പേരാവൂർ: വ്യാപാരി വ്യവസായി സമിതിയുടെ വ്യാപാര സംരക്ഷണ സന്ദേശ സംസ്ഥാന ജാഥയുടെ ഭാഗമായി പേരാവൂർ ടൗണിൽ വിളംബര ജാഥ നടത്തി. ഏരിയ സെക്രട്ടറി എം.കെ.അനിൽകുമാർ ഉദ്ഘാടനം ചെയ്തു. ഏരിയ പ്രസിഡന്റ് അഷറഫ് ചെവിടിക്കുന്ന് അധ്യക്ഷനായി. യൂണിറ്റ് പ്രസിഡന്റ് ഷബി നന്ത്യത്ത്, സെക്രട്ടറി ഷൈജിത്ത് കോട്ടായി, ബ്യൂട്ടിപാർലർ അസോസിയേഷൻ ജില്ലാ സെക്രട്ടറി എം. ബിന്ദു, പി.ജി.പവിത്രൻ , പി.വി .ശ്രീധരൻ, കെ.പി. അബ്ദുൾ റഷീദ്,എം. കെ. ബാബു, റീജ പ്രദീപൻ എന്നിവർ നേതൃത്വം നല്കി.

മണത്തണ ജി.എച്ച്.എസ്.എസ് വാർഷികവും യാത്രയയപ്പ് സമ്മേളനവും ജില്ലാ പഞ്ചായത്ത് പ്രസിഡന്റ് കെ. കെ. രത്‌നകുമാരി ഉദ്ഘാടനം ചെയ്യുന്നു

പേരാവൂർ: മണത്തണ ജി.എച്ച്.എസ്.എസ് വാർഷികവും യാത്രയയപ്പ് സമ്മേളനവും നടന്നു. ജില്ലാ പഞ്ചായത്ത് പ്രസിഡന്റ് കെ. കെ. രത്‌നകുമാരി ഉദ്ഘാടനം ചെയ്തു. പേരാവൂർ ബ്ലോക്ക് പഞ്ചായത്ത് പ്രസിഡന്റ് കെ. സുധാകരൻ അധ്യക്ഷനായി. സാഹിത്യകാരി അമൃത കേളകം മുഖ്യാതിഥിയായി.

വിരമിക്കുന്ന അധ്യാപകൻ ജോഷി തോമസിനെ പഞ്ചായത്ത് പ്രസിഡന്റ് പി. പി. വേണുഗോപാലൻ ഉപഹാരം നൽകി ആദരിച്ചു.കല, ശാസ്ത്ര, കായിക മേഖലകളിൽ ഉന്നത വിജയം നേടിയ നാനൂറോളം കുട്ടികൾക്കുള്ള അനുമോദനം , മുൻ അധ്യാപകരായ ടി. എൻ രാജു, ഡെയ്‌സി. ആർ. ഫെർണാണ്ടസ് എന്നിവർ ഏർപ്പെടുത്തിയ എൻഡോവ്‌മെന്റുകളുടെ വിതരണം എന്നിവ നടന്നു.

പഞ്ചായത്തംഗങ്ങളായ ബേബി സോജ, യു. വി. അനിൽകുമാർ, പ്രിൻസിപ്പാൾ വി. ബി. രാജലക്ഷ്മി, പ്രഥമാധ്യാപകൻ കെ. വി. സജി, ടി. എം. തുളസീധരൻ, സി. വി. അമർനാഥ്, എം.രാധിക , പി.ഷജോദ് , കെ.എം.വിൻസെന്റ് എന്നിവർ സംസാരിച്ചു.

മണത്തണ: അത്തിക്കണ്ടം ഭഗവതി ക്ഷേത്രത്തിൽ പ്രതിഷ്ഠാദിനാഘോഷവും പൊങ്കാല സമർപ്പണവും ജനുവരി 20 രാവിലെ 9 മണി മുതൽ നടക്കും. വൈകിട്ട് ആറുമണിക്ക് ദീപരാധനയോടു കൂടി സമാപിക്കും. പൊങ്കാല സമർപ്പണത്തിന് പങ്കെടുക്കുന്ന സ്ത്രീകൾ വെള്ളിയാഴ്ചക്ക് (17/01/25)മുൻപായി ബുക്ക് ചെയ്യണമെന്ന് ക്ഷേത്ര ഭാരവാഹികൾ അറിയിച്ചു. ഏഴ് ദിവസത്തെ വ്രതമനുഷ്ഠിച്ചാണ് ജീവിതത്തിലെ കഷ്ടതകൾ നീങ്ങാൻ പൊങ്കാല സമർപ്പണത്തിന് സ്ത്രീകൾ തയ്യാറെടുക്കുന്നത്.