പേരാവൂർ : ഇന്ത്യയിലാദ്യമായി കേരളത്തിൽ വയോജന കമ്മീഷന് രൂപം കൊടുത്ത കേരള സർക്കാരിന് അഭിവാദ്യമർപ്പിച്ച് സീനിയർ സിറ്റിസൺസ് ഫ്രണ്ട്സ് വെൽഫയർ അസോസിയേഷൻ പേരാവൂർ മേഖലാ കമ്മിറ്റി ടൗണിൽ ആഹ്ലാദപ്രകടനം നടത്തി . മേഖല പ്രസിഡന്റ് കെ. ശശീന്ദ്രൻ, സെക്രട്ടറി എം.ആർ. വിജയൻ, ജില്ലാ കമ്മിറ്റിയംഗം എം.ഷൈലജ, എൻ.ദാമോദരൻ, വി.വി.വത്സല, ബാബു ജോസഫ് എന്നിവർ നേതൃത്വം നൽകി.

പേരാവൂർ : എഴുത്തുകാരി ലഫ്. കേണൽ സോണിയ ചെറിയാന് കോളയാട് പഞ്ചായത്ത് ലൈബ്രറി കൗൺസിൽ നേതൃസമിതി സ്വീകരണം നല്കി. മുതിർന്ന മാധ്യമപ്രവർത്തകൻ കെ.ബാലകൃഷ്ണൻ ഉദ്ഘാടനം ചെയ്ത് സോണിയ ചെറിയാന് ഉപഹാരം കൈമാറി. കോളയാട് പഞ്ചായത്ത് പ്രസിഡന്റ് എം.റിജി അധ്യക്ഷയായി.കെ.വിനോദ് കുമാർ, കെ. ഇ. സുധീഷ് കുമാർ,ടി.ജയരാജൻ, റോയ് പൗലോസ്, സ്റ്റാൻലി ജോർജ്, കെ.പി. സുരേഷ് കുമാർ, കെ. ഷിജു, സോണിയ ചെറിയാൻ എന്നിവർ സംസാരിച്ചു.

പേരാവൂർ: കുനിത്തലയിൽ ഞായറാഴ്ച(08/12/24) രാവിലെ 10: 30 മുതൽ സൗജന്യ ജല പരിശോധന ക്യാമ്പ് നടത്തുന്നു. കുനിത്തല സ്വാശ്രയ സംഘം ഓഫീസിലാണ് ക്യാമ്പ്. ഹൈവിഷൻ ചാനൽ, കെ.എൻ.ആർ. ടെക്നോളജി ഇരിട്ടി, കുനിത്തല സ്വാശ്രയ സംഘം എന്നിവ സംയുക്തമായാണ് ക്യാമ്പ് സംഘടിപ്പിക്കുന്നത്. ജല പരിശോധനക്ക് വരുന്നവർ വൃത്തിയുളള മിനറൽ വാട്ടർ ബോട്ടിലിൽ (ഒരു ലിറ്റർ ) കിണറിൽ നിന്നും അന്നേ ദിവസം രാവിലെ എടുത്ത വെള്ളം കൊണ്ടുവരണം. ജല പരിശോധനക്കെത്തുന്നവരിൽ നിന്നും നറുക്കെടുപ്പിലൂടെ വിജയിക്കുന്നവർക്ക് വാട്ടർ പ്യൂരിഫൈകൾ സമ്മാനമായി ലഭിക്കും.

മാറുന്ന കാലാവസ്ഥയിൽ സംഭവിക്കുന്ന രോഗങ്ങളെ പ്രതിരോധിക്കാൻ ഒരു മുൻകരുതലായി കുടിവെള്ളം പരിശോധിക്കാനും ആവശ്യമായ ശുചീകരണ മാർഗ്ഗങ്ങൾ ഉപയോഗിക്കാനും ക്യാമ്പ് ഉപകാരപ്പെടും. ഫോൺ : 9961060103.