Kerala

8500-ലധികം താളിയോലകളുമായി കാലിക്കറ്റ് യൂണിവേഴ്‌സിറ്റി

Published

2 weeks ago

November 8, 2024

NH newsdesk

Share our post

300 വര്‍ഷം പഴക്കമുള്ള താളിയോലകള്‍! കേരളത്തിലെ വലിയ രണ്ടാമത്തെ ഗ്രന്ഥപ്പുര കാലിക്കറ്റ് യൂണിവേഴ്‌സിറ്റിയില്‍തേഞ്ഞിപ്പലം: തിപ്പലിയും കുരുമുളകും ഏലവുമടങ്ങുന്ന സുഗന്ധവ്യഞ്ജനങ്ങളുടെ കിഴിയുപയോഗിച്ച് മരപ്പെട്ടികളിലും മച്ചിലുമൊക്കെയായി സൂക്ഷിച്ചിരുന്ന കുടപ്പനയോലയിലെഴുതിയ പഴമയുടെ വിജ്ഞാനങ്ങളെ ശേഖരിച്ച് സംരക്ഷിച്ചിരിക്കുകയാണ് കാലിക്കറ്റിലെ തുഞ്ചന്‍ താളിയോല ഗ്രന്ഥപ്പുരയില്‍. കേരളത്തിലെ വലിയ രണ്ടാമത്തെ ഗ്രന്ഥപ്പുരയാണിത്.

1972 മുതലാണ് താളിയോല ശേഖരണം ആരംഭിക്കുന്നത്. തൃശ്ശൂര്‍ മുതല്‍ കാസര്‍കോട് വരെയുള്ള പ്രദേശങ്ങളിലെ ക്ഷേത്രങ്ങള്‍, വീടുകള്‍ തുടങ്ങിയവിടങ്ങളില്‍നിന്ന് സര്‍വകലാശാലയിലെ മലയാളം അധ്യാപകരാണ് ഇവ ശേഖരിച്ചത്. അന്നുമുതല്‍ ശേഖരിച്ച 8,500-ഓളം താളിയോലകള്‍, ഒന്‍പത് മുളകരണങ്ങള്‍, രണ്ട് ചെപ്പേടുകള്‍ എന്നിവ ഇവിടെ സംരക്ഷിക്കുന്നു. നിലവില്‍ മലയാളവിഭാഗം അസിസ്റ്റന്റ് പ്രൊഫസര്‍ ഡോ. എം.പി. മഞ്ജുവാണ് ഡയറക്ടര്‍. എപ്പിഗ്രഫി ആന്‍ഡ് മാനുസ്‌ക്രിപ്‌റ്റോളജി പി.ജി. കോഴ്‌സ് ഈ വര്‍ഷം മുതല്‍ ഇവിടെ ആരംഭിച്ചിട്ടുണ്ട്.

അമൂല്യ ഗ്രന്ഥങ്ങള്‍

പാട്ടുകള്‍, മണിപ്രവാളം, വ്യാഖ്യാനഗ്രന്ഥങ്ങള്‍, കളരി, ഗണിതം, ജ്യോതിഷം, തച്ചുശാസ്ത്രം, ദേശചരിത്രം, താന്ത്രികം, വൈദ്യം, വ്യാകരണം, നിഘണ്ടു തുടങ്ങി 28 വിഭാഗം ഉള്ളടക്കങ്ങളിലുള്ള ഗ്രന്ഥങ്ങള്‍ ഇവിടെയുണ്ട്.

മലയാളം, ഗ്രന്ഥവരി, തമിഴ്, വട്ടെഴുത്ത്, കോലെഴുത്ത്, കന്നട, തെലുങ്ക് എന്നീ ലിപികളിലും മലയാളം, സംസ്‌കൃതം, തമിഴ്, കന്നട, തെലുങ്ക്, പാലി എന്നീ ഭാഷകളിലുമുള്ള ഗ്രന്ഥശേഖരങ്ങളാണിവ. അധ്യാത്മരാമായണത്തിന്റെ അഞ്ചൂറിലധികം പകര്‍പ്പുകള്‍ ഇവിടെയുണ്ട്. ആയുര്‍വേദത്തിലുള്ള ഗ്രന്ഥങ്ങളാണ് കൂടുതലുള്ളത്.

മലയാളസാഹിത്യം, മലയാള വൈജ്ഞാനിക സാഹിത്യം എന്നീ രണ്ട് വോള്യങ്ങളിലായി രണ്ടായിരത്തോളം താളിയോലകളുടെ വിവരണ കാറ്റലോഗുകളും ഒരുക്കിയിട്ടുണ്ട്. ആയുര്‍വേദത്തിലെ അഞ്ചൂറോളം ഗ്രന്ഥങ്ങള്‍ നിലവില്‍ ഡിജിറ്റൈസ് ചെയ്തിട്ടുണ്ട്. ഒരു മീറ്റര്‍ നീളമുള്ള ‘ഭാരതം- ഹരിവംശം’ ഗ്രന്ഥമാണ് ഇവിടത്തെ ഏറ്റവും നീളംകൂടിയത്. ഏറ്റവും ചെറിയ ഗ്രന്ഥമായ മന്ത്രങ്ങളുടെ താളിയോലയ്ക്ക് അഞ്ച് സെന്റീ മീറ്റര്‍ നീളവും രണ്ടര സെന്റീമീറ്റര്‍ വീതിയുമേയുള്ളൂ. ഇവിടുത്തെ ശേഖരത്തില്‍വെച്ച് ഏറ്റവും പഴക്കമുള്ളത് എ.ഡി. 1719-ല്‍ പകര്‍ത്തിയെഴുതിയ തന്ത്രസമുച്ചയത്തിനാണ്. കണ്ണൂരില്‍നിന്നു കണ്ടെടുത്ത ‘തിരുനിഴല്‍മാല’യുടെ പകര്‍പ്പും ഇവിടെയുണ്ട്. മാന്‍കൊമ്പ് തേച്ചുമിനുക്കിയുണ്ടാക്കിയ പടികൊണ്ട് കെട്ടിയഗ്രന്ഥവും ഇവിടെ സൂക്ഷിച്ചിരിക്കുന്നു.

സംരക്ഷണം

വെള്ളിമീനുകള്‍ അഥവാ പുസ്തകപ്പൂച്ചികളാണ് പ്രധാന ശത്രു. ഇത്തരം പ്രാണികളില്‍നിന്ന് രണ്ടുതരത്തിലാണ് താളിയോലകള്‍ ഇവിടെ സംരക്ഷിച്ചിരിക്കുന്നത്. ഐസോപ്രൊപ്പൈല്‍ ആല്‍ക്കഹോളും പുല്‍തൈലവും മൂന്നിനൊന്ന് എന്ന അനുപാതത്തില്‍ ചേര്‍ത്ത് ഓലകളില്‍ തേച്ച് ഉണക്കി സൂക്ഷിക്കലാണ് പ്രധാനമായും ചെയ്യുന്നത്. വര്‍ഷത്തില്‍ ഒരിക്കലെങ്കിലും ഇത് ചെയ്യും. മറ്റൊന്ന് ശീതികരിച്ച മുറിയില്‍ സൂക്ഷിക്കലാണ്. ഇതിനായി എ.സി.യും പ്രവര്‍ത്തിപ്പിക്കുന്നുണ്ട്.

Share our post

Kerala

സൗദി അറേബ്യയിൽ തൊഴിലവസരം;റിക്രൂട്ട്മെന്‍റിലേക്കുള്ള അപേക്ഷകൾ ഡിസംബര്‍ പത്ത് വരെ മാത്രം

Published

8 hours ago

November 23, 2024

NH newsdesk

Share our post

തിരുവനന്തപുരം: സൗദി അറേബ്യയിലെ ആരോഗ്യമന്ത്രാലയത്തിലേക്ക് വിവിധ സ്പെഷ്യാലിറ്റികളില്‍ കൺസൾട്ടന്റ് / സ്പെഷ്യലിസ്റ്റ് ഡോക്ടര്‍മാരുടെ ഒഴിവുകൾ. ഇതിലേക്കുള്ള നോര്‍ക്ക റൂട്ട്സ് റിക്രൂട്ട്മെന്‍റില്‍ പങ്കെടുക്കുന്നതിന് 2024 ഡിസംബര്‍ 10 വരെ അപേക്ഷ നല്‍കാം.എമർജൻസി, ഐസിയു (ഇന്റൻസീവ് കെയർ യൂണിറ്റ്), എൻ.ഐ.സിയു (നവജാത ശിശു ഇൻ്റൻസീവ് കെയർ യൂണിറ്റ്), പി ഐസിയു (പീഡിയാട്രിക് ഇന്‍റന്‍സീവ് കെയർ യൂണിറ്റ്), പ്ലാസ്റ്റിക് സർജറി, വാസ്കുലാർ സർജറി എന്നീ തസ്തികകളിലാണ് ഒഴിവുകള്‍.താല്‍പ്പര്യമുള്ള ഉദ്യോഗാര്‍ത്ഥികള്‍ വിശദമായ ബയോഡേറ്റയും വിദ്യാഭ്യാസം, പ്രവൃത്തിപരിചയം, പാസ്പോര്‍ട്ട് എന്നിവയുടെ പകര്‍പ്പുകളും സഹിതം www.norkaroots.org www.nifl.norkaroots.org എന്നീ വെബ്സൈറ്റുകൾ സന്ദര്‍ശിച്ച് 2024 ഡിസംബര്‍ 10 നകം അപേക്ഷ നല്‍കാമെന്ന് നോർക്ക റൂട്ട്സ് ചീഫ് എക്സിക്യൂട്ടീവ് ഓഫീസർ അജിത് കോളശേരി അറിയിച്ചു. സ്പെഷ്യാലിറ്റികളില്‍ കുറഞ്ഞത് മൂന്നു വർഷത്തെ പ്രവൃത്തിപരിചയവും വേണം. പ്രായപരിധി 55 വയസ്സ്.

അപേക്ഷകര്‍ മുന്‍പ് SAMR പോർട്ടലിൽ രജിസ്റ്റര്‍ ചെയ്തവരാകരുത്. സൗദി കമ്മീഷൻ ഫോർ ഹെൽത്ത് സ്പെഷ്യലിസ്റ്റ് വെബ്‌സൈറ്റിലെ Mumaris പ്ലസ് സേവനത്തിലൂടെ പ്രൊഫഷണൽ ക്ലാസിഫിക്കേഷന്‍ നേടിയിരിക്കണം. ഡാറ്റാ ഫ്ലോ പ്രോസസിംഗ് പൂർത്തിയാക്കിയ ഉദ്യോഗാർത്ഥികൾക്ക് മുന്‍ഗണന ലഭിക്കും. ഇതിനായുളള അഭിമുഖങ്ങള്‍ ഡിസംബറില്‍ നടക്കും. കുറഞ്ഞത് ആറുമാസത്തെ കാലാവധിയുളള സാധുതയുളള പാസ്പോര്‍ട്ടും ഉളളവരാകണം.കൂടുതല്‍ വിവരങ്ങള്‍ക്ക് 0471-2770536, 539, 540, 577 എന്നീ നമ്പറുകളിലോ (ഓഫീസ് സമയത്ത്, പ്രവൃത്തിദിനങ്ങളില്‍) 24 മണിക്കൂറും പ്രവര്‍ത്തിക്കുന്ന നോര്‍ക്ക ഗ്ലോബല്‍ കോണ്‍ടാക്ട് സെന്ററിന്റെ ടോള്‍ ഫ്രീ നമ്പറുകളായ 1800 425 3939 (ഇന്ത്യയില്‍ നിന്നും) +91-8802 012 345 (വിദേശത്തുനിന്നും, മിസ്ഡ് കോള്‍ സര്‍വീസ്) ബന്ധപ്പെടാവുന്നതാണ്.

Share our post

Kerala

പത്താംതരം തുല്യതാ കോഴ്സിന് രജിസ്റ്റര്‍ ചെയ്യാം

Published

11 hours ago

November 23, 2024

NH newsdesk

Share our post

സംസ്ഥാന സാക്ഷരതാ മിഷന്റെ പത്താംതരം തുല്യതാ കോഴ്സിലേക്ക് സൂപ്പര്‍ ഫൈനോടുകൂടി നവംബര്‍ 30 വരെ രജിസ്റ്റര്‍ ചെയ്യാം. ഏഴാം തരം വിജയിച്ച 17 വയസ്സ് പൂര്‍ത്തിയായവര്‍ക്ക്് രജിസ്റ്റര്‍ ചെയ്യാം. 1950 രൂപ ഫീസും സൂപ്പര്‍ ഫൈനായി 250 രൂപയും അടയ്ക്കണം. തദ്ദേശസ്വയംഭരണ സ്ഥാപനങ്ങള്‍ വഴി നടപ്പിലാക്കുന്ന പത്താമുദയം പദ്ധതിയില്‍ ഉള്‍പ്പെടുന്നവര്‍ ഫീസ് നല്‍കേണ്ടതില്ല. ഒരു വര്‍ഷമാണ് പഠന കാലാവധി. താല്പര്യമുള്ളവര്‍ അതാത് തദ്ദേശ സ്വയംഭരണ സ്ഥാപനങ്ങളുമായോ ജില്ലാ പഞ്ചായത്തില്‍ പ്രവര്‍ത്തിക്കുന്ന ജില്ലാ സാക്ഷരതാ മിഷന്‍ ഓഫീസുമായോ ബന്ധപ്പെടണം. ഫോണ്‍ 0497 2707699.

Share our post

Kerala

തിരുവനന്തപുരം-കൊച്ചി എയര്‍ ഇന്ത്യ സര്‍വിസ് ഇന്നുമുതല്‍

Published

15 hours ago

November 23, 2024

NH newsdesk

Share our post

വലിയതുറ: തിരുവനന്തപുരത്തുനിന്ന് കൊച്ചിയിലേക്ക് എയര്‍ ഇന്ത്യ എക്‌സ്പ്രസിന്റെ പുതിയ സര്‍വിസ് ശനിയാഴ്ച ആരംഭിക്കും.ചൊവ്വ, ശനി ദിവസങ്ങളില്‍ രാവിലെ 7.15ന് പുറപ്പെട്ട് 8.05ന് കൊച്ചിയിലെത്തും. കൊച്ചിയില്‍നിന്ന് തിങ്കള്‍, വെള്ളി ദിവസങ്ങളില്‍ രാത്രി 11ന് പുറപ്പെട്ട് 11.50ന് തിരുവനന്തപുരത്തെത്തും.തിരുവനന്തപുരം-കൊച്ചി റൂട്ടില്‍ ഇന്‍ഡിഗോയുടെ പ്രതിദിന സര്‍വിസിന് പുറമേയാണ് എയര്‍ ഇന്ത്യ എക്‌സ്പ്രസ് സര്‍വിസ് തുടങ്ങുന്നത്.

Share our post