Connect with us

PERAVOOR

പേരാവൂർ മിഡ് നൈറ്റ് മാരത്തൺ നവമ്പർ 23ന്

Published

on

Share our post

പേരാവൂർ: യുണൈറ്റഡ് മർച്ചന്റ്‌സ് ചേമ്പർ പേരാവൂർ യൂണിറ്റ് സംഘടിപ്പിക്കുന്ന രണ്ടാമത് നരിതൂക്കിൽ ഗോൾഡ് ആൻഡ് ഡയമണ്ട്‌സ് പേരാവൂർ മിഡ്‌നൈറ്റ് മാരത്തൺ നവംബർ 23ന് നടക്കും. ഒന്നു മുതൽ മൂന്ന് വരെ സ്ഥാനങ്ങളിലെത്തുന്ന പുരുഷ വനിതാ ടീമുകൾക്ക് യഥാക്രമം 15,000, 10,000, 5000 രൂപ വീതം ക്യാഷ് പ്രൈസ് ലഭിക്കും. 50 വയസ്സിന് മുകളിലുള്ള നാല് വനിതാ മത്സരാർത്ഥി കൾക്കും നാല് പുരുഷ മത്സരാർത്ഥികൾക്കും പ്രോത്സാഹന സമ്മാനവും ലഭിക്കും. അർജുന അവാർഡ് ജേതാവ് ഒളിമ്പ്യൻ ടിന്റു ലൂക്കയാണ് മാരത്തണിന്റെ ഇവന്റ് അംബാസിഡർ.മാലിന്യമുക്ത കേരളം, ആരോഗ്യമുള്ള തലമുറ എന്നീ ആശയങ്ങളാണ് മിഡ്‌നൈറ്റ് മാരത്തൺ മുന്നോട്ടുവെക്കുന്നത്. പേരാവൂർ ബ്ലോക്ക്, ഗ്രാമപഞ്ചായത്തുകൾ, പോലീസ്, അഗ്നിരക്ഷാ സേന, കലാകായിക സംഘടനകൾ എന്നിവരുടെ സഹകരണത്തോടെയാണ് മാരത്തൺ. പേരാവൂർ പഴയ ബസ് സ്റ്റാൻഡിൽ നിന്നാരംഭിച്ച് ചെവിടിക്കുന്ന്,തൊണ്ടിയിൽ , തെറ്റുവഴിയിലൂടെ ഓടി പഴയ ബസ് സ്റ്റാൻഡിൽ തന്നെ സമാപിക്കും വിധമാണ് മാരത്തൺ റൂട്ട്.നാല് പേരടങ്ങുന്ന ടീമുകളായും ടീമുകൾ അല്ലാതെയും മത്സരത്തിൽ പങ്കെടുക്കാം. രജിസ്ട്രർ ചെയ്യുന്ന എല്ലാവർക്കും ടീ ഷർട്ടും ഫിനിഷ് ചെയ്യുന്ന എല്ലാവർക്കും മെഡലും സർട്ടിഫിക്കറ്റും ഭക്ഷണവും ലഭിക്കും. നവംബർ 10 വരെ രജിസ്ട്രർ ചെയ്യാം.പത്രസമ്മേളനത്തിൽ ചെയർമാൻ സൈമൺ മേച്ചേരി, ഷിനോജ് നരിതൂക്കിൽ, വി.കെ. രാധാകൃഷ്ണൻ, കെ.എം. ബഷീർ, ഒ.ജെ. ബെന്നി എന്നിവർ പങ്കെടുത്തു.ഫോൺ: 9947537486, 9946532852, 9388775570.


Share our post

PERAVOOR

പേരാവൂർ വോളി ഫെസ്റ്റ് ഏപ്രിൽ അഞ്ച്, ആറ് തീയതികളിൽ കുനിത്തലയിൽ

Published

on

Share our post

പേരാവൂർ : കുനിത്തല സ്വാശ്രയസംഘത്തിന്റെ ആഭിമുഖ്യത്തിൽ നാമത്ത് ബാലൻ, പി.കെ.രാജു, നന്ത്യത്ത് അശോകൻ എന്നിവരുടെ സ്മ‌രണാർത്ഥമുള്ള നാലാമത് പേരാവൂർ വോളി ഫെസ്റ്റ് ഏപ്രിൽ 5,6,(ശനി, ഞായർ) ദിവസങ്ങളിൽ കുനിത്തല വോളിബോൾ ഗ്രൗണ്ടിൽ നടക്കും. കായികമാണ് ലഹരി എന്ന സന്ദേശമുയർത്തി യുവ തലമുറയുടെ കായികവാസനയെ വളർത്തുക എന്ന ലക്ഷ്യത്തോടെയും വോളിബോളിലേക്ക് യുവതലമുറയെ ആകർഷിക്കുക എന്ന ഉദ്ദേശത്തോടെയുമാണ് മത്സരം സംഘടിപ്പിക്കുന്നത്. ഏപ്രിൽ അഞ്ചിന് (ശനി) പ്രദേശത്തെ മുൻകാല വോളിബോൾ കളിക്കാരെ ആദരിക്കുന്നു. തുടർന്ന് മാസ്റ്റേഴ്‌സ് വോളിബോൾ (40 വയസ്സിന് മുകളിലുള്ളവരുടെ മത്സരം).

വിജയികൾക്ക് നന്ത്യത്ത് അശോകൻ സ്‌മാരക ട്രോഫിയും മന്ദൻ മൂപ്പൻ മകൻ വാസുവിൻ്റെ സ്‌മരണയ്ക്കായിട്ടുള്ള 3000 രൂപയും ലഭിക്കും. രണ്ടാം സ്ഥാനത്ത് എത്തുന്ന ടീമിന് കോഴിപ്പുറത്ത് കുഞ്ഞിംമാത സ്‌മാരക എവറോളിംഗ് ട്രോഫിയും ആവണി മധുസുദനൻ്റെ സ്‌മരണയ്ക്കായി നൽകുന്ന 2000 രൂപയുടെ ക്യാഷ് പ്രൈസും ലഭിക്കും. ഏപ്രിൽ ആറിന് വോളിബോൾ മത്സരം. വിജയികൾക്ക് നാമത്ത് ബാലൻ സ്‌മാരക എവറോളിംഗ് ട്രോഫിയും ഈക്കിലിശ്ശേരി കണ്ണൻ, കല്ലു എന്നിവരുടെ സ്മരണയ്ക്കായി നൽകുന്ന 10,000 രൂപയും ലഭിക്കും. രണ്ടാം സ്ഥാനത്ത് എത്തുന്ന ടീമിന് പി.കെ. രാജു സ്‌മാരക എവറോളിംഗ് ട്രോഫിയും കോഴിപ്പുറത്ത് കുഞ്ഞിംമാതയുടെ സ്മരണയ്ക്കായി കുടുംബാംഗങ്ങൾ നൽകുന്ന 5000 രൂപ ക്യാഷ് പ്രൈസും.


Share our post
Continue Reading

PERAVOOR

മുരിങ്ങോടിയിൽ അനധികൃതമായി നിർമിച്ച കെട്ടിടം പൊളിച്ചു നീക്കാൻ പഞ്ചായത്തിന്റെ ഉത്തരവ്

Published

on

Share our post

പേരാവൂർ : മുരിങ്ങോടിയില്‍ പഞ്ചായത്ത് അനുമതിയില്ലാതെ മാര്‍ബിള്‍ സൂക്ഷിക്കുകയും അനധികൃതമായി കെട്ടിടം നിര്‍മ്മിക്കുകയും ചെയ്ത നാദാപുരം സ്വദേശി മാന്തോട്ടത്തിൽ അസീസ് ഖാന് കെട്ടിടം പൊളിച്ച് മാറ്റാനും മാര്‍ബിളുകള്‍ നീക്കം ചെയ്യാനും പേരാവൂര്‍ പഞ്ചായത്ത് സെക്രട്ടറി ബാബു തോമസ് നോട്ടീസ് നല്‍കി. ഇയാള്‍ക്ക് മറ്റൊരു സ്ഥലത്ത് മാര്‍ബിള്‍, ടൈല്‍സ്, ഗ്രാനൈറ്റ് മുതലായവ വില്‍പന നടത്തുന്നതിനുള്ള ഓഫീസിനായി പഞ്ചായത്ത് ലൈസന്‍സ് നല്‍കിയിരുന്നു. ഈ ലൈസൻസിന്റെ മറവിൽ റവന്യു രേഖയില്‍ നഞ്ച വിഭാഗത്തില്‍പ്പെട്ട സ്ഥലത്ത് മാര്‍ബിള്‍ സൂക്ഷിക്കുകയും അനധികൃതമായി കെട്ടിടം നിർമ്മിക്കുകയും ചെയ്തതിനാണ് നടപടി.


Share our post
Continue Reading

PERAVOOR

കെ.ഹരിദാസിൻ്റെയും സി.പി.ജലാലിൻ്റെയും സ്മരണയിൽ ഇഫ്താർ സംഗമം

Published

on

Share our post

പേരാവൂർ: വ്യാപാരി നേതാവായിരുന്ന കെ.ഹരിദാസിൻ്റെയും കോൺഗ്രസ് നേതാവായിരുന്ന സി.പി.ജലാലിൻ്റെയും സ്മരണാർത്ഥം പേരാവൂർ മഹല്ലിൽ ഇഫ്താർ സംഗമം നടത്തി. ജുമാ മസ്ജിദ് ഖത്തീബ് മൂസ മൗലവി ഉദ്ഘാടനം ചെയ്തു. മഹല്ല് പ്രസിഡൻറ് യു.വി.റഹീം അധ്യക്ഷനായി. ഡോ.കെ.അനൂപ് ഹരിദാസ്, സി. പി.ജെസിൽ, കെ. പി. അബ്ദുൾ റഷീദ്, നാസർ വട്ടൻപുരയിൽ, സുരേഷ് ചാലാറത്ത്, സിറാജ് പൂക്കോത്ത്, ഷഫീർ ചെക്യാട്ട്, ബഷീർ കായക്കുൽ, അരിപ്പയിൽ മജീദ്, ലത്തീഫ് പത്തായപ്പുരയിൽ എന്നിവർ സംസാരിച്ചു.


Share our post
Continue Reading

Trending

error: Content is protected !!