Kerala

കെ.എസ്.ആര്‍.ടി.സി.യില്‍ ജനുവരി മുതല്‍ ഒന്നാം തീയതി ശമ്പളം

Published

2 hours ago

November 20, 2024

NH newsdesk

Share our post

കൊല്ലം: കെ.എസ്.ആര്‍.ടി.സി.യില്‍ ജീവനക്കാരുടെ ശമ്പളം എല്ലാമാസവും ഒന്നാംതീയതി ലഭ്യമാകാന്‍ വഴിതെളിഞ്ഞു. 2025 ജനുവരി ഒന്നുമുതല്‍ മറ്റു സര്‍ക്കാര്‍ ജീവനക്കാരെപ്പോലെ ഒന്നാംതീയതിതന്നെ ശമ്പളം ലഭിക്കുന്നതിനുള്ള നടപടിക്രമങ്ങള്‍ അവസാനഘട്ടത്തില്‍.

ബാങ്ക് കണ്‍സോര്‍ഷ്യത്തില്‍ നിന്ന് കേരള ട്രാന്‍സ്‌പോര്‍ട്ട് ഡിവലപ്‌മെന്റ് ഫിനാന്‍സ് കോര്‍പ്പറേഷനെ (കെ.ടി.ഡി.എഫ്.സി.) ഒഴിവാക്കി പകരം കേരള ബാങ്കിനെ ഉള്‍പ്പെടുത്തിയതോടെയാണ് പ്രശ്‌നത്തിന് പരിഹാരമാകുന്നത്. ശമ്പളവിതരണത്തിനുള്ള തുകയ്ക്കായി 150 കോടി രൂപവരെ കേരള ബാങ്ക് കെ.എസ്.ആര്‍.ടി സി.ക്ക് വായ്പ നല്‍കും. കൂടാതെ ഒരു മാസത്തേക്ക് ശമ്പളത്തിനായി വേണ്ടിവരുന്ന തുകയായ 80 കോടി രൂപ ഓവര്‍ഡ്രാഫ്റ്റായും നല്‍കും.

ശമ്പളം കൃത്യമായി നല്‍കിയശേഷം വരുന്ന തിരിച്ചടവിന് രണ്ടു ഘട്ടമായി സര്‍ക്കാര്‍ നല്‍കുന്ന 50 കോടി രൂപയും കെ.എസ്.ആര്‍.ടി.സി.ക്ക് ലഭിക്കുന്ന മറ്റ് വരുമാനവും ഉപയോഗിക്കും. ഇതുസംബന്ധിച്ച് അടുത്തിടെ സി.എം.ഡി., കേരള ബാങ്ക് അധികൃതര്‍, ബാങ്ക് കണ്‍സോര്‍ഷ്യം പ്രതിനിധികള്‍ തുടങ്ങിയവരെ പങ്കെടുപ്പിച്ച് മന്ത്രി കെ.ബി.ഗണേഷ്‌കുമാര്‍ വിളിച്ചുചേര്‍ത്ത യോഗത്തില്‍ തീരുമാനമെടുത്തിരുന്നു.

എസ്.ബി.ഐ., പി.എന്‍.ബി., കനറാ ബാങ്ക് തുടങ്ങിയവ ഉള്‍പ്പെട്ട ബാങ്ക് കണ്‍സോര്‍ഷ്യത്തില്‍ കേരള ബാങ്കിനെക്കൂടി ഉള്‍പ്പെടുത്തുന്നതിനുള്ള രജിസ്‌ട്രേഷനും മുദ്രപ്പത്രചെലവുകള്‍ക്കായി 9.62 കോടി രൂപ സര്‍ക്കാര്‍ ഒഴിവാക്കിനല്‍കിയിരുന്നു. ഇതോടെ നടപടിക്രമങ്ങള്‍ വേഗത്തിലായി. കേരള ബാങ്കിനുള്ള നബാര്‍ഡിന്റെ അനുമതിമാത്രമാണ് ഇനി അവശേഷിക്കുന്നത്. അതുകൂടി ലഭിച്ചാല്‍ ഡിസംബര്‍ രണ്ടാംവാരംതന്നെ ബാങ്ക് കണ്‍സോര്‍ഷ്യത്തില്‍ കേരള ബാങ്ക് ഉള്‍പ്പെടും.

ശബരിമല സീസണ്‍ അവസാനിക്കുന്ന ജനുവരി രണ്ടാംവാരത്തിനുശേഷം അംഗീകൃത യൂണിയനുകളെ നിശ്ചയിക്കുന്നതിനുള്ള ഹിതപരിശോധന നടക്കുമെന്നതിനാല്‍ ഭരണകക്ഷി യൂണിയനുകള്‍ തീരുമാനത്തെ സ്വാഗതം ചെയ്തിട്ടുണ്ട്. ഹിതപരിശോധനയില്‍ ഇത് മുഖ്യ പ്രചാരണവിഷയമാകാനും സാധ്യതയേറി.

Share our post

Kerala

വ്യാഴാഴ്ചയോടെ ചക്രവാത ചുഴി രൂപപ്പെടും; കേരളത്തിൽ ഇടിമിന്നലോടെ മഴ സജീവമാകും

Published

31 mins ago

November 20, 2024

NH newsdesk

Share our post

തിരുവനന്തപുരം:സംസ്ഥാനത്ത് വരും ദിവസങ്ങളിൽ വീണ്ടും മഴ സജീവമാകാൻ സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ്. ബംഗാൾ ഉൾകടലിൽ ന്യുന മർദ്ദ സാധ്യതയുണ്ടെന്നും തെക്കൻ ആൻഡമാൻ കടലിൽ വ്യാഴാഴ്ചയോടെ ചക്രവാതചുഴി രൂപപ്പെടാൻ സാധ്യതയുണ്ടെന്നും കാലാവസ്ഥാ വകുപ്പ് അറിയിച്ചു. നവംബർ 23 ഓടെ ചക്രവാതച്ചുഴി ന്യൂന മർദ്ദമായും തുടർന്നുള്ള ദിവസങ്ങളിൽ തീവ്ര ന്യൂന മർദ്ദമായും ശക്തി പ്രാപിച്ച് തമിഴ് നാട്, ശ്രീലങ്ക തീരത്തേക്ക് നീങ്ങാൻ സാധ്യതയെന്നാണ് പ്രവചനം.

Share our post

Kerala

ഐ.ടി.ബി.പി.: എസ്.ഐ., കോണ്‍സ്റ്റബിള്‍ തസ്തികകളിലേക്ക് അപേക്ഷിക്കാം, ഒഴിവ് 526

Published

2 hours ago

November 20, 2024

NH newsdesk

Share our post

ഇന്‍ഡോ ടിബറ്റന്‍ ബോര്‍ഡര്‍ പോലീസില്‍ (ഐ.ടി.ബി.പി.) സബ് ഇന്‍സ്‌പെക്ടര്‍, ഹെഡ് കോണ്‍സ്റ്റബിള്‍, കോണ്‍സ്റ്റബിള്‍ തസ്തികകളിലേക്ക് അപേക്ഷ ക്ഷണിച്ചു. ടെലികമ്യൂണിക്കേഷന്‍ വിഭാഗത്തിലാണ് അവസരം. 526 ഒഴിവുണ്ട്. വനിതകള്‍ക്കും അപേക്ഷിക്കാം. സബ് ഇന്‍സ്‌പെക്ടര്‍: ഒഴിവ്-92 (പുരുഷന്‍-78, വനിത-14), ഹെഡ് കോണ്‍സ്റ്റബിള്‍: ഒഴിവ്-383 (പുരുഷന്‍-325, വനിത-58), കോണ്‍സ്റ്റബിള്‍: ഒഴിവ്-51 (പുരുഷന്‍-44, വനിത-07). വിശദവിവരങ്ങള്‍ക്കും അപേക്ഷിക്കുന്നതിനും recruitment.itbpolice.nic.in സന്ദര്‍ശിക്കുക. അവസാന തീയതി: ഡിസംബര്‍ 14.

Share our post

Kerala

ഗെയിലില്‍ വിവിധ തസ്തികകളിലേക്ക് അപേക്ഷ ക്ഷണിച്ചു; ഒഴിവ് 275

Published

2 hours ago

November 20, 2024

NH newsdesk

Share our post

കേന്ദ്ര പൊതുമേഖലാ സ്ഥാപനമായ ഗ്യാസ് അതോറിറ്റി ഓഫ് ഇന്ത്യ ലിമിറ്റഡ് (ഗെയില്‍) വിവിധ തസ്തികകളിലേക്ക് അപേക്ഷ ക്ഷണിച്ചു. 275 ഒഴിവുണ്ട്.സീനിയര്‍ എന്‍ജിനിയര്‍ (മെക്കാനിക്കല്‍): 30, സീനിയര്‍ ഓഫീസര്‍ (ഫയര്‍ ആന്‍ഡ് സേഫ്റ്റി): -20, ഓഫീസര്‍ (ലബോറട്ടറി):-16, സീനിയര്‍ എന്‍ജിനിയര്‍ (റിന്യൂവബിള്‍ എനര്‍ജി)-6, സീനിയര്‍ എന്‍ജിനിയര്‍ (ബോയിലര്‍ ഓപ്പറേഷന്‍സ്)-3, സീനിയര്‍ എന്‍ജിനിയര്‍ (കെമിക്കല്‍)-36, സീനിയര്‍ എന്‍ജിനിയര്‍ (ഇലക്ട്രിക്കല്‍)-6, സീനിയര്‍ എന്‍ജിനിയര്‍ (ഇന്‍സ്ട്രുമെന്റേഷന്‍)-1, സീനിയര്‍ എന്‍ജിനിയര്‍ (ഗെയില്‍ടെല്‍ (ടി.സി./ടി.എം.)5, സീനിയര്‍ ഓഫീസര്‍ (കോണ്‍ട്രാക്റ്റ് ആന്‍ഡ് പ്രൊക്യുര്‍മെന്റ്)-22, സീനിയര്‍ എന്‍ജിനിയര്‍ (സിവില്‍)-11, സീനിയര്‍ ഓഫീസര്‍ (മാര്‍ക്കറ്റിങ്)-22, സീനിയര്‍ ഓഫീസര്‍ (ഫിനാന്‍സ് ആന്‍ഡ് അക്കൗണ്ടന്റ്)-36, സീനിയര്‍ ഓഫീസര്‍ (എച്ച്.ആര്‍.)23, സീനിയര്‍ ഓഫീസര്‍ (ലോ)-2, സീനിയര്‍ ഓഫീസര്‍ (മീഡിയ സര്‍വീസസ്)-1, സീനിയര്‍ ഓഫീസര്‍ (കോര്‍പ്പറേറ്റ് കമ്യൂണിക്കേഷന്‍)-4, ഓഫീസര്‍ (സെക്യൂരിറ്റി)-4, ഓഫീസര്‍ (ഒഫീഷ്യല്‍ ലാംഗ്വേജ്)-13, ചീഫ് മാനേജര്‍ ( റിന്യൂവബിള്‍ എനര്‍ജി)-4, ചീഫ് മാനേജര്‍ (എക്കണോമിസ്റ്റ്)-4, ചീഫ് മാനേജര്‍ (ലോ)-1, ചീഫ് മാനേജര്‍ (മെഡിക്കല്‍ സര്‍വീസസ്)-2, ചീഫ് മാനേജര്‍ (എച്ച്.ആര്‍.)3.അപേക്ഷ സ്വീകരിക്കുന്ന അവസാന തീയതി: ഡിസംബര്‍ 11. വിവരങ്ങള്‍ക്ക്: www.gailonline.com

Share our post