തപാല്‍ വകുപ്പില്‍ പുതിയ സംവിധാനം: പാഴ്സലുകള്‍ അയക്കാം ഈസിയായി
കോട്ടയം :വ്യാപാര വ്യവസായ സ്ഥാപനങ്ങള്‍ക്കും സ്വയംതൊഴില്‍ സംരഭകര്‍ക്കും പാഴ്സലുകള്‍ അയക്കുന്നതിന് പ്രത്യേക സൗകര്യങ്ങളുമായി തപാല്‍ വകുപ്പ്. കൂടുതല്‍ പാഴ്സലുകള്‍, കത്തുകള്‍ അയക്കുന്ന സ്ഥാപനങ്ങള്‍ക്കും വ്യക്തികള്‍ക്കുമാണ് പ്രത്യേക ഇളവ് അനുവദിക്കുന്നത്. റജിസ്റ്റേഡ്/ സാധാരണ കത്തുകള്‍ കൂടുതല്‍ അയയ്ക്കുന്ന സ്ഥാപനങ്ങള്‍ക്കു ചെറിയ സര്‍വ്വീസ് ചാര്‍ജ്ജോടെ (മിനിമം 70 പൈസ) കോട്ടയം ഹെഡ്പോസ്റ്റോഫീസില്‍ നിന്ന് വ്യക്തിഗത സഹായം ലഭിക്കും. നടപടികള്‍ വേഗത്തിലാക്കാനാണിത്. വിദേശ രാജ്യങ്ങളില്‍ പഠിക്കുന്നവര്‍ക്ക് മാതാപിതാക്കള്‍ സാധനങ്ങള്‍ അയക്കുന്നത് ഇപ്പോള്‍ കൂടിയിട്ടുണ്ട്. ഈ സാഹചര്യത്തില്‍ സാധനങ്ങളുമായി എത്തിയാല്‍ പരിശോധിച്ച് പായ്ക്ക് ചെയ്ത് തരുന്നതിനുള്ള സംവിധാനം (പാഴ്സല്‍ പായ്ക്കിംഗ് യൂണിറ്റ്) കോട്ടയം, പാലാ ഹെഡ് പോസ്റ്റോഫീസില്‍ ഒരുക്കിയിട്ടുണ്ട്.
