അടക്കാത്തോട് : അടക്കാത്തോട് ടൗൺ പരിസരത്തെ തെങ്ങിന് മുകളിലെ കൂറ്റൻ തേനീച്ചകൂട് ഭീഷണിയാവുന്നു. ഒറ്റപ്പെട്ട ഈച്ചകൾ പറന്ന് കടകളിലും എത്തിത്തുടങ്ങി.സ്കൂൾ പരിസരത്ത് നിന്നും 200 മീറ്റർ പരിധിയിലാണ് കടന്നൽകൂട്. അടക്കാത്തോട് സാംസ്കാരിക നിലയത്തിൻ്റെ മുൻവശത്തെ സ്വകാര്യ വ്യക്തിയുടെ കൃഷിയിടത്തിലെ തെങ്ങിന് മുകളിലാണ് കടന്നൽകൂട്. ജനവാസ കേന്ദ്രത്തിലെ കടന്നൽകൂട് നീക്കം ചെയ്യാൻ അധികൃതർ നടപടി സ്വീകരിക്കണമെന്ന് പ്രദേശവാസികൾ ആവശ്യപ്പെടുന്നു.

പേരാവൂർ . ബി.ജെ. പി നേതാവായിരുന്ന ടി.എസ്. ഷാജിയുടെ പതിനഞ്ചാമത് ചരമവാർഷിക ദിനാചരണം നടത്തി. തെരു ബൂത്ത് കമ്മറ്റിയുടെ നേതൃത്വത്തിൽ നടന്ന ചടങ്ങിൽ ജില്ലാ സൗത്ത് പ്രസിഡൻ്റ് ബിജു ഏളക്കുഴി അനുസ്മരണ പ്രഭാഷണം നടത്തി . പേരാവൂർ മണ്ഡലം പ്രസിഡൻ്റ് ബേബി സോജ , സംസ്ഥാന കൗൺസിലംഗം കൂട്ട ജയപ്രകാശ് , ജില്ലാ വൈസ് പ്രസിഡൻ് രാജൻ പുതുക്കുടി , ജില്ലാ കമ്മറ്റിയംഗങ്ങളായ സി.ബാബു , ജ്യോതി പ്രകാശ്, നേതാക്കളായ ആർ. ഉഷ ,ടി. പ്രകാശൻ, പി.കെ ആനന്ദൻ എന്നിവർ സംസാരിച്ചു.

പേരാവൂർ: വിശ്വകർമ വെള്ളർവള്ളി ശാഖ വാർഷികവും കുടുംബസംഗമവും തിരുവോണപ്പുറം രമേശൻ ആചാരിയുടെ വീട്ടിൽ നടന്നു. സംസ്ഥാന ഖജാഞ്ചിഎം.വി.ലക്ഷ്മണൻ ഉദ്ഘാടനം ചെയ്തു. ശാഖാ പ്രസിഡന്റ് സ്വയംഭരൻ അധ്യക്ഷനായി.വാസ്തുശില്പാചാര്യൻ പയ്യന്നൂർ സുകുമാരൻ ആചാരിമുഖ്യ പ്രഭാഷണം നടത്തി. ശാഖാ സെക്രട്ടറി അച്യുതൻ, താലൂക്ക് പ്രസിഡന്റ് എം.കെ .മണി, ബി .കെ .മുരളീധരൻ, സുധീഷ് എന്നിവർ സംസാരിച്ചു.