Kannur
അതിക്രമങ്ങളെ നേരിടാൻ പെൺകരുത്ത്‌
കണ്ണൂർ:ആക്രമണങ്ങളെ നേരിടാൻ വിദ്യാർഥിനികൾക്ക്‌ സ്വയംരക്ഷാ പ്രതിരോധ പരിശീലനം. അന്താരാഷ്ട്ര ബാലികാ ദിനാചാരണത്തിന്റെ ഭാഗമായി ജില്ലാ വനിതാ ശിശു വികസന ഓഫീസ്, ഡിസ്ട്രിക്ട് സങ്കൽപ്പ്‌ ഹബ്ബ് ഫോർ എംപവർമെന്റ് ഓഫ് വിമണും ആലക്കോട് എൻഎസ്എസ് എച്ച്‌എസ്‌എസിലെ വിദ്യാർഥിനികൾക്കാണ്‌ പരിശീലനംനൽകിയത്‌. ആലക്കോട് പഞ്ചായത്തംഗം ഖലീൽ റഹ്മാൻ ഉദ്ഘാടനംചെയ്തു . സ്റ്റാഫ് സെക്രട്ടറി കെ കെ മധു അധ്യക്ഷനായി. എഎസ്‌ഐമാരായ കെ പ്രീത, സിന്ധു മണി സിപിഒ മഹിത എന്നിവർ പരിശീലനത്തിന് നേതൃത്വംനൽകി. എൻഎസ്എസ് പ്രോഗ്രാ ഓഫീസർ കൃഷ്ണകുമാർ, ആഗ്രതി ഉണ്ണികൃഷ്ണൻ, ഡിസ്ട്രിക്ട് സങ്കൽപ്‌ ഹബ് ഫോർ എംപവർമെന്റ് ഓഫ് വുമൺ ജെൻഡർ സ്പെഷ്യലിസ്റ്റ് അരുൺ കെ തമ്പാൻ, വിദ്യാർഥി പ്രതിനിധികളായ സാധികാ സുധീഷ്, റിഫ്റ്റി മരിയ എന്നിവർ സംസാരിച്ചു.
എംസിസിയിൽ കരുതലുമായി മാലാഖമാർ
തലശേരി മലബാർ ക്യാൻസർ സെന്ററിൽ ചികിത്സതേടിയെത്തുന്ന രോഗികളെ കരുതലോടെ ചേർത്തുപിടിക്കുകയാണ്‌ ഈ വിദ്യാർഥികൾ. വിദൂര ദിക്കുകളിൽനിന്ന്‌ വേദനയോടെ എത്തുന്ന അശരണരായ രോഗികൾക്ക് ആശ്വാസം പകരാൻ ഇവർ ഏത്‌ നേരവും റെഡിയാണ്‌. തലശേരി കോ–-ഓപ്പറേറ്റീവ് ഇൻസ്റ്റിറ്റ്യൂട്ട് ഓഫ് ഹെൽത്ത് സയൻസസിലെ എൻഎസ്എസ് വളന്റിയർമാർ ഒരു വർഷമായി മലബാർ ക്യാൻസർ സെന്ററിൽ സന്നദ്ധസേവകരായുണ്ട്‌.
ജില്ലാ ക്യാൻസർ കൺട്രോൾ കൺസോർഷ്യം ഹെൽപ്പ് ഡെസ്‌കിന്റെ ഭാഗമായാണ് സേവനം. രോഗികൾക്ക് ആശുപത്രിയിലെ വിവിധ വിഭാഗങ്ങളിലേക്ക്‌ വഴികാട്ടുകയാണ്‌ പ്രധാന ദൗത്യം. വീൽചെയർ ആവശ്യമുള്ളവർക്കുമുന്നിലും ഇവരുടെ സ്‌നേഹ സാന്നിധ്യമെത്തും. കുഞ്ഞുങ്ങളാണെങ്കിൽ ഏത്‌ നേരവും വളന്റിയർമാർ ഒപ്പമുണ്ടാകും.
രോഗികളുടെ ഒ പി ഫോം, സൗജന്യ റെയിൽവേ യാത്ര ഫോം, സർക്കാരിന്റെ സഹായങ്ങൾ ലഭ്യമാക്കുന്ന അപേക്ഷ എന്നിവ പൂരിപ്പിക്കാനും സഹായിക്കും. ഒ പി ദിവസങ്ങളിൽ കുറഞ്ഞത്‌ മൂന്നു വളന്റിയർമാർ രാവിലെ എട്ടു മുതൽ വൈകിട്ട്‌ 3.30 വരെ ഹെൽപ്പ് ഡെസ്‌കിലുണ്ടാവും. ഭയത്തോടും പിരിമുറുക്കത്തോടെയും എംസിസിയിൽ എത്തുന്നവർക്ക് ആശ്വാസം പകരാൻ ഹെൽപ്പ് ഡെസ്കിലെ വളന്റിയർമാർക്ക് സാധിക്കുന്നു. 2023 ഒക്ടോബർ മുതൽ 2024 നവംബർ വരെ നൂറ്‌ പേർ ഹെൽപ്പ് ഡെസ്കിൽ സേവനമനുഷ്ഠിച്ചു.
പാലിയേറ്റീവ് കെയർ, സാമൂഹ്യസേവനം, ജീവകാരുണ്യ പ്രവർത്തനങ്ങൾ എന്നിവയെപ്പറ്റിയുള്ള വലിയ അറിവാണ്‌ ഈ സേവനത്തിലൂടെ ലഭിക്കുന്നതെന്ന്‌ വിദ്യാർഥികൾ പറയുന്നു. എംസിസിയിൽ എത്തുന്ന രോഗികൾക്ക് തുടർന്നും താങ്ങും തണലുമായി വളണ്ടിയർ ഉണ്ടാവുമെന്ന്‌ കോ–-ഓപ്പറേറ്റീവ് ഇൻസ്റ്റിറ്റ്യൂട്ട് ഓഫ് ഹെൽത്ത് സയൻസസ് എൻഎസ്എസ് പ്രോഗ്രാം ഓഫീസർ ഡോ. സി പി ബിനീഷ് പറഞ്ഞു.
നയിക്കാൻ സ്‌പെക്‌ട്രം
കണ്ണൂർ:കണ്ണൂർ സർവകലാശാല നാഷണൽ സർവീസ്‌ സ്‌കീം നേതൃപരിശീലന ക്യാമ്പ് ‘സ്‌പെക്‌ട്രം’ കാരക്കുണ്ട്‌ എംഎം നോളജ്‌ ആർട്‌സ്‌ ആൻഡ്‌ സയൻസ്‌ കോളേജിൽ നടന്നു. എൻഎസ്എസ് വളന്റിയർമാർക്കായി വെള്ളിയാഴ്‌ച തുടങ്ങിയ ക്യാമ്പിൽ പരിശീലകൻ ടി കെ നൗഷാദ്‌, സംസ്ഥാന റിസോഴ്‌സ്‌ പേഴ്‌സൺ ബ്രഹ്മനായകം മഹാദേവൻ, കണ്ണൂർ സർവകലാശാല എൻഎസ്എസ് പ്രോഗ്രാം കോ–-ഓഡിനേറ്റർ ഡോ. നഫീസ ബേബി എന്നിവർ ക്ലാസെടുത്തു. ക്യാമ്പംഗങ്ങൾ അനുഭവങ്ങൾ പങ്കുവച്ചു. ശനിയാഴ്‌ച ജെസി ഐ നാഷണൽ ട്രേയിനർ ജയപാലൻ, ഷാഫി പുൽപ്പാറ എന്നിവർ ക്ലാസെത്തു.എയ്‌ഡ്‌സ്‌ ദിനാചരണത്തിന്റെ ഭാഗമായി ദീപം തെളിച്ചാണ്‌ ക്യാമ്പ് സമാപിച്ചത്‌.
കണ്ണൂരിൽ കീപാഡ് ഫോൺ പൊട്ടിത്തെറിച്ച് 68കാരന് പൊള്ളലേറ്റു. കണ്ണൂർ ശ്രീകണ്ഠാപുരത്താണ് സംഭവം. കേരള ബാങ്കിന്റെ ശ്രീകണ്ഠപുരം ശാഖയിലെ കലക്‌ഷൻ ഏജന്റായ ചേപ്പറമ്പിലെ ചേരൻവീട്ടിൽ മധുസൂദനനാണ് പൊള്ളലേറ്റത്. ബാങ്ക് റോഡിലെ ചായക്കടയിൽ വച്ചാണു സംഭവം. കീ പാഡ് ഫോണാണ് പൊട്ടിത്തെറിച്ചത്. ചെറിയ തോതിൽ തീ പടർന്ന ശേഷം ഷർട്ട് കത്തുകയായിരുന്നു. ചായക്കടയിലുണ്ടായിരുന്നവർ ഉടനേ വെള്ളമൊഴിച്ചു തീ അണക്കുകയായിരുന്നു. പിന്നാലെ 68കാരൻ കൂട്ടുമുഖം സിഎച്ച്സിയിൽ ചികിത്സ തേടുകയായിരുന്നു. പൊള്ളൽ ഗുരുതരമല്ലെന്നാണ് വിവരം. എന്നാൽ ഷർട്ട് കത്തി നശിച്ചു.
കണ്ണൂർ:പുഷ്‌പോത്സവത്തിലെ പ്രധാന ആകർഷണമായി ഇരപിടിയൻ സസ്യങ്ങൾ. ഇരകളെ ആകർഷിച്ച് കെണിയിൽ വീഴ്‌ത്തി ആഹാരമാക്കുന്ന സഞ്ചിയോടുകൂടിയ ഇനങ്ങളാണ്‌ ഉള്ളത്‌ (കാർണിവോറസ്‌). അകത്തളങ്ങൾക്ക്‌ ഭംഗികൂട്ടാനുള്ള ഇൻഡോർ ഹാങ്ങിങ് പ്ലാന്റ്‌ അലങ്കാരച്ചെടികളിൽ താരം ഇരപിടിയനാണ്‌. ചൈനയിൽനിന്ന്‌ ഇറക്കുമതിചെയ്‌ത ഇനമാണ്‌ പുഷ്‌പോത്സവത്തിലെത്തിച്ചത്‌. പ്രാണികൾ, പല്ലി, ചെറിയ എലികൾ എന്നിവയെ കെണിയിൽ വീഴ്‌ത്തി ആഹാരമാക്കും. വളരാൻ വളം ഒട്ടും വേണ്ടെന്നതും വെള്ളം മതിയെന്നതും ഇവ അകത്തളങ്ങളെ പ്രിയങ്കരമാക്കുന്നു. സ്‌നേഹസംഗമം ഇന്ന്‌ വ്യത്യസ്‌തമേഖലകളിൽ കഴിവു തെളിയിച്ച ഭിന്നശേഷിക്കാരെ ശനി രാവിലെ 10ന്‌ പുഷ്‌പോത്സവ നഗരിയിൽ ആദരിക്കും. എം. വിജിൻ എം.എൽ.എ ഉദ്‌ഘാടനംചെയ്യും. പകൽ 2.30ന്‌ മുതിർന്നവർക്കുള്ള വെജിറ്റബിൾ കാർവിങ് മത്സരം. വൈകിട്ട്‌ നാലിന് പുഷ്‌പാലങ്കാര ക്ലാസ്‌. ആറിന്‌ നൃത്തസംഗീത സന്ധ്യ.
പഴയങ്ങാടി:കണ്ണൂർ കോട്ടയും തെയ്യവും കൈത്തറിയും പൂരക്കളിയും തുടങ്ങി കണ്ണൂരിന്റെ മുഖങ്ങളെല്ലാം ക്യാൻവാസിൽ പകർത്തി. പുഴയോരത്ത് കണ്ടൽക്കാടുകളെ നോക്കി ചിത്രകാരന്മാർ നിറം പകർന്നു. ഏഴിലം ടൂറിസവും വൺ ആർട് നേഷനുംചേർന്ന് നടത്തിയ ‘ഉപ്പട്ടി; കണ്ടൽക്കടവിലൊരു കൂട്’ ചിത്രകലാ ക്യാമ്പ് കാഴ്ചകളാൽ സമ്പന്നമായിരുന്നു. കേരളത്തിലെ വിവിധ ജില്ലകളിലെ ചിത്രകാരന്മാർ, ശിൽപ്പിയും ചിത്രകാരനുമായ കെ.കെ.ആർ വെങ്ങരയുടെ നേതൃത്വത്തിലാണ് ഒത്തുചേർന്നത്. കണ്ണൂരിന്റെ ടൂറിസം ഭൂപടത്തെ പകർത്തുക എന്നതായിരുന്നു 25 ചിത്രകാരന്മാരുടെ ദൗത്യം. ക്യാമ്പിൽ ഒരുങ്ങിയത് കലാകാരന്മാരുടെ അവിസ്മരണീയ സൃഷ്ടികളായിരുന്നു. വരച്ചചിത്രങ്ങൾ ഏഴിലം ടൂറിസത്തിന് കൈമാറിയാണ് അവർ മടങ്ങിയത്. കല്യാശേരി ബ്ലോക്ക് പഞ്ചായത്ത് പ്രസിഡന്റ് പി.പി ഷാജിർ ക്യാമ്പ് ഉദ്ഘാടനംചെയ്തു. ഏഴിലം ടൂറിസം ചെയർമാൻ അബ്ദുൾഖാദർ പനക്കാട് അധ്യക്ഷനായി. ബ്ലോക്ക് പഞ്ചായത്ത് വൈസ് പ്രസിഡന്റ് ഡി.വിമല, ഏഴിലം എം.ഡി.ഇ വേണു, ആർട്ടിസ്റ്റ് സി.പി വത്സൻ, ധനേഷ് മാമ്പ, ഏഴോം പഞ്ചായത്ത് പ്രസിഡന്റ് പി ഗോവിന്ദൻ, എം.കെ സുകുമാരൻ, എം.പി ഗോപിനാഥൻ, കെ. മനോഹരൻ എന്നിവർ സംസാരിച്ചു.
-
Local News2 years agoപേരാവൂർ സ്വദേശിനിയായ അധ്യാപിക തീപ്പൊള്ളലേറ്റ് മരിച്ച നിലയിൽ
-
Breaking News2 years ago
ലാപ്ടോപ്പിൽ 80 സ്ത്രീകളുടെ അശ്ലീല ദൃശ്യങ്ങൾ; വയനാട്ടിൽ നിന്ന് മടങ്ങും വഴി പള്ളി വികാരി പിടിയിൽ,
-
PERAVOOR2 years ago
പേരാവൂർ സ്വദേശിനിയായ യുവതി സെർബിയയിൽ അന്തരിച്ചു
-
KOLAYAD2 years ago
കോളയാട് മേനച്ചോടിയിൽ അമ്മയ്ക്കും രണ്ട് മക്കൾക്കും വെട്ടേറ്റ് ഗുരുതര പരിക്ക്
-
Kannur1 year ago
പേരാവൂരിലെ ട്രസ്റ്റിന്റെ ഫാമിൽ വൻ വ്യാജവാറ്റ്; 1200 ലിറ്റർ വാഷും 40 ലിറ്റർ ചാരായവും പിടികൂടി
-
Kannur2 years ago
വിദ്യാർത്ഥികളെ പ്രകൃതി വിരുദ്ധ പീഡനത്തിനിരയാക്കിയ മദ്രസ അധ്യാപകനെതിരെ കണ്ണവം പോലീസ് കേസെടുത്തു
-
Breaking News2 years ago
പേരാവൂര് കുനിത്തലയില് പടക്കവില്പന ശാലക്ക് സമീപത്തെ സംഘര്ഷം;നാലു പേര്ക്കെതിരെ കേസ്
-
Breaking News10 months ago
പേരാവൂരിൽ ഭാര്യയെ ഭർത്താവ് വെട്ടിക്കൊന്നു
