ഇരിട്ടി: ഹോട്ടലുകളിലടക്കം വള്ളിത്തോട് കുടുംബാരോഗ്യകേന്ദ്രം ആരോഗ്യ വിഭാഗത്തിന്റെ നേതൃത്വത്തിൽ പായം പഞ്ചായത്തിന്റെ അധീനതയിലുള്ള വിവിധ പ്രദേശങ്ങളിലെ ഹോട്ടലുകളിലും,ബേക്കറികളിലും, തട്ടുകടകളിലും, മത്സ്യ, ചിക്കൻ സ്റ്റാൾ ഉൾപ്പെടെയുള്ള വ്യാപാര സ്ഥാപനങ്ങളിലും വ്യാപക പരിശോധന നടത്തി. മഞ്ഞപ്പിത്ത രോഗത്തിനെതിരെ കണ്ണൂർ ജില്ലാ ആരോഗ്യവകുപ്പ് നടപ്പിലാക്കുന്ന തെളിച്ചം പ്രോഗ്രാമിന്റെ ഭാഗമായിട്ടായിരുന്നു പരിശോധന.ഇരിട്ടി പാലം, തന്തോട്, പുതുശ്ശേരി, വിളമന, എടൂർ പോസ്റ്റ് ഓഫീസ് എന്നിവടങ്ങളിൽ നടത്തിയ പരിശോധനയിൽ വൃത്തിഹീനമായ സാഹചര്യത്തിൽ പ്രവർത്തിക്കുകയും മലിനജലം പുറത്തേക്ക് ഒഴുക്കുകയും ചെയ്ത നാച്ചി ഫിഷ് സ്റ്റാൾ അടച്ചുപൂട്ടി. കുടിവെള്ളം സൂക്ഷിക്കുന്ന ഓവർ ഹെഡ് ടാങ്കുകൾ പരിശോധിച്ചു. വൃത്തിഹീനമായി പ്രവർത്തിക്കുകയും മാലിന്യങ്ങൾ അലക്ഷ്യമായി കൂട്ടിയിടുകയും, മാനദണ്ഡങ്ങൾ പാലിക്കാതെ പ്രവർത്തിച്ചതിനും, ബോർഡ് പ്രദർശിപ്പിക്കാത്തതുമായ അഞ്ച് സ്ഥാപനങ്ങൾക്ക് നോട്ടീസ് നൽകുകയും ഫൈൻ ഈടാക്കുകയും ചെയ്തു .

മഞ്ഞപ്പിത്തം ഉൾപ്പെടെയുള്ള ജലജന്യ രോഗങ്ങൾ വ്യാപകമായി കാണപ്പെടുന്നതിനാൽ അതീവ ജാഗ്രത പാലിക്കണമെന്ന് ആരോഗ്യ വകുപ്പ് അതികൃതർ പറഞ്ഞു. എല്ലാ ഭക്ഷണ നിർമ്മാണ വിതരണ സ്ഥാപനങ്ങളിലെയും തൊഴിലാളികൾ അംഗീകൃത ഹെൽത്ത് കാർഡ് എടുക്കണം, കുടിവെള്ളം കൃത്യമായ ഇടവേളകളിൽ പരിശോധിക്കണം. കുടിവെള്ള സ്രോതസ്സ് ക്ലോറിനേഷൻ ചെയ്യണം. തിളപ്പിച്ചാറിയ വെള്ളം മാത്രം കുടിക്കാൻ കൊടുക്കാൻ പാടുള്ളൂ. തിളപ്പിച്ച വെള്ളത്തിലേക്ക് പച്ചവെള്ളം ചേർക്കാൻ പാടില്ല എന്നീ നിർദ്ദേശങ്ങളും നൽകി. പരിശോധന വരും ദിവസങ്ങളിലും തുടരും. ഹെൽത്ത്‌ ഇൻസ്‌പെക്ടർ ബിനോജ് കുറ്റ്യാനി, കെ. സിജു, പി. അബ്ദുള്ള, ജിതിൻ ജോർജ് എന്നിവർ പങ്കെടുത്തു.

ഇ​രി​ട്ടി: പ​ല​ച​ര​ക്ക് ക​ട​യു​ടെ മ​റ​വി​ൽ മ​ദ്യ​വും നി​രോ​ധി​ത പു​ക​യി​ല ഉ​ൽ​പ​ന്ന​ങ്ങ​ളും വി​റ്റ ക​ട​യു​ട​മ​യെ ഇ​രി​ട്ടി എ​ക്‌​സൈ​സ് സം​ഘം അ​റ​സ്റ്റു ചെ​യ്ത് റി​മാ​ൻ​ഡ് ചെ​യ്തു. മീ​ത്ത​ലെ പു​ന്നാ​ട്ടെ ക​ട​യു​ട​മ എം.​പി. ര​തീ​ഷാ​ണ് (39) റി​മാ​ൻഡി​ലാ​യ​ത്. ഇ​യാ​ളു​ടെ ക​ട​യി​ൽ​നി​ന്ന് നി​ര​വ​ധി ത​വ​ണ മ​ദ്യ​വും പു​ക​യി​ല ഉ​ൽ​പ​ന്ന​ങ്ങ​ളും വി​ൽ​ക്കു​ന്ന​താ​യി പ​രാ​തി​യു​ണ്ടാ​യി​രു​ന്നു.നി​ര​വ​ധി ത​വ​ണ എ​ക്‌​സൈ​സ് പ​രി​ശോ​ധ​ന ന​ട​ത്തു​ക​യും ചെ​യ്തി​രു​ന്നു. ക​ട അ​ട​പ്പി​ക്ക​ണ​മെ​ന്ന് ആ​വ​ശ്യ​പ്പെ​ട്ട് എ​ക്‌​സൈ​സ് ഇ​രി​ട്ടി ന​ഗ​ര​സ​ഭ​ക്ക് ക​ത്ത് ന​ൽ​കി​യി​രു​ന്നു. ന​ഗ​ര​സ​ഭ ആ​രോ​ഗ്യ​വി​ഭാ​ഗം ന​ട​ത്തി​യ പ​രി​ശോ​ധ​ന​യി​ൽ സ്ഥാ​പ​നം തു​റ​ന്ന് പ്ര​വ​ർ​ത്തി​ക്കു​ന്നി​ല്ലെ​ന്നും അ​ട​ച്ചി​ട്ട നി​ല​യി​ലാ​ണ് കാ​ണു​ന്ന​തെ​ന്നും റി​പ്പോ​ർ​ട്ട് ന​ൽ​കി.

സ്ഥാ​പ​നം തു​റ​ന്നു പ്ര​വ​ർ​ത്തി​ക്കു​ന്ന​ത് ശ്ര​ദ്ധ​യി​ൽ​പ്പെ​ട്ടാ​ൽ അ​ട​ച്ചുപൂ​ട്ടി​ സ്ഥാ​പ​ന ഉ​ട​മ​ക്കെ​തി​രെ നി​യ​മ​ന​ട​പ​ടി സ്വീ​ക​രി​ക്കു​മെ​ന്നും എ​ക്‌​സൈ​സി​നെ അ​റി​യി​ച്ചി​രു​ന്നു.ഇ​തി​നു പി​ന്നാ​ലെ എ​ക്‌​സൈ​സ് ന​ട​ത്തി​യ പ​രി​ശോ​ധ​ന​യി​ൽ സ്ഥാ​പ​നം തു​റ​ന്നു പ്ര​വ​ർ​ത്തി​ക്കു​ന്ന​ത് ക​ണ്ടെ​ത്തു​ക​യും പ​ര​സ്യ​മാ​യി മ​ദ്യവി​ൽ​പ​ന ചെ​യ്യു​ന്ന​ത് കൈ​യോ​ടെ പി​ടി​കൂ​ടു​ക​യും ചെ​യ്തു.ഇ​രി​ട്ടി എ​ക്‌​സൈ​സ് റേ​ഞ്ച് ഓ​ഫി​സി​ലെ എ​ക്‌​സൈ​സ് ഇ​ൻ​സ്‌​പെ​ക്ട​ർ ഗ്രേ​ഡ് പ്ര​ജീ​ഷ് കു​ന്നു​മ്മ​ലി​ന്റെ നേ​തൃ​ത്വ​ത്തി​ൽ ന​ട​ത്തി​യ പ​രി​ശോ​ധ​ന​യി​ൽ ര​ണ്ടു കു​പ്പി മ​ദ്യം ക​ട​യി​ൽ​നി​ന്ന് പി​ടി​കൂ​ടി. ക​ട​യി​ൽനി​ന്ന് ഒ​രാ​ൾ​ക്ക് ഗ്ലാ​സി​ൽ മ​ദ്യം ഒ​ഴി​ച്ചു​കൊ​ടു​ക്കു​ന്ന​തി​നി​ട​യി​ലാ​ണ് ര​തീ​ഷ് എ​ക്‌​സൈ​സി​ന്റെ പി​ടി​യി​ലാ​കു​ന്ന​ത്.

ഇരിട്ടി: ഇരിട്ടിയിലെ പരാഗ് ടെക്സ്റ്റയില്‍സില്‍ മോഷണം നടത്തിയ പ്രതി പിടിയിൽ. തിരുവനന്തപുരം കാരക്കോണം സ്വദേശി കാട്ടവിഴ പുത്തന്‍വീട്ടില്‍ ദാസനാണ് (61) ഇരിട്ടി പോലീസിന്റെ പിടിയിലായത്. കോഴിക്കോട് കൊയിലാണ്ടിയില്‍ വച്ചാണ് ഇയാള്‍ പോലീസിന്റെ പിടിയിലാവുന്നത്.അവിടെയും ഇയാള്‍ ഒരു മോഷണ ശ്രമം നടത്തിയിരുന്നുവത്രെ. കഴിഞ്ഞ മാസം 17 നാണ് ഇരിട്ടി വണ്‍വേ റോഡിലുള്ള പരാഗ് ടെക്സ്റ്റയില്‍സിന്റെ പുറകു വശത്തെ എക്‌സോസ്റ്റ് ഫാന്‍ ഇളക്കിമാറ്റി അകത്തു കടന്ന് ബാഗില്‍ സൂക്ഷിച്ച രണ്ടര ലക്ഷം രൂപ കവര്‍ന്നത്.

പോലീസ് അന്വേഷണത്തില്‍ സി.സി.ടി വി ദൃശ്യങ്ങങ്ങള്‍ പരിശോധിച്ചപ്പോള്‍ മോഷ്ടാവിനെ തിരിച്ചറിയാന്‍ സാധിച്ചതിന്റെ അടിസ്ഥാനത്തില്‍  നടത്തിയ അന്വേഷണത്തിലാണ് മോഷ്ടാവിനെ പിടികൂടാന്‍ സാധിച്ചത്. നേരത്തേയും ഇയാള്‍ ഇരിട്ടിയില്‍ മോഷണം നടത്തിയിരുന്നു.ഇരിട്ടി പോലീസ് ഇന്‍സ്‌പെക്ടര്‍ എ. കുട്ടികൃഷ്ണന്റെ നേതൃത്വത്തില്‍ എസ്.ഐ ഷറഫുദ്ദീന്‍, സി.പി.ഒമാരായ പ്രബീഷ്, ഷിജോയ്, സുകേഷ്, ബിജു, ജയദേവന്‍ എന്നിവരടങ്ങുന്ന സംഘമാണ് മോഷ്ടാവിനെ പിടികൂടിയത്. ഇന്ന് കോടതിയില്‍ ഹാജരാക്കും.