Kerala
പഠനത്തിനൊപ്പം നൈപുണിപരിശീലനം; എല്ലാ കോളേജിലും തൊഴിൽകേന്ദ്രം ഒരുക്കും
തിരുവനന്തപുരം: നാലുവർഷബിരുദം നടപ്പായതോടെ, സംസ്ഥാനത്തെ ആർട്‌സ് ആൻഡ് സയൻസ് കോളേജുകളിൽ തൊഴിൽകേന്ദ്രങ്ങളും ഒരുക്കും. നൈപുണിപരിശീലനം ലഭ്യമാക്കി വിദ്യാർഥികൾക്ക് തൊഴിലവസരം ഉറപ്പാക്കുകയാണ് ലക്ഷ്യം. കോളേജുകളിൽ സെന്റർ ഫോർ സ്‌കിൽ ഡിവലപ്‌മെന്റ് കോഴ്‌സസ് ആൻഡ് കരിയർ പ്ലാനിങ് (സി.എസ്.ഡി.സി.സി.പി.) എന്നപേരിലുള്ള ‘തൊഴിൽ നൈപുണി കേന്ദ്രം’ തുടങ്ങാൻ സർക്കാർ പൊതുമേഖലാ കമ്പനിയായ അസാപ്പിനാണ് ചുമതല. ഇതിനകം നൂറു കോളേജുകളുമായി ധാരണാപത്രം ഒപ്പിട്ടതായി അസാപ് അധികൃതർ പറഞ്ഞു. വിദേശത്തേക്കുള്ള മലയാളികളുടെ കുടിയേറ്റം പഠനത്തിനൊപ്പം തൊഴിലവസരംകൂടി ലക്ഷ്യമിട്ടായതിനാൽ വിദ്യാർഥികളെ ഇവിടെ പിടിച്ചുനിർത്തുകകൂടി ലക്ഷ്യമിട്ടാണ് സർക്കാരിന്റെ തൊഴിലധിഷ്ഠിത വിദ്യാഭ്യാസപരിപാടി. സർക്കാർ, എയ്ഡഡ്, സ്വാശ്രയ മേഖലകളിലായി എണ്ണൂറോളം ആർട്‌സ് ആൻഡ് സയൻസ് കോളേജുകളാണുള്ളത്. ഇവിടങ്ങളിലെല്ലാം ‘നൈപുണി കേന്ദ്രങ്ങൾ’ വികസിപ്പിക്കാൻ പ്രത്യേക സ്ഥലമോ കെട്ടിടമോ നീക്കിവെക്കാനാണ് നിർദേശം. നൈപുണി കേന്ദ്രങ്ങൾവഴി ഇരുനൂറിലേറെ തൊഴിലധിഷ്ഠിത കോഴ്‌സുകൾ ലഭ്യമാക്കും. ഒരുലക്ഷം ഇന്റേൺഷിപ്പ് അവസരവും ഒരുക്കും. നിത്യജീവിതത്തിൽ അനിവാര്യമായ തൊഴിൽ നൈപുണി, ഐ.ടി., തുടങ്ങിയ പഠനവും പരിശീലനവും നാലുവർഷ കോഴ്‌സിന്റെ ഭാഗമാണ്. ഇതിനുപുറമെയാണ് നൈപുണി കേന്ദ്രങ്ങളിലെ കോഴ്‌സുകൾ. ഇവയ്ക്ക് സർവകലാശാലകൾ ക്രെഡിറ്റ് നൽകും. മൂന്നുവർഷ ബിരുദത്തിൽ ഒരു മൈനറും ഓണേഴ്‌സിൽ പരമാവധി രണ്ടു മൈനറും പഠിക്കാം. നൈപുണികേന്ദ്രത്തിലെ മറ്റു കോഴ്‌സുകൾ വഴി എക്‌സ്ട്രാ ക്രെഡിറ്റും നേടാം.
അസാപിന്റെ ദൗത്യം ഇങ്ങനെ
* ഓഫ് ലൈൻ കേന്ദ്രമാണെങ്കിൽ കോഴ്‌സുകളും ഫാക്കൽറ്റിയും ഒരുക്കും
* കോളേജിലെ കംപ്യൂട്ടർ ലാബോ മറ്റോ ഉപയോഗിച്ചുള്ള ഓൺലൈൻ കേന്ദ്രമാണെങ്കിൽ അതിനുള്ള ക്രമീകരണം
* തൊഴിൽ-നൈപുണി പഠനവുമായി ബന്ധപ്പെട്ട പാഠ്യപദ്ധതി രൂപകല്പന, വിലയിരുത്തൽ, സർട്ടിഫിക്കേഷൻ
* മൈനർ കോഴ്‌സുകളുടെ പഠനവും സൗകര്യവും
* നിലവിലെ ബിരുദഘടനയ്ക്കു പുറത്തുള്ള ഹ്രസ്വകാല-സർട്ടിഫിക്കറ്റ് കോഴ്‌സുകൾ
* ഇന്റേൺഷിപ്പ് അവസരങ്ങളും വ്യവസായ സ്ഥാപനങ്ങളിലെ പരിശീലനവും
* തൊഴിൽപഠനം പൂർത്തിയായവർക്ക് പ്ലേസ്‌മെന്റ് ഉറപ്പാക്കൽ
കോഴിക്കോട്: മലാപ്പറമ്പിൽ പെൺവാണിഭ കേന്ദ്രത്തിൽ പോലീസ് റെയിഡ്. ആറ് സ്ത്രീകളും മൂന്ന് പുരുഷൻമാരും ഉൾപ്പടെ ഒൻപത് പേർ അറസ്റ്റിൽ.കേന്ദ്രത്തിന്റെ നടത്തിപ്പുകാരുൾപ്പടെയാണ് അറസ്റ്റിലായത്. മലാപ്പറമ്പ് ഇയ്യപ്പാടി റോഡിലെ അപ്പാർട്ട്മെന്റിൽ നടക്കാവ് പോലീസാണ് റെയിഡ് നടത്തിയത്. ഇവിടം കേന്ദ്രീകരിച്ച് പെൺവാണിഭ സംഘം പ്രവർത്തിക്കുന്നു എന്ന വിവരത്തിന്റെ അടിസ്ഥാനത്തിലാണ് റെയ്ഡ് നടത്തിയത്.
രണ്ട് വർഷം മുമ്പ് ഫുട്ബാൾ ടീം ഫിസിയോതെറാപ്പിസ്റ്റ് എന്ന് പറഞ്ഞ് പരിചയപ്പെടുത്തിയ ബാലുശ്ശേരി സ്വദേശിക്കാണ് ഈ അപ്പാർട്ട്മെന്റ് വാടകയ്ക്ക് നൽകിയത്. അതിന് ശേഷം ഇവിടെ എന്ത് സംഭവിച്ചു എന്ന് അറിയില്ല എന്നാണ് അപ്പാർട്ട്മെന്റ് ഉടമകളിൽ ഒരാൾ പറയുന്നത്. അയൽവാസികൾ നേരത്തെ പരാതി പറഞ്ഞപ്പോൾ വന്ന് നോക്കിയിരുന്നു എന്നും അന്ന് സമീപത്തെ സ്വകാര്യ ആശുപത്രിയിൽ ഡയാലിസിസിന് എത്തുന്നവരാണ് താമസിക്കുന്നതെന്നാണ് നടത്തിപ്പുകാർ അറിയിച്ചിരുന്നത് എന്നാണ് ഉടമകളിൽ ഒരാൾ പറയുന്നത്. നാല് പേരുടെ ഉടമസ്ഥതയിലുള്ള ഫ്ലാറ്റിലാണ് സംഘം പ്രവർത്തിച്ചിരുന്നത്.
ഹരിപ്പാട്: ഡിജി ലോക്കറിൽ എസ്എസ്എൽസി സർട്ടിഫിക്കറ്റ് ലഭ്യമാകാത്തത് പ്ലസ്‌വൺ പ്രവേശനത്തെ ബാധിക്കാതിരിക്കാൻ ജാതി, താമസസ്ഥലം തുടങ്ങിയവ തെളിയിക്കാൻ മറ്റു രേഖകൾ പരിഗണിക്കും. സ്ഥിരതാമസരേഖയായി റേഷൻകാർഡ് പരിഗണിക്കും.
വിദ്യാർഥി താമസിക്കുന്നിടത്തെ തദ്ദേശസ്ഥാപനം, താലൂക്ക് തുടങ്ങിയ വിഭാഗങ്ങളിലെ ബോണസ് പോയിന്റ് അനുവദിക്കുന്നതിനുള്ള രേഖയായും എസ്എസ്എൽസി സർട്ടിഫിക്കറ്റിലെ വിലാസം സ്വീകരിക്കുമായിരുന്നു. മുൻവർഷങ്ങളിൽ പ്ലസ്‌വൺ പ്രവേശനത്തിനു മുൻപ് എസ്എസ്എൽസി സർട്ടിഫിക്കറ്റ് ഡിജി ലോക്കറിൽ കിട്ടിയിരുന്നു. ഇത്തവണ അതുണ്ടാകാഞ്ഞതാണ് ബുദ്ധിമുട്ടായത്.
വെള്ളരിക്കുണ്ട് (കാസര്‍കോട്): നാലാം ക്ലാസിലുണ്ടായ ഒരു അടി, അതിന് പ്രതികാരം അറുപത്തിരണ്ടാം വയസ്സില്‍. സിനിമാക്കഥയല്ലിത്, മാലോത്തെ ബാലകൃഷ്ണനാണ് ബാല്യകാലത്തെ പിണക്കത്തിന് പ്രതികാരംചെയ്ത് കേസില്‍ കുടുങ്ങിയത്.
മാലോം ടൗണിനടുത്ത് താമസിക്കുന്ന വെട്ടിക്കൊമ്പില്‍ വി.ജെ. ബാബുവാണ് പരാതിക്കാരന്‍. ബാലകൃഷ്ണന്‍, സുഹൃത്ത് മാത്യു വലിയപ്ലാക്കല്‍ എന്നിവരുടെപേരിലാണ് കേസ്. ബാലകൃഷ്ണന്‍ ഷര്‍ട്ടിന്റെ കോളറില്‍ പിടിച്ചുനിര്‍ത്തുകയും മാത്യു കല്ലുകൊണ്ട് കവിളിലും പുറത്തും ഇടിക്കുകയുമായിരുന്നെന്നാണ് പ്രഥമവിവര റിപ്പോര്‍ട്ട്. നാലാംതരത്തില്‍ ബാബുവും ബാലകൃഷ്ണനും ഒരേ ക്ലാസിലായിരുന്നു. ഇടയ്ക്ക് വഴക്കിടുകയും അടിപിടി കൂടുകയും ചെയ്തിരുന്നതായി ബാലകൃഷ്ണന്‍ വെള്ളരിക്കുണ്ട് പോലീസിന് നല്‍കിയ മൊഴിയില്‍ പറയുന്നു.
അന്ന് ബാബു തന്നെ മര്‍ദിച്ചതിലുള്ള വിരോധമാണ് ഇപ്പോള്‍ അടിപിടിയിലേക്ക് നയിച്ചതെന്നും ബാലകൃഷ്ണന്റെ മൊഴിയിലുണ്ട്. ജൂണ്‍ രണ്ടിന് ഒരുമണിക്ക് മാലോത്ത് ടൗണില്‍ ഹോട്ടലിനുമുന്നിലായിരുന്നു സംഭവം. പഴയ പിണക്കത്തിന്റെപേരില്‍ ഇരുവരും തമ്മില്‍ മുന്‍പും വാക്കേറ്റമുണ്ടായതായി പറയുന്നു.
-
Local News2 years agoപേരാവൂർ സ്വദേശിനിയായ അധ്യാപിക തീപ്പൊള്ളലേറ്റ് മരിച്ച നിലയിൽ
-
Breaking News2 years ago
ലാപ്ടോപ്പിൽ 80 സ്ത്രീകളുടെ അശ്ലീല ദൃശ്യങ്ങൾ; വയനാട്ടിൽ നിന്ന് മടങ്ങും വഴി പള്ളി വികാരി പിടിയിൽ,
-
PERAVOOR2 years ago
പേരാവൂർ സ്വദേശിനിയായ യുവതി സെർബിയയിൽ അന്തരിച്ചു
-
KOLAYAD2 years ago
കോളയാട് മേനച്ചോടിയിൽ അമ്മയ്ക്കും രണ്ട് മക്കൾക്കും വെട്ടേറ്റ് ഗുരുതര പരിക്ക്
-
Kannur2 years ago
പേരാവൂരിലെ ട്രസ്റ്റിന്റെ ഫാമിൽ വൻ വ്യാജവാറ്റ്; 1200 ലിറ്റർ വാഷും 40 ലിറ്റർ ചാരായവും പിടികൂടി
-
Kannur2 years ago
വിദ്യാർത്ഥികളെ പ്രകൃതി വിരുദ്ധ പീഡനത്തിനിരയാക്കിയ മദ്രസ അധ്യാപകനെതിരെ കണ്ണവം പോലീസ് കേസെടുത്തു
-
Breaking News1 year ago
പേരാവൂരിൽ ഭാര്യയെ ഭർത്താവ് വെട്ടിക്കൊന്നു
-
Breaking News2 years ago
പേരാവൂര് കുനിത്തലയില് പടക്കവില്പന ശാലക്ക് സമീപത്തെ സംഘര്ഷം;നാലു പേര്ക്കെതിരെ കേസ്
