ഏറ്റവും അധികം രക്തദാനം ചെയ്ത സംഘടന; ഡി.വൈ.എഫ്‌.ഐ തൃശൂര്‍ ജില്ലാ കമ്മിറ്റിക്ക് സര്‍ക്കാര്‍ പുരസ്‌കാരം
തിരുവനന്തപുരം: ഏറ്റവും കൂടുതല്‍ രക്തം ദാനം ചെയ്ത സംഘടനയ്ക്കുള്ള ഈ വര്‍ഷത്തെ സംസ്ഥാന സര്‍ക്കാര്‍ അവാര്‍ഡ് ഡി.വൈ.എഫ്‌.ഐ തൃശൂര്‍ ജില്ലാ കമ്മിറ്റിക്ക്. കഴിഞ്ഞ 10 മാസം തൃശൂര്‍ മെഡിക്കല്‍ കോളേജില്‍ മാത്രം 4,953 യൂണിറ്റ് രക്തമാണ് ഡി.വൈ.എഫ്‌.ഐ പ്രവര്‍ത്തകര്‍ നല്‍കിയത്. മാര്‍ച്ചില്‍ കടുത്ത രക്ത ക്ഷാമം കാരണം ഒപ്പറേഷനുകള്‍ ഉള്‍പ്പെടെ മാറ്റി വെക്കേണ്ടി വന്നപ്പോള്‍ മെഗാ രക്ത ദാന ക്യാമ്പ് പ്രഖ്യാപിച്ച് മൂന്ന് ആഴ്ചകൊണ്ട് 1035 യൂണിറ്റ് രക്തം ദാനം ചെയ്തുവെന്ന് ഡി.വൈ.എഫ്‌.ഐ സംസ്ഥാന സെക്രട്ടറി വി.കെ സനോജ് ഫെയ്‌സ്ബുക്കില്‍ കുറിച്ചു.
