പേരാവൂർ: റെയിൽവേ ബോർഡ് നിർത്തലാക്കിയമുതിർന്ന പൗരന്മാരുടെ യാത്രാസൗജന്യംപുന:സ്ഥാപിക്കണമെന്ന് കോ-ഓപ്പറേറ്റീവ് എംപ്ലോയീസ് അസോസിയേഷൻ പേരാവൂർ യൂണിറ്റ് സമ്മേളനം ആവശ്യപ്പെട്ടു. സ്റ്റാറ്റ്യൂട്ടറി റേഷനിങ്ങ് സംവിധാനത്തിലെ അപാകങ്ങൾ പരിഹരിക്കാനും സമ്മേളനം ആവശ്യപ്പെട്ടു.വി.ആർ.ഭാസ്‌കരൻ ഉദ്ഘാടനം ചെയ്തു. കെ.എ.കുര്യാക്കോസ് അധ്യക്ഷനായി. 80 കഴിഞ്ഞ അംഗങ്ങളെ ആർ.എം.മത്തായി, വി.എം.ചാക്കോ, സഖറിയാസ് എന്നിവർ ആദരിച്ചു. പി.കെ.ജയേന്ദ്രൻ, കെ.എസ്.തോമസ്, ഭാസ്‌കരൻ കളരിക്കണ്ടി, ഒ.ബാലൻ നമ്പ്യാർ, ഗോവിന്ദൻ പൊറോറ, കെ.രവീന്ദ്രൻ, കെ.ബാലകൃഷ്ണൻ, സി.വിജയൻ, കെ.മോഹനൻ,മോളി എന്നിവർ സംസാരിച്ചു.

പേരാവൂർ : കൂട്ടുപുഴ ചെക്പോസ്റ്റിൽ വാഹനപരിശോധനയ്ക്കിടെ എക്സൈസ് പ്രിവന്റീവ് ഓഫീസറെ കാറിൽ തട്ടിക്കൊണ്ടുപോയ കേസിലെ പ്രതി കഞ്ചാവുമായി പേരാവൂർ എക്സൈസിൻ്റെ പിടിയിലായി. കോഴിക്കോട് നോർത്ത് ബേപ്പൂരിൽ വലിയകത്ത് വീട്ടിൽ യാസർ അരാഫത്തിനെയാണ് (26) നാലു ഗ്രാം കഞ്ചാവുമായി പേരാവൂർ എക്‌സൈസ് കാഞ്ഞിരപ്പുഴയിൽ നിന്ന് പിടികൂടിയത്.

മാസങ്ങൾക്ക് മുൻപ് പ്രിവൻ്റീവ് ഓഫീസറെ തട്ടിക്കൊണ്ടുപോയ കേസിൽ റിമാൻഡിലായി പിന്നീട് ജാമ്യത്തിലിറങ്ങിയ ഇയാൾ കോടതിയിൽ ഹാജരാകാൻ എത്തിയപ്പോഴാണ് കയ്യിൽ കരുതിയ കഞ്ചാവുമായി എക്സൈസിൻ്റെ പിടിയിലായത്. പേരാവൂർ റെയിഞ്ചിലെ അസി. എക്സൈസ് ഇൻസ്പെക്ടർ (ഗ്രേഡ്) എൻ.പത്മരാജൻ്റെ നേതൃത്വത്തിൽ വ്യാഴാഴ്ച പകൽ നടത്തിയ പരിശോധനയിലാണ് ഇയാൾ പിടിയിലായത്. ഇയാൾക്കെതിരെ എൻ.ഡി.പി.എസ് പ്രകാരം കേസെടുത്തു.

പരിശോധനയിൽ പ്രിവന്റീവ് ഓഫീസർ കെ.സന്തോഷ്, ഗ്രേഡ് പ്രിവന്റീവ് ഓഫീസർ പി.വിജയൻ, സിവിൽ എക്‌സൈസ് ഓഫീസർ സി.സുരേഷ്, സി.ധനീഷ് എന്നിവർ പങ്കെടുത്തു.

പേരാവൂര്‍ : പഞ്ചായത്തിലെ 1,2,3,8,11,12 വാര്‍ഡുകളില്‍ ഹരിതകര്‍മ സേന അംഗങ്ങളുടെ ഒഴിവിലേക്ക് അപേക്ഷ ക്ഷണിക്കുന്നു.

മാനദണ്ഡങ്ങള്‍

മേല്‍ വാര്‍ഡുകളിലെ കുടുംബശ്രീ അംഗങ്ങള്‍ക്ക് മുന്‍ഗണന,മൊബൈല്‍ ഉപയോഗിക്കാനറിയണം,45 വയസിന് താഴെ പ്രായമുള്ളവര്‍ക്ക് മുന്‍ഗണന,കായികക്ഷമത ഉണ്ടായിരിക്കണം.

അപേക്ഷ , ആധാര്‍കാര്‍ഡ് കോപ്പി എന്നിവ സഹിതം സി.ഡിഎസ് ഓഫീസില്‍ ഒക്ടോബര്‍ 25ന് മുന്‍പായി അപേക്ഷ സമര്‍പ്പിക്കണം

ഒഴിവുകള്‍
വാര്‍ഡ് – 1 ല്‍ – 2 പേര്‍
വാര്‍ഡ് -2-ല്‍ – 2
വാര്‍ഡ് 3 -ല്‍ – 1
വാര്‍ഡ് 8 ല്‍ – 1
വാര്‍ഡ് 11 ല്‍- 2
വാര്‍ഡ് – 12 ല്‍ 1

ഹരിതകര്‍മ സേന അംഗത്തിന്റെ ഒഴിവുള്ള വാര്‍ഡുകളില്‍ നിന്ന് അപേക്ഷ ഇല്ലെങ്കില്‍ മറ്റ് വാര്‍ഡുകളിലെ അപേക്ഷ പരിഗണിക്കും.