മലയോര ഹൈവേയിൽ വള്ളിത്തോട്-അമ്പായത്തോട് റോഡിൽ ഉൾപ്പെടുന്ന ആനപ്പന്തി ഗവ എൽ പി സ്‌കൂളിന്റെ സ്ഥലം റോഡ് വികസനത്തിനായി വിട്ടു നൽകണമെന്ന് മന്ത്രി ഒ ആർ കേളു സ്‌കൂൾ അധികൃതരോട് നിർദ്ദേശിച്ചു. മലയോര ഹൈവേ വികസനവുമായി ബന്ധപ്പെട്ട് കേരള റോഡ് ഫണ്ട് ബോർഡിന് ഭൂമി വിട്ടു നൽകുന്നതിന് സ്‌കൂൾ അധികൃതർ തടസ്സം നിൽക്കുകയാണെന്ന അങ്ങാടിക്കടവ് സ്വദേശി സി.ടി കുര്യന്റെ പരാതിയിലാണ് മന്ത്രിയുടെ നിർദ്ദേശം. പ്രവൃത്തി തുടങ്ങിയ വള്ളിത്തോട്-മണത്തണ ഹിൽ ഹൈവേയ്ക്ക് സ്‌കൂളിന്റ ഇടതുവശത്തുമുള്ള റോഡിനോട് ചേർന്ന് പഴയ മതിലിൽ നിന്നും ഒന്നര മീറ്ററും വലതുവശത്തുള്ള റോഡിനോട് ചേർന്ന് പഴയ മതിലിൽ നിന്നും 1.40 മീറ്ററും സ്ഥലം നൽകിയാൽ ആവശ്യമായ 12 മീറ്റർ വീതി ലഭിക്കുമെന്ന് അസിസ്റ്റൻറ് എൻജിനീയർ സ്ഥലം സന്ദർശിച്ച് റിപ്പോർട്ട് സമർപ്പിച്ചിരുന്നു. ഇരിട്ടി എഇഒ അദാലത്തിൽ ഹാജരായിരുന്നു.

ഇ​രി​ട്ടി: മ​നോ​ഹ​ര​മാ​യ ദൃ​ശ്യ വി​രു​ന്നൊ​രു​ക്കി വെ​ള്ള​ത്താ​ൽ ചു​റ്റ​പ്പെ​ട്ടു കി​ട​ക്കു​ന്ന അ​കം​തു​രു​ത്ത് ദ്വീ​പ് ടൂ​റി​സം മേ​ഖ​ല​യി​ലെ വി​ക​സ​ന​ത്തി​നാ​യി കാ​ത്തി​രി​ക്കു​ന്നു. മ​ല​യോ​ര​ത്തി​ന് ഭാ​വി പ്ര​തീ​ക്ഷ​യേ​കു​ന്ന പ​ഴ​ശ്ശി പ​ദ്ധ​തി പ്ര​ദേ​ശ​ത്തെ അ​കം​തു​രു​ത്ത് ദ്വീ​പി​ൽ വ​ലി​യ ടൂ​റി​സം സാ​ധ്യ​ത​ക​ളാ​ണു​ള്ള​ത്.പ​ഴ​ശ്ശി പ​ദ്ധ​തി​യു​ടെ ഷ​ട്ട​ർ അ​ട​ച്ചാ​ൽ നാ​ലു​ഭാ​ഗ​വും വെ​ള്ള​ത്താ​ൽ ചു​റ്റ​പ്പെ​ട്ട അ​കം​തു​രു​ത്ത് ദ്വീ​പ് പ്ര​കൃ​തി മ​നോ​ഹ​ര​മാ​ണ്. കൈ​യേ​റ്റം ഇ​ല്ലാ​ത്ത പ​ച്ച​തു​രു​ത്താ​യി ത​ല​യു​യ​ർ​ത്തി നി​ൽ​ക്കു​ന്ന ദ്വീ​പി​നെ പ്ര​യോ​ജ​ന​പ്പെ​ടു​ത്താ​നു​ള്ള ന​ട​പ​ടി​ക​ളും പ്ര​വ​ർ​ത്ത​ന​ങ്ങ​ളു​മാ​ണ് ഉ​ണ്ടാ​കേ​ണ്ട​ത്.

ഇ​രി​ട്ടി ന​ഗ​ര​ത്തി​ൽ ​നി​ന്ന് ര​ണ്ട് കി​ലോ​മീ​റ്റ​ർ അ​ക​ലെ വ​ള​പ​ട്ട​ണം പു​ഴ​യു​ടെ ഭാ​ഗ​മാ​യ ബാ​വ​ലി​പ്പു​ഴ​യി​ലാ​ണ് അ​കം​തു​രു​ത്ത് ദ്വീ​പ്. പ​ഴ​ശ്ശി ജ​ല​സേ​ച​ന​വ​കു​പ്പി​ന് കീ​ഴി​ൽ പ​ദ്ധ​തി​ക്കാ​യി അ​ക്വ​യ​ർ ചെ​യ്യ​പ്പെ​ട്ട 15 ഏ​ക്ക​റോ​ളം വ​രു​ന്ന ഭൂ​മി ജൈ​വ വൈ​വി​ധ്യ​ങ്ങ​ളാ​ൽ സ​മ്പു​ഷ്ട​മാ​ണ്.സ​സ്യ​സ​മ്പ​ത്തി​നൊ​പ്പം ദേ​ശാ​ട​ന​ക്കി​ളി​ക​ള​ട​ക്ക​മു​ള്ള പ​ക്ഷി വ​ർ​ഗ​ങ്ങ​ളു​ടെ​യും ആ​യി​ര​ക്ക​ണ​ക്കി​ന് വാ​വ​ലു​ക​ളു​ടെ​യും ആ​വാ​സ കേ​ന്ദ്രം കൂ​ടി​യാ​ണ് ഇ​വി​ടം. പ​ഴ​ശ്ശി പ​ദ്ധ​തി​യും പെ​രു​മ്പ​റ​മ്പ് ഇ​ക്കോ പാ​ർ​ക്കും പ​ടി​യൂ​ർ ഇ​ക്കോ ടൂ​റി​സം പ​ദ്ധ​തി​യും വ​ള്ള്യാ​ട്ടെ ന​ഗ​ര​വ​നം പ​ദ്ധ​തി​യും യാ​ഥാ​ർ​ഥ്യ​മാ​യ​തോ​ടെ അ​കം​തു​രു​ത്ത് ദ്വീ​പി​ന് വ​ലി​യ സാ​ധ്യ​ത​ക​ളാ​ണു​ള്ള​ത്.നൂ​റു​ക​ണ​ക്കി​ന് തെ​ങ്ങി​ൻ തോ​പ്പു​ക​ളു​ള്ള പ്ര​ദേ​ശം പ​ത്ത് വ​ർ​ഷം മു​മ്പു​വ​രെ പ​ഴ​ശ്ശി ജ​ല​സേ​ച​ന വി​ഭാ​ഗ​ത്തി​ന് ന​ല്ലൊ​രു വ​രു​മാ​ന മേ​ഖ​ല​കൂ​ടി​യാ​യി​രു​ന്നു. ആ​രും ശ്ര​ദ്ധി​ക്കാ​താ​യ​തോ​ടെ തെ​ങ്ങു​ക​ളെ​ല്ലാം ന​ശി​ച്ചു.

ന​ട​ക്കാ​തെ​പോ​യ പ​ദ്ധ​തി​ക​ൾ

പേ​രാ​വൂ​രി​ന്റെ ആ​ദ്യ എം.​എ​ൽ.​എ കെ.​പി. നൂ​റു​ദ്ദീ​ൻ വ​നം മ​ന്ത്രി​യാ​യി​രു​ന്ന​പ്പോ​ൾ ഇ​ക്കോ ടൂ​റി​സം പ​ദ്ധ​തി കൊ​ണ്ടു​വ​രു​ന്ന​തി​നാ​യി സ​ജീ​വ​മാ​യി പ്ര​വ​ർ​ത്ത​നം തു​ട​ങ്ങി​യി​രു​ന്നു. പി​ന്നീ​ട് കെ.​കെ. ശൈ​ല​ജ എം.​എ​ൽ.​എ ആ​യ​പ്പോ​ഴും പ​ദ്ധ​തി പ​രി​ഗ​ണ​ന​യി​ലു​ണ്ടാ​യി​രു​ന്നെ​ങ്കി​ലും ഫ​ലം ക​ണ്ടി​ല്ല.ദ്വീ​പി​നെ ടൂ​റി​സം ഭൂ​പ​ട​ത്തി​ൽ എ​ത്തി​ക്കു​ന്ന​തി​നു​ള്ള ന​ട​പ​ടി​ക​ൾ ഹ​രി​ത കേ​ര​ള മി​ഷ​ൻ ന​ട​ത്തി​യെ​ങ്കി​ലും പ​ച്ച​തൊ​ട്ടി​ട്ടി​ല്ല. പ​ച്ച​പ്പും കു​ളി​രും ന​ഷ്ട​പ്പെ​ടാ​തെ ദ്വീ​പി​നെ പു​റം​ലോ​ക​ത്തി​ന് ത​ന​ത് രീ​തി​യി​ൽ പ​രി​ച​യ​പ്പെ​ടു​ത്തു​ന്ന പ​ദ്ധ​തി​യാ​ണു​ണ്ടാ​കേ​ണ്ട​ത്.ദ്വീ​പി​ന് ചു​റ്റു​മു​ള്ള പ​ച്ച​മു​ള​ക്കൂ​ട്ട​ങ്ങ​ളും കൂ​റ്റ​ൻ മ​ര​ങ്ങ​ളും അ​പൂ​ർ​വ​യി​നം സ​സ്യ​സ​മ്പ​ത്തും സം​ര​ക്ഷി​ച്ച് പ്ര​കൃ​തി​ക്ക് കോ​ട്ടം ത​ട്ടാ​ത്ത വി​ധ​ത്തി​ൽ ദ്വീ​പി​ലേ​ക്ക് ന​ട​പ്പാ​ല​വും ന​ട​വ​ഴി​യും ഒ​രു​ക്കി പ്ര​കൃ​തി നി​രീ​ക്ഷ​ക​ർ​ക്കും വി​ദ്യാ​ർ​ഥി​ക​ൾ​ക്കും പ​ഠ​ന​ത്തി​നും കാ​ഴ്ച​ക്കു​മു​ള്ള സാ​ധ്യ​ത​ക​ൾ പ്ര​യോ​ജ​ന​പ്പെ​ടു​ത്താ​നു​ള്ള പ​ദ്ധ​തി​ക​ളാ​ണ് ഉ​ണ്ടാ​കേ​ണ്ട​ത്.

ഇരിട്ടി:സർവീസിൽ നിന്ന്‌ വിരമിച്ചശേഷം തൂമ്പയുമായി നേരെ കൃഷിയിടത്തിലേക്കിറങ്ങിയ മൂന്ന്‌ സർക്കാർ ജീവനക്കാരുടെ വിയർപ്പുണ്ട്‌ ആറളം പൂതക്കുണ്ടിലെ മണ്ണിന്‌. പഞ്ചായത്ത്‌ സെക്രട്ടറി എം സുദേശൻ, കെ.എസ്‌.ആർ.ടി.സി കണ്ടക്ടർ നരിക്കോടൻ മുകുന്ദൻ, ഫയർ സ്‌റ്റേഷൻ ഓഫീസർ തോട്ടത്തിൽ മോഹനൻ എന്നിവരാണ്‌ വിരമിച്ചശേഷം കൃഷിയിൽ പുതിയ സർവീസ്‌ ചരിത്രമെഴുതുന്നത്‌. ഇരിട്ടി ചുമട്ടുതൊഴിലാളി യൂണിയൻ(സിഐടിയു) അംഗം കരുവാങ്കണ്ടി രാജീവൻ, കൊച്ചോത്ത്‌ ദാസൻ, മമ്മാലി രവി എന്നിവർ കൂടി ഉൾപ്പെട്ട കർഷകർ പൂതക്കുണ്ടിൽ പാട്ടത്തിനെടുത്ത രണ്ടര ഏക്കറിൽ പച്ചക്കറികൃഷി നടത്തി വിജയവഴിയിലാണ്‌.
കൊറോണ കാലത്ത്‌ മമ്മാലി രവിയും നരിക്കോടൻ മുകുന്ദനും തുടക്കമിട്ട കൃഷിയിലേക്ക്‌ സർവീസിൽ നിന്ന്‌ വിരമിച്ചയുടൻ സുദേശനും മോഹനനും ഒപ്പം ചേർന്നു. പ്രദേശത്തെ നാല്‌ കർഷകരെയും ചേർത്ത്‌ കൃഷി വിപുലപ്പെടുത്തി.കഴിഞ്ഞ കൊല്ലം അഞ്ച്‌ ലക്ഷം രൂപയുടെ പച്ചക്കറി വിറ്റു. അഞ്ച്‌ വർഷങ്ങൾക്ക്‌ മുമ്പാരംഭിച്ച പൂതക്കുണ്ട്‌ കൃഷിക്കൂട്ടായ്മ നാടിന്‌ കരുത്താണിന്ന്‌.
ചുമട്ടുതൊഴിലാളി രാജീവൻ ഇരിട്ടിയിൽനിന്നും ശേഖരിക്കുന്ന പുകയില കെട്ടുകയറാണ്‌ കൃഷിയിടത്തിലെ പടർത്തൽ പന്തൽ. കാരാപീരി, പാവൽ, വെള്ളരി, പയർ, ചീര, ഇളവൻ, മത്തൻ തുടങ്ങിയ ഇനങ്ങളാണ്‌ കൃഷി ചെയ്യുന്നത്‌. ഇത്തവണ കൃഷിയിടത്തിന് ചുറ്റും തണ്ണിമത്തനും പരീക്ഷിക്കുന്നു.റിട്ട. ജീവനക്കാരുടെ പച്ചക്കറി ഇനങ്ങൾക്ക്‌ വിപണിയിൽ നല്ല സ്വീകാര്യതയാണ്‌. പൂതക്കുണ്ട്‌, തോട്ടുകടവ്‌, ആറളം, എടൂർ, കാരാപറമ്പ്‌, പോസ്റ്റാഫീസ്‌ തുടങ്ങിയ സ്ഥലങ്ങളിലെ കടകളിലാണ്‌ വിൽപ്പന.ആറ്‌ പേരും വിളവെടുപ്പിന്‌ പുലർച്ചെ അഞ്ചിനെത്തും. കൃഷിപ്പണിയിലുമുണ്ട്‌ ഇതേ സമയനിഷ്ഠ. നിർദേശങ്ങളുമായി കൃഷി ഓഫീസർ റാംമോഹനും ഒപ്പമുണ്ട്‌.