നിടുംപൊയിൽ : മാനന്തവാടി പേര്യ ചുരം റോഡിൽ റോഡ് പുനർനിർമ്മാണ പ്രവർത്തിക്കിടെയുണ്ടായ അപകടത്തിൽ ഒരാൾ മരിച്ചു. രണ്ട് പേർക്ക് പരിക്ക്. വെള്ളിയാഴ്ച രാവിലെയാണ് സംഭവം.കൂടുതൽ വിവരങ്ങൾ ലഭ്യമായിട്ടില്ല.

കൊട്ടിയൂർ: പേര്യ വരയാലിൽ പാലം നിർമ്മാണത്തിനായി കൊണ്ടുവന്ന 27000 രൂപയുടെ ഇരുമ്പ് പൈപ്പുകൾ മോഷ്‌ടിച്ച് കൊണ്ടുപോയ മൂന്നംഗ സംഘത്തെ തലപ്പുഴ പോലീസ് അറസ്റ്റ് ചെയ്തു‌. കൊട്ടിയൂരിൽ വെച്ചാണ് മോഷ്‌ടാക്കളെ പിക്ക്അപ്പ് വാഹനംഅടക്കം അറസ്റ്റ് ചെയ്‌തത്. വരയാൽ സ്വദേശി ഉച്ചമ്പത്ത് വിപിനൻ, തലശ്ശേരി എരഞ്ഞോളി സ്വദേശി സമീഷ് സജീവൻ, കണ്ണൂർ സ്വദേശി ബാഷ എന്ന വിജേഷ് എന്നിവരാണ് പിടിയിലായത്. കോടതിയിൽ ഹാജരാക്കിയ പ്രതികളെ റിമാണ്ട് ചെയ്‌തു. പോലീസ് ഇൻസ്പെക്ടർ എം.ടി ജേക്കബ്ബ്, എസ്ഐ വിമൽ ചന്ദ്രൻ,എ.എസ്ഐ ബിജുവർഗ്ഗീസ്, സിപിഒമാരായ നിശാന്ത്, പ്രവീൺകുമാർ എന്നിവരടങ്ങുന്ന പോലീസ് സംഘമാണ് പ്രതികളെ പിടികൂടിയത്.

കൊട്ടിയൂർ : കെ.സി. സുബ്രഹ്മണ്യൻ നായർ കൊട്ടിയൂർ ദേവസ്വം ചെയർമാൻ സ്ഥാനം രാജിവച്ചു. അനാരോഗ്യം ചൂണ്ടിക്കാണിച്ചാണ് രാജി. മലബാർ ദേവസ്വം ബോർഡ് കമ്മീഷണർക്കാണ് രാജി സമർപ്പിച്ചത്. കഴിഞ്ഞ നാലു വർഷമായി ചെയർമാനാണ് കെ.സി.സുബ്രഹ്മണ്യൻ നായർ. ഒൻപതംഗ ട്രസ്റ്റി ബോർഡ് ആണ് ചെയർമാനെ തിരഞ്ഞെടുക്കുന്നത്. നാല് പാരമ്പര്യ ട്രസ്റ്റിമാരും അഞ്ച് പാരമ്പര്യേത ട്രസ്റ്റിമാരും അടങ്ങുന്നതാണ് കൊട്ടിയൂർ ട്രസ്റ്റി ബോർഡ്. ഇതിൽ ഒൻപത് അംഗങ്ങൾക്കും തിരഞ്ഞെടുപ്പിൽ വോട്ടവകാശം ഉണ്ടെങ്കിലും പാരമ്പര്യ ട്രസ്റ്റിക്ക് മാത്രമേ ചെയർമാൻ പദവിയിലേക്ക് മത്സരിക്കാൻ കഴിയുകയുള്ളു. മണത്തണയിലെ നായർ തറവാടുകളായ ആക്കൽ, തിട്ടയിൽ, കരിമ്പനയ്ക്കൽ ചാത്തോത്ത്, കുളങ്ങരയത്ത് എന്നീ നാല് കുടുംബങ്ങളിലെ ഏറ്റവും പ്രായം കൂടിയ പുരുഷൻമാരാണ് പാരമ്പര്യ ട്രസ്റ്റിമാരായി കൊട്ടിയൂരിലെത്തുക.അതേസമയം,ചെയർമാൻ തിരഞ്ഞെടുപ്പ് ഉടൻ നടത്തണമെന്നാവശ്യപ്പെട്ട് പെരുമാൾ സേവാസംഘം കത്ത് കൊടുത്തതായും സൂചനയുണ്ട്.