഷം ഉദ്ഘാടനം ബിനോയ്‌ കുര്യനും സ്കൂൾ കെട്ടിടോദ്‌ഘാടനം കെ. കെ. ശൈലജ എം. എൽ.യും നിർവഹിക്കും. സമാപന സമ്മേളനം സണ്ണി ജോസഫ് എം. എൽ. എ ഉദ്ഘാടനം ചെയ്യും.

വിദ്യാമന്ദിർ ഇംഗ്ലീഷ് മീഡിയം നഴ്സറി സ്കൂൾ വാർഷികവും യാത്രയയപ്പ് സമ്മേളനവും ഇതോടൊപ്പം നടക്കും. സ്കൂൾ വിദ്യാർഥികളുടെ കലാപരിപാടികൾ, ഉന്നത വിജയികൾക്കുള്ള അനുമോദനം, പൂർവ വിദ്യാർഥികളുടെയും അധ്യാപകരുടെയും കലാപരിപാടികൾ എന്നിവയുമുണ്ടാവും.

പത്രസമ്മേളനത്തിൽ പ്രഥമധ്യാപകൻ കെ. പി. രാജീവൻ, പി.ടി.എ പ്രസിഡന്റ് വി. ഡി.ബിന്റോ, സ്റ്റാഫ് സെക്രട്ടറി എ.ഇ.ശ്രീജിത്ത്, മദർ പി.ടി.എ പ്രസിഡൻറ് ഷൈനി വിനോദ് എന്നിവർ സംബന്ധിച്ചു.