കേ​ള​കം: ബ്ര​ഹ്‌​മ​ഗി​രി​യു​ടെ താ​ഴ്വാ​ര​ത്തി​ൽ ദേ​ശാ​ട​ന​ത്തി​നൊ​രു​ങ്ങി​യ ആ​ൽ​ബ​ട്രോ​സ് ശ​ല​ഭ​ങ്ങ​ൾ ക​ണ്ണി​നും മ​ന​സ്സി​നും കു​ളി​രേ​കി മേ​ഖ​ല​യി​ൽ ശ​ല​ഭ വ​സ​ന്തം തീ​ർ​ക്കു​ക​യാ​ണ്. കേ​ര​ള – ക​ർ​ണാ​ട​ക അ​തി​ർ​ത്തി​യി​ലും, ആ​റ​ളം വ​നാ​തി​ർ​ത്തി​യി​ലെ ചീ​ങ്ക​ണ്ണി​പ്പു​ഴ​യു​ടെ ക​ര​ക​ളി​ലു​മാ​ണ് ആ​ൽ​ബ​ട്രോ​സ് ശ​ല​ഭ​ക്കൂ​ട്ട​ങ്ങ​ൾ കൗ​തു​ക​ക്കാ​ഴ്ചയാ​വു​ന്ന​ത്.

ശൈ​ത്യ​കാ​ല​ത്ത്‌ പ​തി​വ്‌ തെ​റ്റി​ക്കാ​തെ ആ​ൽ​ബ​ട്രോ​സ്‌ ഇ​നം പൂ​മ്പാ​റ്റ​ക​ളു​ടെ ദേ​ശാ​ട​ന​ത്തി​നും തു​ട​ക്ക​മാ​യി. മ​ഴ നി​ല​ച്ച​തോ​ടെ പ​ശ്ചി​മ​ഘ​ട്ടം​ താ​ണ്ടി​യെ​ത്തി​യ​ത്‌ ആ​യി​ര​ക്ക​ണ​ക്കി​ന്‌ ശ​ല​ഭ​ങ്ങ​ളാ​ണ്. പു​ഴ​യോ​ര​ങ്ങ​ളി​ൽ കൂ​ട്ട​ത്തോ​ടെ​യി​റ​ങ്ങി പോ​ഷ​ക​ങ്ങ​ൾ വ​ലി​ച്ചെ​ടു​ക്കു​ന്ന ച​ളി​യൂ​റ്റ​ൽ (Mud Puddling) പ്ര​ക്രി​യ ന​ട​ത്തി​യാ​ണ്‌ പൂ​മ്പാ​റ്റ​ക​ൾ അ​ടു​ത്ത സ്ഥ​ല​ങ്ങ​ളി​ലേ​ക്ക്‌ യാ​ത്ര​യാ​കു​ന്ന​ത്‌.

ന​ന​ഞ്ഞ മ​ണ്ണി​ൽ​നി​ന്ന്‌ ഉ​പ്പും അ​മി​നോ ആ​സി​ഡു​മാ​ണ്‌ ശേ​ഖ​രി​ക്കു​ക. ചി​ല​യി​നം പൂ​മ്പാ​റ്റ​ക​ളി​ലെ ആ​ൺ ശ​ല​ഭ​ങ്ങ​ളാ​ണ് സാ​ധാ​ര​ണ ച​ളി​യൂ​റ്റ​ലി​ൽ ധാ​രാ​ള​മാ​യി കേ​ന്ദ്രീ​ക​രി​ക്കു​ന്ന​തെ​ന്ന്‌ ശ​ല​ഭ നി​രീ​ക്ഷ​ക​ർ ക​ണ്ടെ​ത്തി​യി​ട്ടു​ണ്ട്‌. ആ​ൽ​ബ​ട്രോ​സ്‌, അ​ര​ളി ശ​ല​ഭം, ക​ടു​വാ ശ​ല​ഭം എ​ന്നി​വ ച​ളി​യൂ​റ്റ​ൽ സ്വ​ഭാ​വം കാ​ണി​ക്കു​ന്ന​വ​യാ​ണ്‌.

ആ​റ​ളം വ​ന്യ​ജീ​വി സ​ങ്കേ​ത​ത്തി​ലെ ചീ​ങ്ക​ണ്ണി​പ്പു​ഴ​യോ​ര​ത്തെ വി​വി​ധ മ​ണ​ൽ​ത്തി​ട്ട​ക​ളാ​ണ്‌ ശ​ല​ഭ ദേ​ശാ​ട​ന​ത്തി​ന്റെ മു​ഖ്യ​കേ​ന്ദ്ര​ങ്ങ​ൾ. വ​രും ദി​വ​സ​ങ്ങ​ളി​ൽ കൂ​ടു​ത​ൽ ശ​ല​ഭ​ങ്ങ​ൾ ദേ​ശാ​ട​ന​ത്തി​നെ​ത്തു​ന്ന​തോ​ടെ ആ​റ​ളം, കൊ​ട്ടി​യൂ​ർ വ​ന്യ​ജീ​വി കേ​ന്ദ്ര​ങ്ങ​ളി​ൽ ഈ ​ദൃ​ശ്യം കാ​ണാ​നും പ​ക​ർ​ത്താ​നും സ​ഞ്ചാ​രി​ക​ളു​മെ​ത്തും. ആ​റ​ളം വ​ന്യ​ജീ​വി സ​ങ്കേ​ത​ത്തി​ൽ ക​ഴി​ഞ്ഞ 24 വ​ർ​ഷ​ങ്ങ​ളാ​യി ശ​ല​ഭ ദേ​ശാ​ട​ന പ​ഠ​ന ക്യാ​മ്പു​ക​ളും ന​ട​ക്കാ​റു​ണ്ട്.

കേളകം: നാല് വയസുള്ള കുട്ടിയെയും കൂട്ടി അപകടകരമാംവിധം കാറോടിച്ച 14-കാരന്റെ മാതാപിതാക്കൾക്കെതിരേ പോലീസ് കേസെടുത്തു. വാഹനത്തിന്റെ ആർ.സി. ഉടമയും കുട്ടിയുടെ പിതാവുമായ കേളകം പൊയ്യമല സ്വദേശി ഇ.കെ.ബേബി, വാഹനം കൊടുത്തുവിട്ട കുട്ടിയുടെ അമ്മ സി.ജെ.ക്ലാരമ്മ എന്നിവരുടെ പേരിലാണ് കേളകം പോലീസ് കേസെടുത്തത്.കുട്ടിയുടെ പ്രായവും സുരക്ഷിതത്വവും കണക്കിലെടു ക്കാതെ മനുഷ്യജീവന് അപകടം വരത്തക്കവിധം കാർ ഓടിക്കാൻ അനുവാദം നൽകിയതിനാണ് കേസ്.

വ്യാഴാഴ്ച രാത്രി 8.30-ന് കേളകം ടൗണിൽ വാഹനപരിശോധനക്കിടെ എസ്.ഐ. വി.വി. ശ്രീജേഷും സംഘവുമാണ് തിരക്കുള്ള ടൗണിലേക്ക് കാർ ഓടിച്ചെത്തിയ 14-കാരനെ പിടികൂടിയത്.തുടർന്ന് കാർ കസ്റ്റഡിയിലെടുക്കുകയും രക്ഷിതാവിനെ വിളിച്ചുവരുത്തി കുട്ടിയെ ഏൽപ്പിക്കുകയും ചെയ്തു. ബി.എൻ.എസ്. 125, എം.വി. ആക്ട് 180, 199 (എ) പ്രകാരമാണ് കേസെടുത്തത്.

എം.വിശ്വനാഥൻ

കോളയാട്: സി.പി.എം പേരാവൂർ ഏരിയാ സമ്മേളനത്തിന് പൊതുസമ്മേളന വേദിയായ കോളയാട്ടെ സീതാറാം യെച്ചൂരി നഗറിൽ
സംഘാടകസമിതി ചെയർമാൻ കെ. ടി. ജോസഫ് പതാകയുയർത്തി. വിവിധ സ്മൃതികുടീരങ്ങളിൽനിന്ന് പുറപ്പെട്ട കൊടിമര, പതാക, ദീപശിഖാ ജാഥകൾ താഴെ കോളയാടിൽ സംഗമിച്ച് അത്‌ലറ്റുകൾ, റെഡ് വളണ്ടിയർമാർ എന്നിവരുടെ അകമ്പടിയോടെ പൊതുസമ്മേളന നഗരിയിലെത്തിച്ചു. 22 അനുബന്ധ ദീപശിഖകളും താഴെ കോളയാട് സംഗമിച്ചു. ഏരിയ സെക്രട്ടറി എം.രാജൻ അധ്യക്ഷനായി.

കൊടിമര ജാഥ ജില്ലാ സെക്രട്ടറിയേറ്റംഗം പി .ഹരീന്ദ്രൻ ഉദ്ഘാടനം ചെയ്തു. ജാഥാ ലീഡർ പി .വി. പ്രഭാകരൻ ഏറ്റുവാങ്ങി. പതാകജാഥ സംസ്ഥാന കമ്മറ്റിയംഗം ഡോ. വി ശിവദാസൻ ഉദ്ഘാടനം ചെയ്തു. ജാഥാ ലീഡർ കെ.സുധാകരൻ ഏറ്റുവാങ്ങി. ദീപശിഖാ ജാഥകൾ ജില്ലാ കമ്മറ്റിയംഗം വി. ജി .പദ്മനാഭൻ ഉദ്ഘാടനം ചെയ്തു. ജിജി ജോയ് ഏറ്റുവാങ്ങി. ശനിയാഴ്ച പ്രതിനിധി സമ്മേളനം സംസ്ഥാന കമ്മിറ്റിയംഗം എൻ.ചന്ദ്രനും ഞായറാഴ്ച പൊതുസമ്മേളനം സംസ്ഥാന സെക്രട്ടറിയേറ്റംഗം പി.കെ.ബിജുവും ഉദ്ഘാടനം ചെയ്യും.