പയ്യന്നൂർ:തെക്കെ ബസാറിലെ ഇഷാന്റെ ഇഷ്ട വിനോദമാണ് തന്റെ മനസിൽ പതിയുന്നവയെ ഉള്ളം കൈയിൽ ഒതുങ്ങുന്ന സൃഷ്‌ടികളാക്കി മാറ്റുക എന്നത്. പഴയ ഗ്രാമഫോൺ, റേഡിയോ, കാമറ, ഘടികാരം, കുട, ക്രിക്കറ്റ് ബാറ്റ് തുടങ്ങി ഇഷ്ട എഴുത്തുകാരൻ വൈക്കം മുഹമ്മദ് ബഷീറിന്റെ കൃതികളടക്കം ചെറുപതിപ്പുകളാക്കുകയാണ് ഇഷാൻ. കണ്ടങ്കാളി ഷേണായി സ്‌മാരക ഗവ. ഹയർസെക്കൻഡറി സ്‌കൂൾ ഒമ്പതാംതരം വിദ്യാർഥിയാണ്. അഞ്ചാം ക്ലാസിൽ പഠിക്കുമ്പോഴാണ്‌ ഈ ആശയം മനസിൽ ഉയർന്നത്. സ്വയം സ്വായത്തമാക്കിയ അറിവുകൊണ്ടാണ് നിർമാണം. പേപ്പറുകൾ, ഫോംബോർഡ്, കമ്പികൾ തുടങ്ങി ഉപയോഗ ശൂന്യമായ വസ്‌തുക്കളാണ് ഉപയോഗിക്കുന്നത്. മെറ്റൽ എൻക്രൈവിങിൽ കഴിഞ്ഞ വർഷം ഉപജില്ലാ മത്സരത്തിൽ ഒന്നാം സ്ഥാനവും ഇത്തവണ രണ്ടാം സ്ഥാനവും നേടിയിട്ടുണ്ട്. അമ്മ അമൃത ചിത്രം വരയ്‌ക്കുന്നത് കണ്ട് ഇപ്പോൾ ചിത്രരചനയും പരിശീലിക്കുന്നു. സെന്റ് മേരീസ് ഹൈസ്‌കൂളിൽ അഞ്ചാം തരത്തിൽ പഠിക്കുന്ന സഹോദരി ചിത്രകാരിയും ഡാൻസറുമാണ്. ഉപജില്ലയിൽ മെറ്റൽ എൻക്രൈവിങിൽ ഈ വർഷം ഒന്നാം സ്ഥാനം നേടിയിട്ടുണ്ട്.

കണ്ണൂർ: സംസ്ഥാനത്ത് ഇന്ന് ഉയര്‍ന്ന താപനില മുന്നറിയിപ്പ്. ഒറ്റപ്പെട്ടയിടങ്ങളില്‍ സാധാരണ താപനിലയേക്കാൾ രണ്ട് മുതല്‍ മൂന്ന് സെല്‍ഷ്യസ് വരെ താപനില ഉയരാന്‍ സാധ്യതയെന്ന് കേന്ദ്ര കാലാവസ്ഥാ വകുപ്പ് അറിയിച്ചു.ഉയര്‍ന്ന താപനിലയും ഈര്‍പ്പമുള്ള വായുവും കാരണം ചൂടും അസ്വസ്ഥതയുമുള്ള കാലാവസ്ഥക്ക് സാധ്യതയുണ്ട്.ഉയര്‍ന്ന ചൂട് റിപ്പോര്‍ട്ട് ചെയ്യപ്പെടുന്ന സാഹചര്യത്തില്‍ പൊതുജനങ്ങള്‍ക്കായി സംസ്ഥാന ദുരന്ത നിവാരണ അതോറിറ്റി പുറപ്പെടുവിക്കുന്നജാഗ്രതാ നിര്‍ദേശങ്ങള്‍ പുറപ്പെടുവിച്ചു. ഉയര്‍ന്ന ചൂട് സൂര്യാഘാതം, സൂര്യാതപം, നിര്‍ജലീകരണം തുടങ്ങി നിരവധി ഗുരുതരമായ ആരോഗ്യ പ്രശ്‌നങ്ങള്‍ക്ക് കാരണമാകും.

പെരിങ്ങോം: യുവതിയുടെ സ്വകാര്യ ഫോട്ടോകള്‍ വാട്‌സ്ആപ്പ് സ്റ്റാറ്റസിലൂടെ പ്രദര്‍ശിപ്പിച്ച് അപമാനിച്ച സംഭവത്തില്‍ മണ്ടൂര്‍ സ്വദേശിയായ അദ്ധ്യാപകന്റെ പേരില്‍ പെരിങ്ങോം പേലീസ് കേസെടുത്തു. ചെറുതാഴം മണ്ടൂര്‍ സ്വദേശിയും രാമന്തളി ഗവ. ഹയര്‍സെക്കണ്ടറി സ്‌ക്കൂള്‍ അദ്ധ്യാപകനുമായഇ.വി വിനോദിന്റെ പേരിലാണ് കേസ്.2024 നവംബര്‍ 19 മുതല്‍ യുവതിയുടെ ഫോട്ടോകള്‍ പ്രദര്‍ശിപ്പിച്ച് അപമാനിച്ച സംഭവത്തിലാണ് യുവതി പെരിങ്ങോം പോലീസില്‍ പരാതി നല്‍കിയത്. നേരത്തെ പോലീസുകാരനായിരുന്ന വിനോദിന് പിന്നീടാണ് അദ്ധ്യാപകനായി ജോലി ലഭിച്ചത്. ആലപ്പടമ്പ് മേഖലയിലെ 44കാരിയുടെ പരാതിയിലാണ് കേസ്. പെരിങ്ങോം എസ്.ഐ കെ. ഖദീജയാണ് കേസന്വേഷിക്കുന്നത്.