കുമരകവും കടലുണ്ടിയും രാജ്യത്തെ മികച്ച ടൂറിസം വില്ലേജുകള്‍; പുരസ്‌കാര നിറവില്‍ കേരളം
ലോക ടൂറിസം ദിനത്തില്‍ കേരളാ ടൂറിസത്തിന് ദേശീയ പുരസ്‌കാരം. രാജ്യത്തെ മികച്ച ടൂറിസം വില്ലേജിനുള്ള പുരസ്‌കാരമാണ് കേരളത്തിലെ ടൂറിസം കേന്ദ്രങ്ങളായ കുമരകത്തിനും കടലുണ്ടിക്കും ലഭിച്ചിരിക്കുന്നത്. കേരള സര്‍ക്കാര്‍ ഉത്തരവാദിത്ത ടൂറിസം മിഷന്‍ പദ്ധതി നടപ്പിലാക്കിയ ഗ്രാമങ്ങളാണ് കടലുണ്ടിയും കുമരകവും. ദേശീയ തലത്തില്‍ കേരളാ ടൂറിസത്തിന് ഈ വര്‍ഷം ലഭിക്കുന്ന രണ്ടാമത്തെ പ്രധാന അംഗീകാരമാണിത്. ടൂറിസം മന്ത്രി പി.എ മുഹമ്മദ് റിയാസാണ് ഈ വിവരം ഫെയ്‌സ്ബുക്കിലൂടെ അറിയിച്ചത്. കേരള റെസ്പോസിബിള്‍ ടൂറിസം മിഷന്റെ ഭാഗമായി പ്രവര്‍ത്തിക്കുന്ന എല്ലാവരെയും പ്രത്യേകം അഭിനന്ദിക്കുന്നതായും മന്ത്രി ഫെയ്‌സ്ബുക്കില്‍ കുറിച്ചു.
