Kerala
പ്രതിമാസം 40,000 രൂപ വരെ സ്‌റ്റൈപ്പെന്‍ഡ്; വനിതകൾക്ക് വൈസ്-കിരൺ ഇന്റേൺഷിപ്പ്
കേന്ദ്ര ശാസ്ത്ര സാങ്കേതികവകുപ്പിന്റെ വിമണ്‍ ഇന്‍ സയന്‍സ് ആന്‍ഡ് എന്‍ജിനിയറിങ് (ഡബ്ല്യു.ഐ.എസ്.ഇ.) നോളജ് ഇന്‍വോള്‍വ്‌മെന്റ് ഇന്‍ റിസര്‍ച്ച് അഡ്വാന്‍സ്‌മെന്റ് ത്രൂ നര്‍ച്ചറിങ് (കെ.ഐ.ആര്‍.ഐ.എന്‍.)വൈസ് കിരണ്‍ഡിവിഷന്‍; ഇന്റലക്ച്വല്‍ പ്രോപ്പര്‍ട്ടി റൈറ്റ്‌സ് (ഐ.പി.ആര്‍.) ഇന്റേണ്‍ഷിപ്പ് പദ്ധതിയിലേക്ക് വനിതകള്‍ക്ക് അപേക്ഷിക്കാം. വകുപ്പിന്റെ പഴയ വിമണ്‍ സയന്റിസ്റ്റ് സി പദ്ധതിയുടെ പുതിയ രൂപമാണ് വൈസ് ഇന്റേണ്‍ഷിപ്പ്.യോഗ്യത: സയന്‍സ്/എന്‍ജിനിയറിങ്/മെഡിസിന്‍/അനുബന്ധമേഖലകളില്‍ നിശ്ചിതയോഗ്യത വേണം. അനുവദനീയമായ യോഗ്യതകളില്‍, ബേസിക്/അപ്ലൈഡ് സയന്‍സസില്‍ എം.എസ് സി./ബി.ടെക്./എം.ബി.ബി.എസ്./എം.ഫില്‍./എം.ടെക്./എം.ഫാര്‍മ./എം.വി.എസ്‌സി./അല്ലെങ്കില്‍ ബേസിക്/അപ്ലൈഡ് സയന്‍സസില്‍ പിഎച്ച്.ഡി./തത്തുല്യയോഗ്യത തുടങ്ങിയവ ഉള്‍പ്പെടും. കംപ്യൂട്ടറൈസ്ഡ് ഡേറ്റാബേസ് കൈകാര്യംചെയ്യല്‍, കളക്ഷന്‍, കൊളേഷന്‍, അനാലിസിസ്, റിപ്പോര്‍ട്ട് പ്രിപ്പറേഷന്‍ തുടങ്ങിയവയിലെ മികവ്, റിസര്‍ച്ച്, പ്രോജക്ട് റിപ്പോര്‍ട്ട് തയ്യാറാക്കല്‍ തുടങ്ങിയവയിലെ പരിചയം, ഐ.പി.ആര്‍. സംബന്ധിച്ച അടിസ്ഥാന അറിവ്, മുതലായവ അഭികാമ്യമാണ്.
*പെര്‍മനന്റ്/റഗുലര്‍ ജോലിയുള്ള വനിതകള്‍ക്ക് അപേക്ഷിക്കാന്‍ അര്‍ഹതയില്ല.
*വനിതാശാസ്ത്രജ്ഞരെയാണ് പദ്ധതിയിലേക്ക് പരിഗണിക്കുന്നത്.
*പ്രായം 1.12.2024ന്, 25നും 45നും ഇടയ്ക്കായിരിക്കണം.
സ്‌റ്റൈപ്പെന്‍ഡ്: തിരഞ്ഞെടുക്കപ്പെടുന്നവര്‍ക്ക്, അവരുടെ യോഗ്യതയ്ക്കനുസരിച്ച് പ്രതിമാസ സ്‌റ്റൈപ്പെന്‍ഡ് അനുവദിക്കും.ബേസിക്/അപ്ലൈഡ് സയന്‍സസില്‍ എം.എസ്‌സി., ബി.ടെക്./എം.ബി.ബി.എസ്./തത്തുല്യ ബിരുദം ഉള്ളവര്‍ക്ക് 30,000 രൂപയും എം.ഫില്‍./എം.ടെക്./എം.ഫാര്‍മ./എം.വി.എസ്‌സി./തത്തുല്യ ബിരുദമുള്ളവര്‍ക്ക് 35,000 രൂപയും ബേസിക്/അപ്ലൈഡ് സയന്‍സസില്‍ പിഎച്ച്.ഡി./തത്തുല്യബിരുദം ഉള്ളവര്‍ക്ക് 40,000 രൂപയും പ്രതിമാസം ലഭിക്കും.
തിരഞ്ഞെടുപ്പ്: അഖിലേന്ത്യാതലത്തില്‍ നടത്തുന്ന ഓണ്‍ലൈന്‍ പരീക്ഷ, ഇന്റര്‍വ്യൂ എന്നിവ അടിസ്ഥാനമാക്കിയാകും തിരഞ്ഞെടുപ്പ്. ഷോര്‍ട്ട് ലിസ്റ്റ് ചെയ്യപ്പെടുന്ന അപേക്ഷകരെ ഓണ്‍ലൈന്‍ ടെസ്റ്റിനു വിളിക്കും. അനലറ്റിക്, സയന്റിഫിക്, ടെക്‌നിക്കല്‍ അഭിരുചികള്‍ വിലയിരുത്തുന്ന രണ്ടുമണിക്കൂര്‍ ദൈര്‍ഘ്യമുള്ള പരീക്ഷയില്‍, 120 മള്‍ട്ടിപ്പിള്‍ ചോയ്‌സ് ചോദ്യങ്ങള്‍ ഉണ്ടാകും. സെക്ഷന്‍ എ. ജനറല്‍ സെക്ഷനും സെക്ഷന്‍ ബി. ടെക്‌നിക്കല്‍ സബ്ജക്ട് സെക്ഷനുമായിരിക്കും.സെക്ഷന്‍ എ.യില്‍ ജനറല്‍ ആപ്റ്റിറ്റിയൂഡ്, ക്വാണ്ടിറ്റേറ്റീവ് ആപ്റ്റിറ്റിയൂഡ്, മെന്റല്‍ എബിലിറ്റി, ജനറല്‍ സയന്‍സ് ആന്‍ഡ് ജനറല്‍ അവേര്‍നസ്, ഐ.പി.ആര്‍., ഇംഗ്ലീഷ് ഭാഷ എന്നിവയിലെ ചോദ്യങ്ങള്‍ പ്രതീക്ഷിക്കാം. സെക്ഷന്‍ ബി.യില്‍ ഏഴ് വ്യത്യസ്ത ടെക്‌നിക്കല്‍ സബ്ജക്ട് ഡൊമൈനുകളിലെ ചോദ്യങ്ങള്‍ ഉണ്ടാകും. തിരഞ്ഞെടുത്ത വിഷയത്തിനനുസരിച്ച് ഇവയില്‍ ഒന്നിലെ ചോദ്യങ്ങള്‍ക്ക് ഉത്തരം നല്‍കണം. ശരിയുത്തരത്തിന് ഒരുമാര്‍ക്ക് വീതം കിട്ടും. ഉത്തരം തെറ്റിയാല്‍ 0.25 മാര്‍ക്ക് വീതം നഷ്ടപ്പെടും.ഓണ്‍ലൈന്‍ അപേക്ഷയ്ക്കും കൂടുതല്‍ വിവരങ്ങള്‍ക്കും: www.tifac.org.in അപേക്ഷ ജനുവരി 15 വരെ നല്‍കാം.
കോഴിക്കോട്: മലാപ്പറമ്പിൽ പെൺവാണിഭ കേന്ദ്രത്തിൽ പോലീസ് റെയിഡ്. ആറ് സ്ത്രീകളും മൂന്ന് പുരുഷൻമാരും ഉൾപ്പടെ ഒൻപത് പേർ അറസ്റ്റിൽ.കേന്ദ്രത്തിന്റെ നടത്തിപ്പുകാരുൾപ്പടെയാണ് അറസ്റ്റിലായത്. മലാപ്പറമ്പ് ഇയ്യപ്പാടി റോഡിലെ അപ്പാർട്ട്മെന്റിൽ നടക്കാവ് പോലീസാണ് റെയിഡ് നടത്തിയത്. ഇവിടം കേന്ദ്രീകരിച്ച് പെൺവാണിഭ സംഘം പ്രവർത്തിക്കുന്നു എന്ന വിവരത്തിന്റെ അടിസ്ഥാനത്തിലാണ് റെയ്ഡ് നടത്തിയത്.
രണ്ട് വർഷം മുമ്പ് ഫുട്ബാൾ ടീം ഫിസിയോതെറാപ്പിസ്റ്റ് എന്ന് പറഞ്ഞ് പരിചയപ്പെടുത്തിയ ബാലുശ്ശേരി സ്വദേശിക്കാണ് ഈ അപ്പാർട്ട്മെന്റ് വാടകയ്ക്ക് നൽകിയത്. അതിന് ശേഷം ഇവിടെ എന്ത് സംഭവിച്ചു എന്ന് അറിയില്ല എന്നാണ് അപ്പാർട്ട്മെന്റ് ഉടമകളിൽ ഒരാൾ പറയുന്നത്. അയൽവാസികൾ നേരത്തെ പരാതി പറഞ്ഞപ്പോൾ വന്ന് നോക്കിയിരുന്നു എന്നും അന്ന് സമീപത്തെ സ്വകാര്യ ആശുപത്രിയിൽ ഡയാലിസിസിന് എത്തുന്നവരാണ് താമസിക്കുന്നതെന്നാണ് നടത്തിപ്പുകാർ അറിയിച്ചിരുന്നത് എന്നാണ് ഉടമകളിൽ ഒരാൾ പറയുന്നത്. നാല് പേരുടെ ഉടമസ്ഥതയിലുള്ള ഫ്ലാറ്റിലാണ് സംഘം പ്രവർത്തിച്ചിരുന്നത്.
ഹരിപ്പാട്: ഡിജി ലോക്കറിൽ എസ്എസ്എൽസി സർട്ടിഫിക്കറ്റ് ലഭ്യമാകാത്തത് പ്ലസ്‌വൺ പ്രവേശനത്തെ ബാധിക്കാതിരിക്കാൻ ജാതി, താമസസ്ഥലം തുടങ്ങിയവ തെളിയിക്കാൻ മറ്റു രേഖകൾ പരിഗണിക്കും. സ്ഥിരതാമസരേഖയായി റേഷൻകാർഡ് പരിഗണിക്കും.
വിദ്യാർഥി താമസിക്കുന്നിടത്തെ തദ്ദേശസ്ഥാപനം, താലൂക്ക് തുടങ്ങിയ വിഭാഗങ്ങളിലെ ബോണസ് പോയിന്റ് അനുവദിക്കുന്നതിനുള്ള രേഖയായും എസ്എസ്എൽസി സർട്ടിഫിക്കറ്റിലെ വിലാസം സ്വീകരിക്കുമായിരുന്നു. മുൻവർഷങ്ങളിൽ പ്ലസ്‌വൺ പ്രവേശനത്തിനു മുൻപ് എസ്എസ്എൽസി സർട്ടിഫിക്കറ്റ് ഡിജി ലോക്കറിൽ കിട്ടിയിരുന്നു. ഇത്തവണ അതുണ്ടാകാഞ്ഞതാണ് ബുദ്ധിമുട്ടായത്.
വെള്ളരിക്കുണ്ട് (കാസര്‍കോട്): നാലാം ക്ലാസിലുണ്ടായ ഒരു അടി, അതിന് പ്രതികാരം അറുപത്തിരണ്ടാം വയസ്സില്‍. സിനിമാക്കഥയല്ലിത്, മാലോത്തെ ബാലകൃഷ്ണനാണ് ബാല്യകാലത്തെ പിണക്കത്തിന് പ്രതികാരംചെയ്ത് കേസില്‍ കുടുങ്ങിയത്.
മാലോം ടൗണിനടുത്ത് താമസിക്കുന്ന വെട്ടിക്കൊമ്പില്‍ വി.ജെ. ബാബുവാണ് പരാതിക്കാരന്‍. ബാലകൃഷ്ണന്‍, സുഹൃത്ത് മാത്യു വലിയപ്ലാക്കല്‍ എന്നിവരുടെപേരിലാണ് കേസ്. ബാലകൃഷ്ണന്‍ ഷര്‍ട്ടിന്റെ കോളറില്‍ പിടിച്ചുനിര്‍ത്തുകയും മാത്യു കല്ലുകൊണ്ട് കവിളിലും പുറത്തും ഇടിക്കുകയുമായിരുന്നെന്നാണ് പ്രഥമവിവര റിപ്പോര്‍ട്ട്. നാലാംതരത്തില്‍ ബാബുവും ബാലകൃഷ്ണനും ഒരേ ക്ലാസിലായിരുന്നു. ഇടയ്ക്ക് വഴക്കിടുകയും അടിപിടി കൂടുകയും ചെയ്തിരുന്നതായി ബാലകൃഷ്ണന്‍ വെള്ളരിക്കുണ്ട് പോലീസിന് നല്‍കിയ മൊഴിയില്‍ പറയുന്നു.
അന്ന് ബാബു തന്നെ മര്‍ദിച്ചതിലുള്ള വിരോധമാണ് ഇപ്പോള്‍ അടിപിടിയിലേക്ക് നയിച്ചതെന്നും ബാലകൃഷ്ണന്റെ മൊഴിയിലുണ്ട്. ജൂണ്‍ രണ്ടിന് ഒരുമണിക്ക് മാലോത്ത് ടൗണില്‍ ഹോട്ടലിനുമുന്നിലായിരുന്നു സംഭവം. പഴയ പിണക്കത്തിന്റെപേരില്‍ ഇരുവരും തമ്മില്‍ മുന്‍പും വാക്കേറ്റമുണ്ടായതായി പറയുന്നു.
-
Local News2 years agoപേരാവൂർ സ്വദേശിനിയായ അധ്യാപിക തീപ്പൊള്ളലേറ്റ് മരിച്ച നിലയിൽ
-
Breaking News2 years ago
ലാപ്ടോപ്പിൽ 80 സ്ത്രീകളുടെ അശ്ലീല ദൃശ്യങ്ങൾ; വയനാട്ടിൽ നിന്ന് മടങ്ങും വഴി പള്ളി വികാരി പിടിയിൽ,
-
PERAVOOR2 years ago
പേരാവൂർ സ്വദേശിനിയായ യുവതി സെർബിയയിൽ അന്തരിച്ചു
-
KOLAYAD2 years ago
കോളയാട് മേനച്ചോടിയിൽ അമ്മയ്ക്കും രണ്ട് മക്കൾക്കും വെട്ടേറ്റ് ഗുരുതര പരിക്ക്
-
Kannur2 years ago
പേരാവൂരിലെ ട്രസ്റ്റിന്റെ ഫാമിൽ വൻ വ്യാജവാറ്റ്; 1200 ലിറ്റർ വാഷും 40 ലിറ്റർ ചാരായവും പിടികൂടി
-
Kannur2 years ago
വിദ്യാർത്ഥികളെ പ്രകൃതി വിരുദ്ധ പീഡനത്തിനിരയാക്കിയ മദ്രസ അധ്യാപകനെതിരെ കണ്ണവം പോലീസ് കേസെടുത്തു
-
Breaking News1 year ago
പേരാവൂരിൽ ഭാര്യയെ ഭർത്താവ് വെട്ടിക്കൊന്നു
-
Breaking News2 years ago
പേരാവൂര് കുനിത്തലയില് പടക്കവില്പന ശാലക്ക് സമീപത്തെ സംഘര്ഷം;നാലു പേര്ക്കെതിരെ കേസ്
