പേരാവൂർ സെയ്ന്റ് ജോസഫ്‌സ് എച്ച്.എസ് 1987-88 ബാച്ച് വിദ്യാർഥികൾസംഘടിപ്പിച്ച സ്‌നേഹ കൂട്ടായ്മയിൽ പങ്കെടുത്തവർ

പേരാവൂർ: ബന്ധങ്ങൾ സുദൃഢമാക്കാൻ 36 വർഷങ്ങൾക്ക് ശേഷം പേരാവൂർ സെയ്ന്റ് ജോസഫ്‌സ് എച്ച്.എസ് 1987-88 ബാച്ച് വിദ്യാർഥികൾ ഒത്തുകൂടി. ഗുരുകുലം കൂട്ടായ്മയുടെ കീഴിൽ സ്മൃതിമധുരം 88 എന്ന പേരിലാണ് സ്‌നേഹ കൂട്ടായ്മ സംഘടിപ്പിച്ചത് . പൂർവാധ്യാപകരെ ആദരിക്കുകയുംമൺമറഞ്ഞ അധ്യാപകർക്കും സഹപാഠികൾക്കും ശ്രദ്ധാഞ്ജലി അർപ്പിക്കുകയും ചെയ്തു. സ്‌കൂൾ മാനേജർ ഫാദർ മാത്യു തെക്കേമുറി ഉദ്ഘാടനം ചെയ്തു. റോജി ജോർജ് അധ്യക്ഷനായി. പ്രഥമാധ്യാപകൻ സണ്ണി .കെ. സെബാസ്റ്റ്യൻ പൂർവ അധ്യാപകരെ ആദരിച്ചു.

സെക്രട്ടറി സി. ജയചന്ദ്രബോസ്, സന്തോഷ് കുമാർ, ലിജി രാജേഷ്, ദീപ സേവ്യർ, ബിജു മാത്യു, ഹംസ കീഴ്പ്പട , ജോസ് മാത്യു,പൂർവ അധ്യാപകരായ ജോർജ് മാത്യു, വി .ഡി .ജോസഫ്, പി.വി.നാരായണൻ എന്നിവർ സംസാരിച്ചു.

മദ്യ നിരോധന സമിതി ഇരിട്ടി താലൂക്ക് കമ്മിറ്റി പേരാവൂരിൽ നടത്തിയജന ജാഗ്രത സദസ് സുജിത്ത് പേരാവൂർഉദ്ഘാടനം ചെയ്യുന്നു

പേരാവൂർ: വർധിച്ചുവരുന്ന ലഹരി ഉപയോഗത്തിനെതിരെമദ്യ നിരോധന സമിതി ഇരിട്ടി താലൂക്ക് കമ്മിറ്റി പേരാവൂരിൽ ജന ജാഗ്രത സദസ് നടത്തി. സുജിത്ത് പേരാവൂർഉദ്ഘാടനം ചെയ്തു. ഇരിട്ടി താലൂക്ക് പ്രസിഡന്റ് ജോസഫ്നിരപ്പേൽഅധ്യക്ഷനായി.ജില്ലാ സെക്രട്ടറി തോമസ് വരകുകാലായിൽ മുഖ്യപ്രഭാഷണം നടത്തി. ടി.കെ. മുഹമ്മദ്, പി.ജെ .ബാവച്ചൻ എന്നിവർ സംസാരിച്ചു.

മണത്തണ ജി.എച്ച്.എസ്.എസ് വാർഷികവും യാത്രയയപ്പ് സമ്മേളനവും ജില്ലാ പഞ്ചായത്ത് പ്രസിഡന്റ് കെ. കെ. രത്‌നകുമാരി ഉദ്ഘാടനം ചെയ്യുന്നു

പേരാവൂർ: മണത്തണ ജി.എച്ച്.എസ്.എസ് വാർഷികവും യാത്രയയപ്പ് സമ്മേളനവും നടന്നു. ജില്ലാ പഞ്ചായത്ത് പ്രസിഡന്റ് കെ. കെ. രത്‌നകുമാരി ഉദ്ഘാടനം ചെയ്തു. പേരാവൂർ ബ്ലോക്ക് പഞ്ചായത്ത് പ്രസിഡന്റ് കെ. സുധാകരൻ അധ്യക്ഷനായി. സാഹിത്യകാരി അമൃത കേളകം മുഖ്യാതിഥിയായി.

വിരമിക്കുന്ന അധ്യാപകൻ ജോഷി തോമസിനെ പഞ്ചായത്ത് പ്രസിഡന്റ് പി. പി. വേണുഗോപാലൻ ഉപഹാരം നൽകി ആദരിച്ചു.കല, ശാസ്ത്ര, കായിക മേഖലകളിൽ ഉന്നത വിജയം നേടിയ നാനൂറോളം കുട്ടികൾക്കുള്ള അനുമോദനം , മുൻ അധ്യാപകരായ ടി. എൻ രാജു, ഡെയ്‌സി. ആർ. ഫെർണാണ്ടസ് എന്നിവർ ഏർപ്പെടുത്തിയ എൻഡോവ്‌മെന്റുകളുടെ വിതരണം എന്നിവ നടന്നു.

പഞ്ചായത്തംഗങ്ങളായ ബേബി സോജ, യു. വി. അനിൽകുമാർ, പ്രിൻസിപ്പാൾ വി. ബി. രാജലക്ഷ്മി, പ്രഥമാധ്യാപകൻ കെ. വി. സജി, ടി. എം. തുളസീധരൻ, സി. വി. അമർനാഥ്, എം.രാധിക , പി.ഷജോദ് , കെ.എം.വിൻസെന്റ് എന്നിവർ സംസാരിച്ചു.